دخان ابيض عند دوارة العربية فى الصباح فقط

**medo11_1** · 24-04-2013 09:34 PM

العربية عندى (لانوس 1 موديل 2000) اول مدور الصبح او العربية تكون باردة خالص بطلع دخان ابيض و بيروح لما العربية تسخن و مش عارف دة ممكن يكون اية ؟ و العربية اصلا ساعات بتقطع على الاول فقط و كان ميكانيكى قالى طقم دبرياج و قالى لازم تغير الشكمان عشان مكتوم و لسة مغيرة حالا عند ابو اليزيد
بس كنت عايز اعرف العربية ممكن يكون فيها اية و لو كدة اعملها فين ؟؟؟؟
يا جماعة محدش يستخسر الرد الواحد محتاس اوى

**Mohamed ELOoL** · 24-04-2013 09:40 PM

بالنسبة للدخنة : دة جلب صبابات و دة عند معطم الناس

بالنسبة لطقم الدبرياج : هي العربية بترعش في الطلعة ؟!!!

**MohammedAladel** · 24-04-2013 11:24 PM

على العموم لو عربيتك فيها محول حفاز الدخانة دى هتبوظلك المحول الحفاز وعربيتك بتضر البيئة والموتور عمره هيقصر

**alking_2006** · 25-04-2013 02:33 AM

كاوتش صبابات محتاج تغيير

**bebom** · 25-04-2013 04:48 AM

بخره ولا دخنه

**Mohamedmaree91** · 25-04-2013 05:09 AM

طيب ممكن اعرف الشكمان فرق معاك لما غيرته لانى عندى الشكام كله منفس وقولى اخبار الاسعار ايه وركبته فى اى فرع

**medo11_1** · 25-04-2013 10:30 AM

اولا شكرا لكل الناس الى اهتمت و ردت عليا بس معلش هو كاوتش الصبابات دة حاجة خطيرة لازم تتعمل ولا لا عشان بتقولو انها عند معظم الناس و لو هتتعمل اعملها فين؟؟؟
و هى العربية بتدخن الصبح و يفضل الدخان دة لحد مالعربية تسخن تقريبا مش بخرة

**medo11_1** · 25-04-2013 10:34 AM

المشاركة الأصلية كتبت بواسطة mohammedaladel

على العموم لو عربيتك فيها محول حفاز الدخانة دى هتبوظلك المحول الحفاز وعربيتك بتضر البيئة والموتور عمره هيقصر

معلش هو انا مش فاهم اوى بس اذن ان قصدك على علبة البيئة و لو حضرتك قصدك عليها فانا غيرت الشكمان كلة بس حطيط بديل علبة البيئة ( الرنان ) و الدخنة دى كانت قبل مغير الشكمان يعنى لما كان علبة البيئة هل انا فاهم حضرتك صح؟؟؟

**medo11_1** · 25-04-2013 10:44 AM

المشاركة الأصلية كتبت بواسطة Mohamedmaree91

طيب ممكن اعرف الشكمان فرق معاك لما غيرته لانى عندى الشكام كله منفس وقولى اخبار الاسعار ايه وركبته فى اى فرع

بس يا باشا انا اترددت كتير قبل مغير الشكمان بس توكلت على الله و غيرتة كلة عشان العربية تفوء كدة و فعلا حسيت زى متكون شيلت حمل تقيل من على العربية اكيد العربية فاقت بس مش هتحسها قوى الا لو الشكمان عندك مكتوم قوى
اخبار الاسعار مش غالى قوى يعنى هو عندة نوعين من الشكمان
1- نوع اسمة (st37 ) و دة مش مجلفن و مش معالج ضد الصدا و انا مفضلتوش و تقريبا كان عامل 750 كلة بعلبة رنانة (دى العلبى الى هى بديل علبة البيئة لانها لوحدها ب800 ) و دة علية ضمان 3 شهور
2- نوع اسمة (Al.St ) و دة الى انا ركبتة و عامل كلة على بعضة 1090 (الاسعار شاملة التركيب و الاكسسوارات ) و دة علية ضمان 6 شهور ضد عيوب الصناعة
و انا ركبتة فى فرع الخليج المصرى ( قريب من احمد سعيد و دير الملاك )
و الناس هناك فاهمة و شاطرة و سريعة مخدتش وقت
و كنت سألت علية برة لقيت ب 600 بس قلقت منة و انا عايز اركب حاجة انساها مش امشى و انا مقلق منها

**MohammedAladel** · 25-04-2013 12:22 PM

أيوة هى علبة البيئة فعلا وبعدين لازم تكون موجودة عشان متضرش البيئة وتاخد أفضل استهلاك بنزين وأفضل أداء للمحرك فى نفس الوقت

بس مينفعش يبقى عندك عيب فى الموتور لأنه هيبوظها بسرعة جدا