ان شاء الله بكره الصبح رايح اشتري بيرسونا ٢٠١٢ فابريكه بالكامل عامله ٧ الاف كيلومتر الراجل عايز ٩٢٠٠٠ الف جنيه نهائي ده سعر كويس ولا اعمل ايه ؟؟؟؟؟؟ ارجو الافاده
عرض للطباعة
ان شاء الله بكره الصبح رايح اشتري بيرسونا ٢٠١٢ فابريكه بالكامل عامله ٧ الاف كيلومتر الراجل عايز ٩٢٠٠٠ الف جنيه نهائي ده سعر كويس ولا اعمل ايه ؟؟؟؟؟؟ ارجو الافاده
لو اتوماتيك نقدر نقول ماشى بس غاليه شويه بس الاسعار هى الي رفعت لو منيول تبقى طبعا غاليا
هي اتوماتيك هاي لاين مافيش فيها خربوش واحد
لازم تكشف على العربية كويس في مركز عصام صفا أو التوكيل...
ما تشتريش قبل ما تكشف عليها!
ااستخير المولى عز و جل اولا ثم الكشف على السيارة فى احدى المراكز المعتمدة او الوكيل لان المبلغ ليس بالقليل و لو تعرف تزود عليه شوية و تجيب حاجة زيرو يكون افضل و الله المستعان
اسمحلى اقوللك رأيي المتواضع , انا من ملاك بروتون و هي عربيات كويسة جدا ثبات و قوة موتور و رياضية .... الخ و لكن انا لو مكانك و هشترى عربية مستعملة حتى لو كسر زيرو مش هشترى بروتون ( طبعا مش عشان هي وحشة ) و لكن عشان عدم توفر قطع الغيار فى المقام الاول و سوء التوكيل - يعنى مثلا بنفس السعر ده تجيب لانسر 1600 استعمال كويس , لان العربية منتشرة و قطع غيارها موجودة كتير جدا و لما تيجى تبيعها هتلاقيلها بيعة بسهولة لانها مطلوبة فى اعادة البيع و قبل كل ده طبعا هي يابانى 100 % . و لو سالتنى انا مجبتهاش ليه , اقوللك لانى كنت عايز اشترى عربية زيرو و طبعا لانسر زيرو غاليه جدا بالنسبة لبروتون . ان شاء الله ربنا يوفقك للخير ......
شكرا لجميع الاراء ان شاء الله هكشف عليها عند عماد اللي في المريوطيه وهو راجل شغال في التوكيل ممكن تكونو عارفينه ٫٫٫ وبالنسبه للانسر ٢٠١٢ كسر زيرو بيتكلمو في ١٠٠ الف اقل حاجه وانا اصلا معايا عربيتين ويرا ٢٠٠٤ يعني الحمد لله بقالي ٩ سنين راكب بروتون فا عارف العيوب والمميزات بس انا بتكام انا فرق ١٨ الف جنيه في ٧ الاف كليو العربيه ماشيه ده فرق كويس لان العربيه في عز العرب ب ١١٠ الف ٫٫ تفكيري صح ولا في حد عنده راي تاني
اتكل على الله وواشتريها بعد الكشف عليها طبعا
اكشف عليها واطمن الأول ، وبلاش تسترخص فى الكشف،
ياريت تروح للتوكيل او عصام صفا هما سعرهم عالي بس هيطلع لك تقرير بالضبط خصوصاً انك هتدفع مبلغ مش قليل ثمن العربية.
وطبعاً المبلغ مناسب جداً ، والعربية تعتبر زيرو ، وضمانها ساري 3 سنوات او 100 الف ، والزيرو ب 110 الف ، يعني انت الكسبان.
انا اشتريت من اسبوعين كده برسونا 2012 اوتوماتك عاملة 9000 كم ب 88000 بس فيها خبطه بسيطة في الكبوت مردوده على البارد ( مش باينة قوي يعني ) و كشفت عليها عند عصام و صفا ( جنب السندباد ) , اعتقد ان 92000 مش وحش لو مفيهاش عيوب صناعة , خصوصا ان العربية متفرقش عن الزيرو !
و هتوفر 20000 جنيه انت اولى بيهم من عز العرب :)
بس اهم حـــــــــــاجة تستخير ربنا و تتوكل عليه :)