من كورولا 2005 الى كروز 2010 هاى لاين ايه رأيكم ؟؟

انا طالب من الأخوه النصيحه لوجه الله
انا معايا كورولا 2005 مانوال ستاندرد ( بدون زجاج كهرباء )
العربي ناعمه وواسعه وتكيفها رائع و عزلها كويس و اقتصاديه جدا جدا جدا فى البنزين
بس انا ان شاء الله هغيرها للأسباب دى
انها ماشيه 125 الف كيلو و ده كتير و انا حاسس انها قدمت
و انها منوال و انا عايز اتوماتيك
وانها فقيره فى الكماليات
انا ممكن ادفع لحد 110 الف
تقريبا المتاح ليا سيراتو او كروز او فلونس ....
السؤال هل تنصحونى بالكروز ... هل من تويوتا لكروز هحس بفرق للأفضل ولا هحس بالندم ...؟
و اسف للأطاله ....

لا. غير لتويوتا كاملة احسن .

هتفقد كام ميزة لو غيرت التويوتا .
نعومة السيارة - التكيف الرائع - هدوء صوت الموتور - استهلاك البنزين -قطع الغيار المعمرة جدا - موتور عمرة طويل - سعر اعادة بيع ممتاز

ميزة الكروز افضل في الصالون (التصميم بتاعة رائع ) . موديل احدث


ربنا يوفقك

انا على حسب استخدامى للتويوتا 1300 بحط بالظبط كل اسبوع بحوالى 50 جنيه بنزين
يا ترى فى الكروز يوصل لكام . السؤال ده لأنى سمعت ان الكروز بلاعه بنزين ...؟

نصيحة بلاش هتندم جامد وهتحس بفرق كبير في النعومة والاداء واستهلاك البنزين فلو عايز تغير فكر في ياريس الجديدة او لانسر بومة وابعد تماما عن الكروز ومتخليش الشكل يبهرك

الكروز موتورها ضعيف اصلا نفس موتور الاوبترا فا معتقدش بتسنهلك كتير
بس عن نفسي شايف الفلونس هتبق جملة جدا جدا ومميزة عن ال2 التانيين
ولو عايز عربية رابعة بقي يبق ب ممكن تجيب BMW 316 2000 وسعرها اقل من 100 الف كمان دور عالمواقع
ودي صورها
http://i905.photobucket.com/albums/a...tonemapped.jpg

ودي من ورا بس متبصلهاش من قدام :)

http://blog.tomsforeign.com/inventor.../100621_03.jpg

ودي بقي من جوا
وفي منها في شاشة وفي لا حسب الاوبشنز الي كانت نازلة بيها
http://photos.performanceix.com/view...96be0b5e4ef268
http://img.photobucket.com/albums/v1...NewTrimweb.jpg
http://www.autowp.ru/pictures/b/bmw/...m3_coupe_1.jpg

وطبعا دي بقي مفيش فيها منافسة في النعومة والاداء ولو جبت ال 1600 استهلاكها قليل جدا ولو جبت ال1800 معقولة اوي اوي
دا حتي ال6 سلندر فيها بيستهلك 180 كيلو في الصفيحة
طبعا دي مجرد نصيحة ولو انت محدد خياراتك خلاص والف مبروك مقدما
وعلي فكرة قطع غيارها ارخص من الكروز والفلونس والياباني كمان اي خدمة :)

انت متعود على نعومه واستهلاك بنزين معين , مش هاتلاقيهم فى الكروز

لو هاتتنازل عنهم فى مقابل التحديث هات الكروز

غير كدا شوف حاجه تانيه

لو مرتاح فى التويوتا ممكن ياريس او كورولا 2008-2010 اوتو

الناس اللى داخلة تشوط ف الكروز من غير ما تجربها ولا تملكها ....انا بقا جربت التويوتا 2006 و 1600 ...
النعومة للكورولا ...العزل و التقفيل و الخامات الكروووووز ...وسع الصالون الكورولا بفرق بسيط ..الثبات و الفرامل الكروز بفرق واااضح ...السحب للكورولا بفرق حلو " علشان كانت 1600 " ...قطع الغيار بتاعة الكروز موججودة برة التوكيل وانزل اسال بنفسك متسمعش كلام حد ....واخيرا استهلاك البنزين معايا مش وحش ولا حاجة العربية بسواقة جوة البلد من غير تكيف بتتراوح 200 كيلو للصفيحة ...سؤالك بقا هل تعتبر الكروز نقلة حلوة " اقولك لو عايز عربية فخمة وثابتة " توكل على الله انما لو عايز اداء رياضى شوف غيرها ..واى استفسار احنا "ملاك الكروز" ف الخدمة

انا شاكر لحضراتكم جدا على الرد
استاذ معاذ انا استفدت جدا من رد حضرتك لأنك ركبت العربيتين و تقريبا ده اللى انا كنت محتاجله و كمان عربيه حضرتك التويوتا كانت 1600 انا بالنسبالى 1300 فاكيد الفرق هيبقا لصالح الكروز
الجرى و الحرق و الكلام ده ميفرقش معايا اهم حاجه العزل الرفاهيه التكييف لأن انا مشاويرى كلها جوه البلد و قليله كمان استهلاك البنزين اللى حضرتك قولت عليه مناسب مش وحش بالنسبالى
تفتكر 110 الف تجيب هاى لاين ولا توب لاين ؟؟ + رأيك فى تكيف الكروز بالمقارنه بتكيف التويوتا ... ؟

اقتباس:

