الموضوع: اخر كلام! الأكسنت RB و الايموبلايزر Immobilizer

المشاركة الأصلية كتبت بواسطة sameh_fouad

ياباباشا مافيش ايموبليزر بالعربية , الحاجة الوحيدة اللى تقولك عندك ايموبليزر ولا لأ

هو انك لما تيجى تحط المفتاح فى العربية وتفتح الكونتاكت هتلاقى شكل مفتاح طلع فى التابلوة , دة معناة ان عندك ايموليزر , غير كدة يبقى مافيش ايموبليزر

ده كلام سليم ..
اقولكم على حاجه غريبة ومن خلال تجربه . انا معايا البرايد الايراني 2009 بتاعت اخويا واحتلال كامل لانه مسافر بره المهم بمجرد ما تدخل العربيه ومعاك مفتاحها بتلاقي علامة المفتاح بتنور وتطفي قدامك في لوحة العدادات ، وحسب كتيب المستخدم اللي مع العربيه مكتوب فيه المعلومه دي
ومع العربيه مفتاحين واحد بريموت والتاني عادي ومعاهم شريحه صغيره المونيوم مكتوب عليها ارقام هي دي كود تشفير المفتاح

باختصار ظهور علامة مفتاح تومض في التابلوه ده معناه انها فيها ايموبلايزر

تقبلوا مروري
ألفي بشرى

المشاركة الأصلية كتبت بواسطة hamaka

والله يا باشا أنا اللى أعرفه انها مفيهاش بس مش عشان مش بتيجى بيه ، هى بتيجى ستاندرد بالاموبيلايزر و اير باجز و ايه بي اس و السيد غبور بيقلبهم من العربيات و بعدين يقلب السادة العملاء عشان يحطهالهم ، بالنسبة لتكويد المفتاح طبيعى انك تلاقيه متكود عشان هو أصلاً بييجى من كوريا على زى ما هو كده بدون أى تدخل من التوكيل ، المفتاح بيطلع من عندهم لعربية فيها اموبيلايزر فلازم يكون متكود ، الحل الوحيد عشان تتأكد فعلاً هو اللى انت قولته انك تخلى الكهربائى يحاول يقوم العربية من الكبوت كأنه بيجرب المارش و عايز يتأكد انه سليم فى حالة لما تكون العربية مش بتدور و العيب مش بطارية ، أو عايز تتأكد انه بطارية مش مارش قبل ما تشترى بطارية جديدة ، معرفش الحكاية دى ممكن يكون ليها تأثير على ضمانك ولا لأ و ربنا يسترها علينا و عليك باذن الله....

اسمحلى اعترض على اللى حضرتك بتقوله، غبور بيجيب العربية اصلا مفهاش الحاجات دى، و الدليل على كده مثلا ان العربية عندى فيها 1 اير باج عند السواق، الRB الكاملة فيها 6 اير باج !! طيب لو حسب كلام حضرتك يبقى هو شاؤيها فيها ال6 اير باج و شالهم، ده محصلش، ازاى انا متأكد؟ دلوقتى اى مكان فى العربية فيه اير باج هتلاقى فيه محفور كلمة Air Bag و انا لاقيتها محفورة بس قدام السواق، يعنى هي العربية جاية من برة كده، هو غبور بيطلبها كده عشان يقلل من سعر التكلفة و يبيعلنا بالغالى

نستنتج من كلامى ده كله ايه؟ ان العربية مدام فيها علامة اير باج يبقى فيها اير باج، و مدام فيها علامة ABS يبقى جاية ب ABS و على نفس المنوال لو فيها علامة immobilizer فى التابلوه يبقى -ان شاء الله- فيها ايموبلايزر

و للأمانة، الاكسنت RB بتنزل فى امريكا من غير immobilizer !! و اللى مش مصدقنى يدخل على hyundai-forums.com هما مفقوعين برضه انها بتنزل عندهم من غير ايموبلايزر و على فكرة مش بيبقى عندهم العلامة فى التابلوه و ده دليل ان العلامة ده بجد مش مجرد حاجة موجودة بتنور اى كلام.

المشاركة الأصلية كتبت بواسطة atyam

طب ممكن لينك للصورة؟

اهو اللينك اللى انا حاطه فى الموضوع و ده نفس الشكل اللى بيظهرلى فى التابلوه بظبط
Hyundai Forums : Hyundai Forum

المشاركة الأصلية كتبت بواسطة SAMEH_FOUAD

ياباباشا مافيش ايموبليزر بالعربية , الحاجة الوحيدة اللى تقولك عندك ايموبليزر ولا لأ

هو انك لما تيجى تحط المفتاح فى العربية وتفتح الكونتاكت هتلاقى شكل مفتاح طلع فى التابلوة , دة معناة ان عندك ايموليزر , غير كدة يبقى مافيش ايموبليزر

مانا قولت ان بيظهرلى العلامة على فكرة :)

المشاركة الأصلية كتبت بواسطة horas3000

الخلاصه
حضرتك تروح لاي حد بتاع مفاتيح و تخليه يعملك نسخه علي المفتاح بتاعك
و تروح تدور عربيتك بالمفتاح الجديد ده

