بحلم احلام غريبه الايام دى وكلها خاصه بالعربيه

**احمد المصرى** · 24-04-2013 07:05 PM

السلام عليكم

بقالى حوالى يومين بحلم وانا اساسا مش بحلم اطلاقا وكل الاحلام خاصه بالعربيه وبحلم انها ( لا قدر الله ) حد بيسرقها دا ايه يا شباب حد يعرف

**hossam_elwani** · 25-04-2013 12:16 AM

ربنا يسترها علينا جميعا

العقل الباطن شغال من كتر الى بنسمعه

**nonetta** · 25-04-2013 02:13 AM

على فكرة انا من ساعة ما جبت عربيتي
وانا على طول باحلم انها اتسرقت عملت بيها حادثة ركنتها ورحت مكان ورجعت ادور عليها مش بافتكر ركنتها فين
عطلت مني وانا ماشية
وباصحى بسرعة من النوم عشان اعرف انا في حلم ولا حقيقة
غالبا انت جبت عربيتك بعد عناء وتعبان فيها وفي فلوسها اوي
ههههه اصل انا كدة

**S O P H O S** · 25-04-2013 04:41 AM

بصراحة ناس كتيرة فالفترة دي
بقت بتحلم بكده

**احمد المصرى** · 27-04-2013 04:37 PM

الف شكر ليكم وربنا يسترها معانا جميعا ان شاء الله ِ

**مصطفى-حسن** · 27-04-2013 08:28 PM

على فكرة اللى بيحص معاك دة طبيعى
يعنى لو واحد عمل مشروع جديد تلاقية بيحلم بية احلام خوف من الخسارة
ولو واحد اشترى عربية جديدة نفس الكلام
ولو واحد او واحدة بيخاف على اولادة قوى نفس الكلام
متقلقش
خد بالاسباب فى حماية ممتلكاتك ومكتسباتك فى الحياة
وطالما مبتظلمش حد او بتاكل مال حرام
نام قرير العين

**omaranes77** · 15-01-2014 05:39 PM

المشاركة الأصلية كتبت بواسطة menaraafat85

معلش ... أنا عارف إن الموضوع قديم شوية
بس أنا بقى حصل معايا موقف غريب شويتييييين تلاتة
بقالى حوالى سنة ونص بادور على عربية (أول عربية أملكها فى حياتى) ومن حوالى شهرين قبل ما أجيب زوبة اللهلوبة حلمت إنى نزلت أركب العربية وكان معايا والدى واكتشفت إن العربية اتفتحت بالليل واتاخد منها الفلاشة اللى بتركب فى الإم بى ثرى وكنت متنرفز جدا وأخدت والدى وسوقت وكنت عمال أشكيله إن الفلاشة اتسرقت وصحيت من الحلم وباحكى للمدام عليه طبعا استهترت بكلامى وأنا كمان استهرت بالحلم وقعدت تتريق عليا....المهم بعد الحلم دا بحوالى 3 أسابيع ربنا وفقنى فى زوبة وبنفس اللون اللى كان فى الحلم وتخيلوا فى أول أسبوع بعد ما جيبت العربية أنزل أنا ووالدى الصبح عشان كنا رايحين مشوار وأفتح العربية ألاقى الفلاشة مسرووووووووووقة
واللى غايظنى أكتر إن اللى سرق سرق الفلااااااشة مش الإم بى ثرى طبعا الحمد لله إنها جات فى فلاشة مش فى بطارية ولا كاسيت ولا العربية كلها

شغل قران في العربية بادوام وانشاء اللة خير

-

-

-

الموضوع: بحلم احلام غريبه الايام دى وكلها خاصه بالعربيه

LinkBack

أدوات الموضوع

عرض

بحلم احلام غريبه الايام دى وكلها خاصه بالعربيه - انشر الموضوع فى :

-

-

-

-

المواضيع المتشابهه

احلام اليقظه

رولز رويس تحقق احلام عملائها فى السيارة جوست

التيجو تقضي علي احلام الكارينز في السوق المصري

المواضيع كترت اوي وكلها نفس الردود

اريد مفسر احلام

الكلمات الدلالية لهذا الموضوع

المفضلات

المفضلات

ضوابط المشاركة