-
استفسار بخصوص a113 2013
السلام عليكم
لو سمحت انا كان عندى استفسار بخصوص السبـــيرانزا a113 2013 لانى بفكر اشتريها ان شاء الله جديدة وهتكون اول عربية اجبها فسمعت آراء ناس كتير عن العربية دي شفت بعض تعليقات الأعضاء عن العربية بس بتكون اغلبها عن موديل مختلف او الموضوع قديم المهم كنت عايز اعرف اية عيوب العربية دي من تجارب شخصية للأعضاء عشان اللي سمعته من الناس ان العربية عفشتها سيئة جدا و فى عضة فى الفتيس وانها خفيفة على الارض وممكن تنقلب بسهولة وان العفشة ناشفة على المطبات ولازم تتربط كل اسبوعين وهل فى مشاكل تانية فى العربية بتظهر مع الوقت واسف على الاطالة.. شكراً
-
بسعر العربية الجديدة اشتري سيارة محترمة مستعملة
اظن أن ذلك سيكون أفضل
او ادفع هذا المبلغ في مقدم سيارة .. وخلي بالك من المعاملات الربوية
-
هي العربية بـ 64 ألف
حرام طبعا تدفع المبلغ ده في العربية ده من وجهي نظري
-
هو مفيش حد من الأعضاء معاه العربية يقدر يفدينى ويقولي على عيوبها ؟
-
نصيحه لوجه الله لا تشترى هذه السياره كلها عيوب السياره عندى فى البيت راكبينها من 2008 حاجه سيئه فى كل حاجه لو عايز تتفرج عليها مستعد عفشه علبة دركسيون مشاكل كهربا وزجاج كهربا وفتيس وطنابير ومساعدين كمان الصالون بتاعها داب اه والله داب مع انها استعمال كويس ومحدش بيهينها لكن هى طبيعتها كده موكوسه وشكرا
-
شكراُ لرد حضرتك بس انا كنت بسئل على موديل 2013 هل فى حد ركب الموديل ده وشاف مشاكله ؟
-
بص ياباشا
العربية دي مع اخويا من شهور تقريبا اشتراها موديل 2008 مستعملة وماشية والي 90 الف كيلو
العربية دي ايام ماكانت ب 50 الف كانت تعتبر صفقة رابحة لكن دلوقتي بعد ما سعرها رفع قوي كده .. دخلت في منافسة مع عربيات تانية كتير ومنها اختها الكبيرة 516 ....
واكيد لو هتعمل مقارنة 516 هتكسب بكل المقاييس ... مش عيب في 113 ولكن 113 عربية صغيرة عايزة عناية شوية ؟؟؟؟
عيوب 113 في رايي :
1- العفشة ناشفة وبتدبدب لكنها قوية جدا (( يعني مش هتلاقي نفسك اخدت مطب على 80 وتلاقي العربية جرى فيها حاجة .... عادي جدا كل مطبات زي ما انت عايز بس المشكلة في اصوات العفشة .... ( المشكلة دي عامة في كل الاسبيرانزات ولكن بتتفاوت من عربية للتانية ))
2- الماتور 1300 يعني مش هيسعفك في الجري الشديد بعنب لو متعود تمشي 160 وكدا مش هياكل معاك حلو قوي 140 وكمان صوت الماتو عالي شوية
3- قطع غيارها اغلى شوية من 516
4- العربية صغيرة وماتنفعش مع عيلة كبيرة يعني آخرها تشيل 4 بس
5- الشنطة صغيرة قوي
6- ده موضوع شخصي (( مكان دواسة الدبرياج مش مريح بالنسبالي ))
المميزات ::
1- اهم ميزة : ثبات عالي على الطريق برغم صغر حجم السيارة كعادة اي عربية اسبيرانزا ( كمان لو ركبتلها طقم كاوتش اعرض هتبقى اجمل والثبات هيزيد )
2- العربية قعدتها مريحة رغم صغر حجمها .. حتى اللي قاعد ورا بيبقى مرتاح
3- تكييف قوي
4- اماكن تخزين كتيرة حوالي 5 اماكن حول السائق
اخيرا :: نصيحة من اخوك ؟؟؟
لو انت اول مرة تسوق عربيات هات حاجة مستعملة
او فكر في حاجة اكبر زي 516 او m11 مستعملين بحالة نضيفة هيبقوا بتمن 113 زيرو
موديل 2013 نفس موديل 2007 مفيش اي تغيير انا شفتها في المعرض من كام يوم نفسها في كل حاجة
وربنا يوفقك ان شاء الله
-
العربيه معايا من اول 2011 ...
العربيه بسم الله ماشاء الله و لا فتحت بقها و لا حاجه باظت فيها و لا اى option فيها عطل و لا مساعدين و لا حاجه ميكانيكيه .
تكييفها زى الفل و شغال كويس .. ثابته مع صغر حجمها ..
العفشه فعلا ناشفه و بتدبدب فى المطبات و فعلا لازم تتربط كل فتره بس مش كل يوم او اسبوع حتى .. يعنى مره كل شهر يبقى مناسب ... بس لو انت راكب عربيه ناعمه حتحس باختلاف كبير .
شنطتها فعلا صغيره بس ده لحساب الصالون اللى قاعد ورا و قدام مستريحين بالنسبه لحجم العربيه .
بالنسبه لسعرها انا مش عارف i10 سعرها كام دلوقتى اللى هى اقرب منافسيها و برده مش حتلاقى فيها كميه الكماليات دى .. ده لو مصمم على زيرو اما لوفيه امكانيه انك تجيب استعمال ففى اختيارات كتير احسن منها .. 2013 هى هى ما تغيرش غير شكل الجنوط فقط و ربنا يوفقك فى الاختيار .
Content Relevant URLs by
vBSEO 3.6.0 PL2