---

المشاركة الأصلية كتبت بواسطة moaaz

الناس اللى داخلة تشوط ف الكروز من غير ما تجربها ولا تملكها ....انا بقا جربت التويوتا 2006 و 1600 ...
النعومة للكورولا ...العزل و التقفيل و الخامات الكروووووز ...وسع الصالون الكورولا بفرق بسيط ..الثبات و الفرامل الكروز بفرق واااضح ...السحب للكورولا بفرق حلو " علشان كانت 1600 " ...قطع الغيار بتاعة الكروز موججودة برة التوكيل وانزل اسال بنفسك متسمعش كلام حد ....واخيرا استهلاك البنزين معايا مش وحش ولا حاجة العربية بسواقة جوة البلد من غير تكيف بتتراوح 200 كيلو للصفيحة ...سؤالك بقا هل تعتبر الكروز نقلة حلوة " اقولك لو عايز عربية فخمة وثابتة " توكل على الله انما لو عايز اداء رياضى شوف غيرها ..واى استفسار احنا "ملاك الكروز" ف الخدمة

---

:-)

اقتباس:

---

المشاركة الأصلية كتبت بواسطة Hosam_Optrawy

انت متعود على نعومه واستهلاك بنزين معين , مش هاتلاقيهم فى الكروز

لو هاتتنازل عنهم فى مقابل التحديث هات الكروز

غير كدا شوف حاجه تانيه

لو مرتاح فى التويوتا ممكن ياريس او كورولا 2008-2010 اوتو

---

والله فنان :-)

اقتباس:

---

المشاركة الأصلية كتبت بواسطة abou-yahia

والله فنان :-)

---

تلاميذك ياكبير :)

اقتباس:

---

المشاركة الأصلية كتبت بواسطة Hosam_Optrawy

تلاميذك ياكبير :)

---

العفو :-)

تكيف الكروز جميل بس التويوتا احلى ....انا ف ايام الحر بشغله على 2 و بيجييب بسرعة متقلقش من التكيف يعنى .......110 تجيب هاى لابن حالة حلوة واعتقد هتبقى مناسبة انشاء الله اوتو و abs ebd 2 ايرباج .. و برضوا استخير ربنا ولو جاتلك فرصة حد قريب منك معاه كروز اركب معاه و جربها ...ولو جيت طنطا و عايز تجربها انا تحت امرك

الف شكر للجميع و الف شكر يا استاذ معاذ و انا ابتديت ادور و ربنا يسهل ان شاء الله

انا بصراحة مجربتش الكروز لكن جربت الكورولا 2005 وجربت عربيات كورى زى السيراتو ونصيحة منى بلاااااااااش فعلا الكورولا وبالذات الموديل ده ميتعوضش شوف انت ساعة ما تيجى تبيعها هتتباع زى الصاروخ ازاى وبالسعر اللى انت عايزة ولما تيجى تشترى كروز شوف هتلاقى كام عربية وبيتباعوا فى فترة قد ايه وهتقعد تفاصل مع صاحبها وتلاقية بيتنازل قد ايه علشان يبيع وبالذات انك هتبقى نازل من يابانى ومتعود على النعومة هتتعب فى التعامل مع العفشة الناشفة لو عايز فعلا ممكن تغير لكورولا نفس الشكل اللى معاك اوتوماتيك ولو عربيتك معاك من زمن وعارف كل صغيرة وكبيرة فيها ومريحاك ومش فارق معاك كتير الاتوماتيك يبقى نصيحة بلاش تغامر وتغدر بيها لانها عربية فعلا اصيلة صعب تتعوض

منا عشان كده بسأل .. بص هو سبب الموضوع ا اخويا لسه شارى سيراتو 2010 و بصراحه اول ما تركبها هتحس اد يه التويوتا قرعه . اه ناعمه و تكيف حلو و بنزين قليل واعطال قليله بس قرعه و مانوال وحتى لو فكرت تجيب اتوماتيك بتاعتها هتلاقى نفسك بتجيب عربيه ماشيه كتير لأنها قديمه + انها مازالت قرعه + انها غاليه اوى
فانا محتار و قلقان و الكروزبعد ما سوقتها عاجبانى اكتر من السيراتو بس زى مانت قولت خايف جدا من التغيير لحسن اندم

فى اوبشن دايما على الطرابيزة (خصوصا لو انت فى القاهرة او اسكندرية) بس محديش بيبصله
لو الكروز هى اكتر حاجة شداك اجر كروز 4-5 ايام و شوف حتمشى معاك و لا لا قبل البيع و قبل كل حاجة و الباقى بقى قطع الغيار و الصيانة السؤال عنها يكفى

تماام اهم حاجة انك تكون جربتها علشان تكون عارف الفرق فى العفشة الانشف والموتور الاضعف والتكييف اللى اكيد مش هيكون زى الكورولا تشوف نفسك لو لقيت نفسك مش فارق معاك ده قصاد الاوبشنز التانية اللى هتلاقيها فى الكروز زى الشكل الافضل والكماليات الاكتر والثبات اللى اعتقد هيكون افضل من ثبات الكورورلا فى السرعات لان الكورولا الموديل ده يعيبها الثبات والتحكم فى السرعات والاتوماتيك طبعا وهو هدفك الاول فى التغير لو لقيت نفسك ميال ليها اكتر من الكورولا بعد ما سوقتها وحسيت الفرق ده كمزايا وعيوب يبقى صلى صلاة استخارة وتوكل على الله وان شاء الله ربنا يوفقك فى اختيارك وتفرح بيه مهما كان :)