( من وجهت نظرك ) هل من حقك تتكلم في السياسة !
http://4.bp.blogspot.com/-U4JjdT7EaY...alseyassah.jpg
هل من حق الناس الكلام في السياسة ؟
اولاً الموضوع ملهوش علاقة بالسياسة. لكن انا هنا بناقش اوضاع مجتمع وليس اوضاع سياسية
ثانياً بسئل نفسي. هل من حق الناس انها تتكلم في السياسة. .... واذا من حقهم طيب ليه انا او انتا بنستغرب لمن سباك بيتخانق مع نقاش علشان السياسة ... وليه بنشوف سواقين تكاتيك. متجمعين وتفتكرهم بيتخانقوا وتكتشف في النهاية انهم واقفين سايبين شغلهم وواقفين بيشربوا كوبايتين شاي وقاعدين. عاملين اجتماع القمة في الشارع وعلى النصية وبيتناقشوا في تسير شؤون الدولة العليا ههههههههه. ... انا بتكلم بجد مبهزرش .
حتى وانا في الشغل وبعدي على المكاتب واشوف الشغل اخباروا ايه ... ابص الاقي واد لسه متعين جديد يقولي وانتا. يا استاذ محمد ايه رئيك بالي بيحصل في البلد اليومين دول ... اقولو بلد ايه. ... وانتا جي هنا بتشتغل عامل ولا جي تشتغل محلل سياسي وجي تحللي اوضاع البلد يا اخي. حلل مرتبك حلل اللقمة الي هتصرف بيها على عيالك حلل القرشين الي هتاخودهم مش جي تحللي اوضاع البلد وخليك في الشغل ومليكش دعوة بالبلد وخليك في اكل عيشك .
@@@@@@@
http://www.alhadathnews.net/wp-conte...ffemsrxkn4.jpg
القصد على ايامنا ... قالوللنا ان في كلية تجارة وفي كلية طب وفي كلية هندسة وشرطة
وكمان في كلية. سياسة واقتصاد ... وعمرنا ما شوفنا تداخل في الاختصاصات دي غير نادراً بس القصد ان كل واحد ليه وظيفة والسياسة ليها موظفين خاصين بيها وناس منتخبه تقوم بدورها وبوظيفتها ... انا عارف اننا شعب يموت في الافتاااء. والافتيكسات. والتحليل ... انا عارف ان كل واحد فاكر نفسوا فتك. عن التاني وانوا هوا بس الي بيفهم والناس التاني مبتفهمش اي حاجة ... انا عارف ان كل واحد فاكر نفسو هو الصح والناس التانية هيا الغلط .... وكل واحد. حاسس انوا لو كان رئيس جمهورية البلد كان عمل وعمل وعمل وخلى مصر ولا اليابان ... كل ده انا عارفوا بس الي مش عارفو والي مش قادر افهموا ليه مش قادرين نشتري دماغنا. ونكبر الجوم جومة
https://encrypted-tbn3.gstatic.com/i..._7mjq6DgjD397A
اكيد واحد هيقولي لا ازااااي ماهو لازم نعرف ايه الي بيدور من حولينا
ماشي انا معاك نعرف. لمجرد العلم بالشيء ولكن مندخلش في طريقة عملوا. لان بتدخلنا في طريقة عملوا هنعيقوا وندربك الدنيا .... وبمعنى اخر انتا كانسان ساكن في بيت شقة او ڤيلا لكن هل ممكن تتدخل في توزيع شبكة الكهربا جوا بيتك وانتا مش كهربائي ... ورغم انوا بيتك ومكتوب باسمك. وليييك ولعيالك لكن هل ممكن تدخل بعمل وصلات الكهربا وتشيل سلك مكان سلك وتحط كوبس او فيوز مكان فيوز وانتا مش كهربائي ( اكيد واحد فيتك هيقول اااه انا بعمل وبعمل وبعمل. وانا ابو العريف في الكهربا طيب ماشي )
انتا كصاحب ام البيت دهووو. بتقدر تلعب في وصلات السباكة وتعمل حنفيات هنا او تغير طبه مية وتغير مسورة مكان مسورة وتشيل حنفية وتركب حنفية !!!
