طبعا احنا كلنا أو معظمنا هيكون متفق مع حضرتك على المشكله دي ولو ان هنا في اكتوبر لسه محسيناش بيها عشان الدنيا هنا لسه رايقه ومفيش مشاكل في الركن على الاقل قدام البيوت بس حضرتك حليت الموضوع بالنسبه لمنطقتك بس فيه كام منطقه في القاهره أد منطقتك؟ 10 تلاف مثلا؟ ولو حل كل واحده هيبقى 3 مليون جنيه (وده رقم متفائل جدا) لشراء أرض وبناء جراج متعدد الطوابق هنكون كده بنتكلم في 30 مليار جنيه على أقل تقدير.
حلك حلو بس هوه يعتبر فكره للقطاع الخاص او حتى الافراد يعني بدل ما أبني عماره سكنيه أبني جراج متعدد الطوابق برسوم شهريه للمقيمين بالمنطقه وبالساعه للمترددين عليها بس تفتكر كام واحد في مصر مستعد يدفع اشتراك شهري لجراج عربيتو؟ عشان أنا عارف طريقه تفكيرنا هقولك هتلاقي كتير جدا بيقولو وأركن ليه في جراج بفلوس والركن في الشارع ببلاش واشمعنى أنا أركن بفلوس وأسيب المكان لجاري يركن ببلاش.
المفضلات