مين يا جماعه حساس انه تعبان من الكرسى وهو سايق
عرض للطباعة
مين يا جماعه حساس انه تعبان من الكرسى وهو سايق
انا و زوجتي بنشتكي من الرجل اليمين.... و خصوصا قرب منطقة الحوض و السمانة
مفيش غير اسفل الظهر هى المشكله بس
انا ركبت اللوجان مره واحده جنب السواق مش عارف ليه حسيت ان الكرسي عالي واني هقع من الكرسي مع اني لما حطيت ايدي علي الكرسي لقيته ليه جوانب بس مش عارف ليه جالي الأحساس ده
بصفة عامة بالنسبة لى ، الكرسى مريح جداً ، وده باحسه بعد السفر مسافات طويلة
بانزل من العربية مش حاسس انى مخشب ..
إلا طبعاً لما أسوق العربية وأنا راجع من عزومة محترمة عند حماتى بيبقى الكرسى مش مريح خالص وبابقى عايز حد يسوق وامدد أنا فى الكنبة اللى ورا.
انا مضايق من الكرسي برضو بحس انه بجنب ومهما اعدل قعدتى بحس انة برضة مش مستقيم احساس غرييب وفى الغالب من طريقة قعدتى مع انى عمري ما حسيت الاحساس ده لا فعربيات تانية ولا حتى من كرسي المكتب فى الشغل ومع انى مش تخين قوي يعني بس الدركسيون وضعيتة مش مريحة برضو
انا مستغرب جدا من اللى بيشتكى من كرسى اللوجان
انا مستريح فيه
بل بالعكس انا ركبت فيرنا 2009 - 13000كم
وركبت لانوس 2009 - 34000 كم
اللوجان مستريح فيها اكتر وبالعكس انا ايام بكون جى من سفر وبعد السفر باعمل مشوار او اتنين وما بحسش بتعب
وباكون عامل حوالى 300 كم منهم 190 كم قيادة متصلة والباقى قيادة متقطعة يعنى مش قاعد سايق على طول حوالى 7 ساعات بادخل واخرج من العربية
اللى انا استريحت فيه اكتر من اللوجان اللانسر الشكل الجديد تحفة - راحة فعلا
بس شوف فرق السعر اد ايه
فى السفر او المشاوير الطويله فى الزحمه وعمال تبص فى المرايات وتطلع بجسمك قدام و ورا متعب وشوف البدلات على رجلك عمله ازاى
متعب جدا ف المسافات البعيده . انا مره سافرت بيها لمده 3 ساعات علي الخط السريع حسيت ضهري كلبش ورجليا الاتنين خشبو والسمانه شدت لدرجه اني قبل نهايه الطريق بشويه وقفت علي جنب ونزلت افرد ضهري من التعب