المشاركة الأصلية كتبت بواسطة bishoy.girgis
أهلا بيك قسم نيسان نايل موتورز :
بما اننا قسم خدمي من الدرجة الاولي فلازم طبعا نقوم بمساعدة الاعضاء و نشوف ايه المشكلة و نبتدي نبحثها مع العضو و التوكيل في نفس الوقت .
في كام سؤال عايزيين لهم رد عشان نعرف ملابسات المشكلة ..
1- عند دخول العربية للصيانة بيتم عمل فحص من مهندس الاستقبال للعربية بالكامل من الظاهر مع كتابة تقرير .. فهل ذكر اي حاجه عن تكييف العربية ؟؟؟ و اسم المهندس اللي استلم العربية ؟؟؟؟
2- بعد خروج المهندس علشان يقول لحضرتك علي الحاجات اللي هتتغير في العفشة ..
ما هي قطع الغيار الفعلية اللي المهندس قال عليها بالتفصيل ؟؟؟
3- هل لما حضرتك روحت توكيل مودرن موتورز و دا طبعا التوكيل اللي بيبعد عن اتوايجيبت بـ 2 كيلو .. هل قولت ليهم من ضمن سياق الحديث انك كنت في توكيل اوتوايجيبت ؟؟؟
4- هل تقرير الصيانة النهائي في اوتوايجيبت كان من ضمنه ان لازم تيل الفرامل يتغير ؟؟؟
5- و بعدين لما حضرتك قولت لمودرن موتورز يكشفوا عن العفشة .. ايه اللي خلاهم يكشفوا عن تيل الفرامل ؟؟؟ هل حضرتك قولتلهم اصلا يكشفوا عنه ؟؟؟؟
6- ممكن اعرف كمان تفصيل فاتورة مودرن موتورز ؟؟؟ و اسم المهندس اللي استلم منك العربية ؟؟؟
7- صور من الفواتير من توكيل اوتوايجيبت و مودرن موتورز ... علشان نعرضهم في اول اجتماع من اجتماعات نيسان تيم و المنسقين و ايضا ً الوكلاء ...
8- ياريت اسم حضرتك بالكامل و رقم تليفونك و الاوراق المطلوبة في البند رقم 7 الي اي عضو من نيسان تيم ..
لازالت المنافسة شرسة و قوية بين توكيلات نيسان و لكن كل اللي علينا اننا نعرف ميزة كل توكيل علشان كل ده في مصلحتنا كأعضاء نيسان لكن لازم نقول بالتفصيل ايه اللي حصل مع كل عضو لأننا كمنسقين بنقوم برفع تقاريرنا الي الوكلاء و بيقوموا بالرد علينا فورا و الحمدلله ان لغاية دلوقتي مفيش وكيل من وكلاء نيسان قصر معانا في اي شيئ و طبعا كل ده في مصلحتنا لكن كل اللي احنا بنطلبه برضه النقد البناء علشان ده مش اسلوبنا اللي متعودين عليه في قسم نيسان ..