استفسار عن كاسيت وانذار وصيانة ال25 الف كم للكارينز

**Diaby** · 24-04-2013 07:55 PM

السلام عليكم ورحمة الله وبركاته
معانا عربية كارينز وكيل 2011 فيها الكاسيت العادى بتاع كيا مش LG بس في مشكلة انى عملت 4 اسطوانات dvd اللى هيا 4.7 جيجا وحطيت عليها اغانى mp3 عادى بس مش عايزة تشتغل وبيكتبلى error 05 فمش عارف المشكلة ف الاسطوانات ولا ف الكاسيت وكنت عايز اسأل هو الشاشة بتاعتها الاصلى اللى فيها gps ,dvd ,bluetooth فكنت عايز اعرف تعمل كام
وسؤال تانى احنا جايبين العربية مستعملة وهى وكيل وفيها انذار بس من غير حساسات يعنى لو اتفتحت بالمفتاح الانذار يشتغل والحاجات دي فعايزين نعمل فصل الكهرباء والبنزين لما الانذار يقفل يعنى لو قفلنا الانذار وحد قاعد جواها مثلا ومعاه المفتاح ميعرفش يدورها غير لما نفتح بالريموت
واخر حاجة معلش العربية عاملة 25 الف كم وكسور وكانت عاملة صيانة ال20 الف كاملة وزيت وكله تمام ف التوكيل فكنت عايز اعرف هو فى صيانة 25 وهيتعمل فيها ايه وبكام وكانت الاكره بتاعت الباب بتاع السواق من جوه اتكسرت لو حصلت مع حد يقولى اجيبها منين ف اليكس بس تكون اصلى وهتبقى بكام
معلش انا عارف انى تقلت عليكم قوى بس من عشمى وشكرا مقدما

**aminibrahim** · 24-04-2013 11:41 PM

بص حضرتك ها جاوبك علي قد علمي واللي بعمله مع السيراتو -- اولا الصيانات بتبقي كل 10 لاف
ثانيا انا رحت ركبت انذار في سبير كار في التجمع الخامس وحقيقي الفني ولد شاطر وشغله نضيف مش عايز اقوللك عمله في 20 دقيقه وسالته عن فصل الطرمبه والكلام ده ده فالي لو بتسافر كتير بلاش وبصراحه معاه حق عشان بتلركب علي كتاوت ولو ساحت او حصل حاجه يبقي خلاص وقفنا علي كده--- واضاف كمان وسالني لو عايز السنتر يقفل مع اول دوسة فرامل قلت له للأ كفايه اول ما بتوص العشرين بتقفل
وخلي الانذار لو حد لمس الجنط تعمل فضيحه

**Diaby** · 27-04-2013 09:59 PM

متشكر جدا لرد حضرتك
بس يتهيألى لو عملت الكتاوت دي هتبقى احسن كده لو لا قدر الله حد فتح العربية يبقى كده خلاص يعمل اللى هوا عايزه جوه لكن مش هيعرف يدورها وده هينفع جدا ف الظروف اللى احنا فيها دي