( اكيد برضوا واحد فيتك هيقولي اااااه انا اقدر وممكن يكون فعلاً بيعرف وممكن لمجرد المقاوحة فقط هيقول اه اقدر وخلاص رغم انوا لا يقدر ). بس احب اقولوا اذا قدرت تلعب في الكهربا فانتا كهربائي واذا قدرت تلعب في وصلا المية فانتا سباك واذا قدرت تدير وطن فانتا سياسي ومسؤول .... ومش معقوله كل من هب ودب. هيلعب لي في وصلاة الكهربا بتاعت بيتنا. ولمن يحصل ماس كهربائي في البيت. والبيت يووووولع. معرفش مين السبب ومين المسؤول من كتر الناس الي دعبيست ولعبت في الكهربا
القصد ارحمونا بقه. بام الافتاااااء وكلامكم في السياسة
كل واحد. قاعدلي ورى جهاز الكمبيوتر وعمال هتتك بتتك. ويتكلم في مستقبل مصر ولا اجدعها سياسي محنك ومش بعيد يكون لسه في الجامعة. وعايد السنة على مادتين ... او يكون ساقط ثانوية عامة وعمال يتكلم عن الوزير الفلاني انوا فاشل مثلاً ... يعني اسم الله عليه هو. الي. سيرتوا الذاتيه. بيتضرب بيها المثل يعني ولا سيرة ابو زيد الهلالي. ... كل واحد فينا عندوا نقطة فشل في حياتوا ... بمعنى مثلاً ازاي نحكم على رئيس جمهورية ولا حتى الوزير الفلاني انو انسان فاشل وهو اكيد موصيلش للمنصب ده من فراغ بل من تعب ومن كدد وشقى وسنين تميز لغايت ما ربنا كرموا وبقى وزير او رئيس ... فدلوقتي الراجل الي شقي وتعب. لغايت ما ربنا كرموا وبقى وزير ده اصبح انسان فاشل وانتا الي قاعد في البيت بالبيجاما ولا رحت ولا جيت ( اسم الله عليك ... اسم الله عليك ) بقيت انسان ناجح طيب ازاااي !!!
http://3.bp.blogspot.com/_8VPYdDV250...s400/asdad.jpg
@@@@@@@@@@@
موضعنا هنا ليس هجوم عليكم ولا هجوم عليهم ... لكن هل انتا كمواطن شايف ان من حق كل الناس تتكلم في السياسة !
https://encrypted-tbn0.gstatic.com/i...l63UZZx0wp8bAA
هل انتا كانسان كبشررررر شايف ان كل الناس بتعرف تتكلم في السياسة ولا في ناس لا بتاعت سياسة ولا بطيخ دي كبيرها تقشر يوستفدي ... ثم هل انتا او غيرك درست سياسة وتدرك جميع المصطلحات السياسية. ولا اتعلمت السياسة بالفكاكه كده اباً عن جد ... والسياسة بتجري في دمك ودم العيلة. ... ثم هل السياسة دي بتئكلنا عيش !!!
وهل لو حضرتك. ادخلت في السياسة هل ممكن البلد دي تتقدم ولا بتدخلك ده ممكن تخلي واحد مش فاهم اي حجة في اي حاجة ويعوم على عومك وينزل يكسر ويحرق ويخرب في البلد .... طول عمرنا كنا عايشين من غير سياسة. وكنا فل الفل وعايشين اخر حلاوة وعشرة على عشرة شوف السياسة جابتنا فييييييييييييين !
فبكرر سؤالي لكم كمواطنين صالحين وليس كسياسيين ... واديكم شايفين لمن رجل الشارع اداخل في السياسة البلد حصل فيها ايه ... واديكم شايفين لمن الانسان البسيط بقه يتكلم في السياسه ازاي اي حد يختلف معاه الدم يبقى للركب. واديكم شفتم لمن الاطفال والشباب والعيال بقت تتكلم في السياسة بقة حوادث النهب والسلب والحوادث وحجم الشهداااااء بقه قد ايه. ويروحوا عاوزين يقتحموا محكمة تقلش رايحين يحرروا الاقصى ولا يحرر سراييفوا ويحرقوا مجمع علمي. ويحرقوا شهر عقاري او مرور. او حزب ماااا ...
فهل انتا يا اخي الكريم ترى ان من حق كل من هب ودب ان يتحدث في السياسة
في انتظار أرائكم التي احترمها واشيلها على العين والراس
برجاء التصويت وذكر وجهت نظرك. وشكراً لكم مقداماً
@@@@@@@@@
وتحياتي