الموضوع: تقـــــــــــرير صيانة 30.000 كم :: النترا 2012 ::

السلام عليكم ورحمة الله وبركاتة


أحبائى فى الله .. بعتذر عن غيــــــــابى طوال الفترة السابقة بسبب ظروف خاصة بيـــا ومازالت فيها *ادعولى تعدى على خير*



طبعــا الجواب باين من عنوانة والانســة فلة *عروستى الـــMDــــ* جاهزة لصيانة 30.000 كم المهم اتصلت بخدمة عملاء هبــــــور *العبور* وحجزت معاهم ميعــــاد وكان الساعة 10 صبـــاحا واتأخرت 10 دقائق واكلمهم اقولهم الطريق كـــان زحمة وكدة قولولى انت اتأخرت على ميعادك احجز يوم تــــانى *قال يعنى منظمين اوووى*




المهم حجزت يوم تانى وحاولت استسفر عن تكلفة الصيانة *تقولى ممنوع يافندم* قال يعنى هتقولى على اسرار حرب مثلا ! و روحت قبل ميعادى بـربع ساعة ! ودخلت الاستقبــــال واخدت رقم وبعد كدة جالى المهندس / رامى وكانت ملاحظـــــاتى كالاتى :

(1) صوت طقطقة صادر من الفرامل .
(2) لمبة الصالون محتاجة تغييرة .



استلم العربية منى على 12:15 وفضلت واقفة برة لغاية 12:30 *عقبال ماغطوها*

1:00 دخلت صالة الصيانة ومحدش جة جنبها لغاية 1:30 *حاجة تحرق الدم ويقولك ملتزمين بالمواعيد*

4:15 ندهوا على رقمى وجالى المهندس ووضحلى اى اللى اتعمل فى الصيانة ..



(1) رجلاش الفرامـــل .. وتشييك على فرامل اليد .
*وطبعا قالى الطقطقة دية محتاجة تغير جوز كوبلن* !!
طب متغيروش ليـة اصلهم مش موجودين وبعتلك اوردر بيهم وكنت لسة هديلة فوق دماغة لحقنى الصراحة وقالى دوول هيتغيروا على حساب الضمان *

(2) تغيير الفلتر والزيت .
(3) غسيل المحرك بالفوم .
(4) ولمبة مش موجودة ولا عندهم ولا فى المخازن ! وتمنها 15 جنية

تكلفة الصيانة والزيت : 652 جنية .

انطبــــــــاعى عن المكان :



مــــازال محتفظ برونقة اكنة لسة مفتوح جديد .
*جيد*

انطبــــــــاعى عن الاكل والمشروبات :

+ أنا جربت برجر جامبو *ميتأكلش اصلا *
*ضعيف جـــدا*

+ المشروبات اديها :
*مقبول* .


انطبــــــــاعى عن الفنيين :

تلاقى الفنى من دوول ياخد اوردر الشغل من هنا يبص فية ميعجبوهاش يسبيوا ويشوف اللى بعدوا يأما يبدأ فية شوية ويسيبوا وشوية ويرجع يكمل تانى ! فكرونى *بهبور قليوب*
لو فضلوا بنفس الاسلوب دة *يبقى علية العوض*
*ضعيــــــــــــــــــــف*

وطبعـــــا وأنا راجع فى امانة الله واحد ابن حلال بربع نقل خبط العربية وكلابسات الاكصطدام ضربت واتكسر من فوق والرفرق اليمين اتطبق *الحمدلله على كل شئ* ضريبة العين والحسد !!!

طـــــــولت عليكـــــوا وريارب التقرير يعجبكم ..
فى رعاية الله .