الموضوع: الكبالن

السلام عليكم ورحمة الله وبركاته

كنت عايز اعرف سعر الكبالن كام دلوقت
نوع السيارة هيونداي ماتريكس

والنوع ايه - او البلد المنشأ
لإن الكبالن عندي يمين وشمال بقو بيعملو صوت ف الملفات
وشكرا جزيلا :)

المشاركة الأصلية كتبت بواسطة seri0us

حضرتك لفت انتباهي بعد تعليقك عبارة " الماتريكس كنافة بالمهلبية "
ههههههههههههههههههههههه

بس تقريبا علشان انت جبت بتاعت غبور ... مواصفات مصرية يعني :((

مع والدتي و اول ما سوقتها قلت في حقها كلام سيء جدا و ما زلت عند رأيي طبعا :)

بس رأيك ده راجع انك ما شوفتش الخليجي و اللي هو اصداره من 2005 الى 2007 بفتحة سقف
و كماليات بنت لذينة جدا جدا ده غير طبعا العفشة الرهيبة و عزل الصوت داخل الصالون و ... و ....

انا هنقلك موضوع ليا عن الخليجي اللي انا جبتها الحمد لله و شوف الفروقات من باب العلم
و كمان علشان لما تغير ان شاء الله اي موديل تاني تركب منه الخليجي حتى لو هيقولك انت
كده بره ضمان الوكيل ... قوله مافيش مشاكل لان المصري بيجي دايما معيوب اما الخليجي
فالخواجة هيونداي بنفسه هو اللي شييك عليها قبل التسليم هههههههههههه
المهم : الموضوع اهو سيدي الفاضل ...
.
.
.
نصيحة مني و من مجرب بطريقة عملية ...

و انت بتشتري اي عربية مستعملة دور على الخليجي منها و ابعد تماااااااااااااما

عن المصري مهما كانت كمالياته فهو برضه اقل من المصري بمراااااااااحل متفاوتة ...

انا كان معايا المبلغ بتاعك تقريبا او اقل 1000 ج في شهر 5 اللي فات و الحمد لله صاحب

معرض نصحني اركب ماتريكس خليجي لما عرف اني بشتم في الماتريكس 2006 اللي معانا

من حيث انها عربية تقفيل زبالة بمعنى الكلمة و عفشة بتخبط من ورا لان الجزء الخلفي في الماتريكس

فاضي كما هو معروف فتحس انها عفشة خفيفة فضلا عن عدم الثبات في مطبات الهوا ...

المهم ... سمعت كلامه و دخلت على موقع كنتاكت كارز قسم المستعمل في الماتريكس الخليجي

و وقعت واحده حالة شاذه من بره و جوه و اول يد و رخصة ل2014 و اتصدمت لما شوفت الحاجات

اللي هبور " غبور " شايلها من المصري !!!!!!!!!!!!!!!!!!!

و طبعا علشان معانا 2006 مصري فحافظ الفروقات مقارنة ب 2006 الخليجي اللي جبتها ..

مبدأيا الخليجي : فتحة سقف _ سبويلر خلفي _ مساحة خلفية _ تكييف خليجي جباااااااااااار جدا

ماشاء الله " و انسى اي حد يقولك ما تكييف المصري معايا حلو اهو " _ كرسي السائق بمخدع

و 2 بكره هيدروليكي لتغيير وضعية الكرسي _ دراع في جنب ضهر كرسي السائق لنفخه او تفريغه

من الاسفنج حسب ارتياح نهاية عمودك الفقري _ مخدع خلفي في الكنبة به 2 حامل كوباية _ ريموت

اصلي كوري مختلف عن المصري و به فصل كهرباء السيارة منعا من سرقتها و لو بالمفتاح الاصلي _

و جود اباجورة امامية مع زراير فتحة السقف مقسمة لاضائتين تفتح كل جنب لوحده _ بعد نزع المفتاح

من الكونتاك تظل كهرباء في السيارة لقفل الزجاج المفتوح بها ان نسيت _ مع فتح السيارة بالريموت

يضاء الصالون بالكامل بالاضافة لدائرة خضراء حول الكونتاك لتراه في الظلام _ ماكنة الخليجي غير تماما

عن غبور المصري حيث ان غبور اعتمد ماكنة الفيرنا والماتريكس واحده !!!!!!!!

عند نزولك من السيارة و ان كان الموتور ما زال ساخنا لا تنطفيء مروحة التبريد الا بعد تبريد المحرك

كما يحدث في الاسكودا و الالماني !!!!! و ده طبعا مش موجود في الكوري او الياباني !!!!!!!

بص انا مش عارف احصر ايه كمان بس ده اللي فاكره و و الله بتعامل معاها كاني معايا موبايل جديد

و كل يوم بكتشف اوبشن جديد مع نفسي ... طب استنى افتكرت حاجة كمان :

السنتر بتاعها بيقفل اتوماتيك بعد ال 45 من السرعة و استحالة لو العربية معدية السرعه دي

حد من العيال يعرف يفتح الباب او السنتر يعني !!!!!!!!!!!!!!!!!

فنصيحة من مجررررررررررب ربنا يبارك لك و فكر في اي موديل انت عاوزه بس خليجي خليجي خليجي

و كمان اخويا كان جاي اجازة من السعودية فلما شافها قالي تصور اني شوفت دكتور زميلنا في السعودية جاب ماتريكس اول ما نزل السعودية فما اتكلمتش معاه و قلت جايز جاي من مصر متأثر بالسوق المصري ؟؟؟ بس دلوقت انا عرفت هو مستمتع ازاي !!!!! و كان صعبان عليا علشان تكييفها مش هياكل معاه في حر الخليج و اتاري التكييف قصة تانية لوحده غير المصررررررررررررري !!!!!!!!!!

حضرتك كده اكيتلي قد ايه العباره دي بتعبر عن اللي جوايه بالنسبه للماتريكس
حضرتك كده فهمت ان انا مش عاجباني العربية
وناس تانيه ممكن تفهم ان العربيه حلوه جداً كنافه ومهلبيه بقى يعني الحلو كله
وده بالظبط اللي حاصلي مع الماتريكس ساعات احس انها عربية هايله والواحد يقول اني لو جبت عربية تانيه لازم تكون ماتريكس
وبعديها مفيش كام يوم (وساعات في نفس اليوم) اقول الواحد لازم يغير بقى ويركب حاجه محترمه بدل العربية البطه دي
فبصراحه انا مش فاهم لها ومش قادر احدد العربية دي عجباني ولا لأ بالظبط ذي العباره دي اللي كلها كنافه ومهلبية يعني حلويات كلنا بنحبها بس في نفس الوقت لما تقراها تحس انها بتدل على حاجه ضايعه

بالنسبه لموضوع الماتريكس الخليجي انا قريته قبل كده انت كتبت عنوا قبل كده وبصراحه عقدني وكنت طول ما بقرا كنت بسب لهبور (يا رب وهو ماشي كلب يهبره زي ما هو هابرنا كده) بس هنعمل ايه بقى مع الوكلاء المصريين ربنا يهديهم ويغفرلهم بقى اللي عاملينه فينا