طلب بسيط من الاخوة المقيمين في السعودية

السلام عليكم ورحمة الله وبركاته

الاخوة الافاضل ليا طلب بسيط لو بالامكان خدمتي فيه

بدور على نوع معين من التمور مشهور في السعودية اسمه تمر الخلاص انتاج القصيم أو الخرج

بيبقى متعبي في علب بلاستيكية شفافة بالشكل ده بس ياريت يكون انتاج حديث

http://img841.imageshack.us/img841/4903/46077136.jpg


ياريت لو حد جاي من السعودية عن طريق مصر للطيران او الخطوط السعودية ويقدر يخدمني في الموضوع يبقى جزاه الله خيرا لحالة صحية مطلوب ليها التمر ده، ياريت يعرفني مبدئيا سعر الكيلو كام ومش هحتاج اكتر من 2 كيلو او 3 بالكتير علشان متقلش على المسافر واقدر استقبله في المطار بحكم عملي في مطار القاهرة ان شاء الله واخد منه التمر ونتحاسب طبعا مفيش فيها مشكلة

ياريت الي يقدر يخدمني في الموضوع ده يراسلني وجزاه الله خيرا

ياباشا انا ممكن اجيبهولك بس المشكله انا مش جاي الا على يوم 3-6 ان شاء الله وللأسف معرفش حد جاي قبليها
بالنسبه لسعره الصراحه مش عارف ممكن ابقى اسألك
لو الميعاد يناسبك رد عليا

يا سيدي انا شاكر فضلك وتكرمك بالمساعدة

توصل بالسلامة ان شاء الله وعلى ما معاك سفرك يقرب تكون سألتلي على سعر الكيلو كام، انا طبعا عاوزو يكون انتاج فاخر او الدرجة الاولى ويكون سادة يعني ميكونش باللوز او المكسرات او الحاجات دي فياريت حضرتك تسألي عن سعر الكيلو كام وان شاء الرحمن نظبط الموضوع وشكرا جزيلا لك مرة اخرى

ان شاء الله ولا يهمك ياباشا

تمر خلاص جميل جدا بس منتشر قوى فى الامارات عن السعودية كانت فى الامارات بلاقية على طول و فى كارفور فى السعوديه قليل و الصورة الى انت جايبها دا مش للتمر دا تقريبا للعجوة

اقتباس:

---

المشاركة الأصلية كتبت بواسطة amr_mo

يا سيدي انا شاكر فضلك وتكرمك بالمساعدة

توصل بالسلامة ان شاء الله وعلى ما معاك سفرك يقرب تكون سألتلي على سعر الكيلو كام، انا طبعا عاوزو يكون انتاج فاخر او الدرجة الاولى ويكون سادة يعني ميكونش باللوز او المكسرات او الحاجات دي فياريت حضرتك تسألي عن سعر الكيلو كام وان شاء الرحمن نظبط الموضوع وشكرا جزيلا لك مرة اخرى

---

ياباشا بعتلك علي الانبوكس

انا في القصيم وتمر الخلاص موجود ومتوفر هنا
ونازل مصر ان شاء الله يوم 7/6/2013
طيران النيل
لو تحب حضرتك اشتريلك الكمية اللي تحبها عنيا الاتنين ليك
اللي في الصورة دي الواحدة ب20 ريال
تقريبا وزنها في حدود 300 جرام او 400 جرام
متكملش نص كيلو
المشكلة بس في وزن الشنط لكن هتتدبر متقلقش
كلمني انت بس وانا اجيبلك اللي عايزه