دارت يبقي hard luck صحيح و العربية مفيهاش امبولايزر و مبروك عليك المفتاح

مدارتش يبقي انت كده في ال safe side و ممكن تروح تبرمج المفتاح الجديد و برضه مبروك عليك

هعمل كده لو فضيت ان شاء الله

المشاركة الأصلية كتبت بواسطة john55

ياباشا الحل الاكيد انت شاري العربيه من غبور تتصل بيهم وتسالهم او وانت بتعمل صيانه 1000 تخلي المهندس يبص علي التابلوه وتوريه علامه الايموبليزر وهو هيقول لك فيها ولا لا

مش واثق فيهم بس هعمل كده و اسمع منه هيقول ايه برضه يمكن يضيف معلومة

المشاركة الأصلية كتبت بواسطة Walid_M

دي صورة في المنتدى توضح لمبة ال immobilizer



وادي صورة كمان من المنتدى



لو اللمبة دي بتظهر يبقى عندك ال immobilizer ...
لو موش عندك يبقى معندكش !!!

تحياتي

المشاركة الأصلية كتبت بواسطة yasserelsayad

ما الراجل بيقول ان عنده شكل العربية اللى جواها مفتاح .. يعنى عندوا فعلا immobilizer

يبدو ان الموضوع كان طويل و الناس نامت و مخدتش بالها انى قولت ان الشكل بيظهر عندى

المشاركة الأصلية كتبت بواسطة mshmshm3

انت اعمل مفتاح علي المفتاح اللي معاك و جرب مش هيكلفك حاجة بس اعملو عند بتاع مفاتيح بعيد عنك و مايعرفكش

ناوى ان شاء الله و هقولكم حصل ايه

المشاركة الأصلية كتبت بواسطة alf2boshra

ده كلام سليم ..
اقولكم على حاجه غريبة ومن خلال تجربه . انا معايا البرايد الايراني 2009 بتاعت اخويا واحتلال كامل لانه مسافر بره المهم بمجرد ما تدخل العربيه ومعاك مفتاحها بتلاقي علامة المفتاح بتنور وتطفي قدامك في لوحة العدادات ، وحسب كتيب المستخدم اللي مع العربيه مكتوب فيه المعلومه دي
ومع العربيه مفتاحين واحد بريموت والتاني عادي ومعاهم شريحه صغيره المونيوم مكتوب عليها ارقام هي دي كود تشفير المفتاح

باختصار ظهور علامة مفتاح تومض في التابلوه ده معناه انها فيها ايموبلايزر

تقبلوا مروري
ألفي بشرى

حضرتك كلامك مظبوط نظريا بس عمليا انا مش ضامن غبور بصراحة عشان كده مجرد ظهور الشكل مش مطمنى، ان شاء الله اعمل تجربة تانية تقطع الشك باليقين

المشاركة الأصلية كتبت بواسطة medo18

انا معنديش اي علامات بتتطلع ............لو ممكن تصورلنا شكل المفتاح بتاعك

دى صورة لاقيتها على النت زى مفتاحى
https://lh4.googleusercontent.com/-c...0/DSCF3568.jpg

هى صغيرة معلش

دورى أنا بقى أعترض على اللى حضرتك بتقوله :) ، أولاً ده لينك فيه اختبارات الأمان بتاع الأكسنت اللى بتنزل بره تقدر تشوفه بنفسك كاتب:
The tested model of Hyundai Accent was introduced in Australia in August 2011. This ANCAP rating applies to all Accent sedan and hatch variants.
Dual front airbags, side airbags and head-protecting side curtains are standard equipment. Antilock brakes (ABS), electronic brake distribution (EBD) and electronic stability control (ESC) are also standard. Advanced seat belt reminders are fitted to all seats.
HYUNDAI Accent 2013 - Active RB 4D Hatch 5sp man 1.6L 4cyl Petrol | How Safe Is Your Car
و مع احترامى لرأى حضرتك مفيش حاجة اسمها "غبور بيطلبها من بره كده" عشان شركة هيونداى مش هتجازف بسمعة عربياتها و بالذات فى حتة الأمان دى عشان هما عانوا كتير على ما وصلوا للمكانة دى و قدروا يدخلوا العربية أوروبا و ينافسوا العربيات الأوروبية عشان سعرهم بره تنافسى طبعاً مش زى هنا ، نقطة أخيرة بقى أنا ابن خالتى عايش فى انجلترا و راكب هناك الانترا أرخص فئة ، فيها ABS ، EBD ، ESP ، و 6 ايرباجز :) ، تحياتى ليك و ان شاء الله عربيتك يكون فيها الاموبيلايزر اللى نفسك فيه ، و نصيحة فعلاً لازم تجرب موضوع المفتاح و متكتفيش بالعلامة و خلاص عشان تبقى مطمئن...[/QUOTE]

انا ردى هيبقى بسيط جدا
مكان الAir Bag بيبقى كلمة Air Bag محفورة و ده شى اساسى و معروف، حضرتك لو عندك اكسنت RB او تعرف حد عنده اكسنت RB اتفضل شوف و لو لقيتها محفورة يبقى كان فيها Air Bag و اتشالت عند غبور، لو ملقتش يبقى اظن ده يثبت كلامى ان غبور شاريها كده

و عموما انا كمان هحاول اتأكد من معلوماتى و لو لقيت صور هجيبها و والله ما بعرف فوتوشوب