بطاقة ائتمان متوافقة مع الشريعة

**د.أبونضال** · 25-04-2013 03:24 AM

تحياتي أيها الزملاء الأعزاء ... أنا هادخل في الموضوع على طول ... بنك أبو ظبي الإسلامي مصر عارض بطاقة ائتمان متوافقة مع الشريعة بيسميها "بطاقة مغطاة" .. أنا قرأت الشروط والمواصفات لكن لم أركز كثيرا في أكثر من كونها متوافقة مع الشريعة وده بيهمني جدا ولذلك أرجو المشورة من إخواني أعضاء المنتدى ...
أنا لي تجربة سابقة مع فيزا البنك الأهلي وكانت بلاعة فلوس ما بتتقفلش وتوقفت عن التعامل بها بعد سنة واحدة .
طبعا الظروف الآن ضيقة قليلا فأحيانا أمر بأوقات أحتاج فيها للشراء بالبطاقة لعدم وجود سيولة ...آخر الشهر طبعا كالعادة.. من وجهة نظركم هل هذه البطاقة متوافقة فعلا مع الشريعة ولا فيه إنَّ!!!!!!!
وإليكم رابط العرض

**Dr_Mido** · 25-04-2013 03:36 AM

هو يعني ايه مكافاه البنك للعميل

Sent from my Xperia Arc S

**د.أبونضال** · 25-04-2013 03:40 AM

المشاركة الأصلية كتبت بواسطة dr_mido

هو يعني ايه مكافاه البنك للعميل

sent from my xperia arc s

مش فاهم الحقيقة بس فيه إعلان عندهم بيقول إنهم بيعملو خصم 2% على المشتروات من داخل مصر و5% من خارج مصر فجايز هي دي المكافأة اللي قصدهم عليها؟؟؟

**Al-Farooq** · 25-04-2013 05:11 PM

ياريت حد من السادة المحاسبين يوضحوا لنا الكلام اللى فى رابط العرض.

**Ahmed_Rahem** · 25-04-2013 05:30 PM

من الشروط والاحكام، جزئين الاول اكنك واخد مرابحة من البنك بمبلغ معين، و الجزء التانى انك مدى مرابحة للبنك لو انك اخد ودفعت فى المعاد الربح الى عليك من الاولى يروح مع الربح الى ليك من التانية، ولكن لو مدفعتش فى الميعات تدفع الفرق بين المرابحتين وبالتالى مبيكونش فايدة على المبلغ المستحق ولكن الى مش واضح المرابحتين دول بيتعملوا ازاى - بمعنى المرابحة الى ليا مع البنك بدفعلة فلوس ولا اية الوضع!

لو عايزين نقول بلغة مفهومة شوية، بتعملة قرض من البنك ووديعة فى نفس الوقت فايدة القرض بتعادلها فايدة الوديعة لو رصيدك متغطى، طب لو سحبت جزء يبقى تدفع الفرق بين المبلغين.
ولكن المبلغ الغير مدفوع ملوش علاقة.

**Batman372** · 25-04-2013 05:34 PM

المشاركة الأصلية كتبت بواسطة ahmed_rahem

من الشروط والاحكام، جزئين الاول اكنك واخد مرابحة من البنك بمبلغ معين، و الجزء التانى انك مدى مرابحة للبنك لو انك اخد ودفعت فى المعاد الربح الى عليك من الاولى يروح مع الربح الى ليك من التانية، ولكن لو مدفعتش فى الميعات تدفع الفرق بين المرابحتين وبالتالى مبيكونش فايدة على المبلغ المستحق ولكن الى مش واضح المرابحتين دول بيتعملوا ازاى - بمعنى المرابحة الى ليا مع البنك بدفعلة فلوس ولا اية الوضع!

لو عايزين نقول بلغة مفهومة شوية، بتعملة قرض من البنك ووديعة فى نفس الوقت فايدة القرض بتعادلها فايدة الوديعة لو رصيدك متغطى، طب لو سحبت جزء يبقى تدفع الفرق بين المبلغين.
ولكن المبلغ الغير مدفوع ملوش علاقة.

شكرا لك على التوضيح ...
يعنى نفس النظام المتبع لكن بطريقه اخرى ... و قد تكون اكثر تكلفه !!!
تحياتى ...

**samirsaid1** · 25-04-2013 06:17 PM

هو كله تحايل بس بيغيرو الطريقة وهى هى فى الأخر بس بيجملوها بالشريعة والحلال والحرام

**Ahmed_Adham** · 25-04-2013 06:18 PM

يا جماعه مفيش حاجه اسمها "متوافق مع الشريعه" كله أي كلام وعبيه في ازاه عشان الزبون يبقى مرتاح نفسيا. فلوسي في جيبي ايه اللي يخليني أحطها في البنك وأخد قرض بضمانها؟

أنا رأيي انك تحاول تقتصد على قد ما تقدر وتكفي احتياجاتك على قد دخلك أيا كان يعني شوف بتدفع كام تليفونات ليك وللبيت في الشهر واقتصدو فيها على قد ما تقدرو ودخلو نفسكو على شبكه واحده وحاولو تاخدو نظام يخليك تكلم نمرتين مجانا مثلا وحدد أكتر اتنين بتكلمهم في النمرتين دول.

تشوف بتشترو حاجات البيت منين وهل فيه مكان تاني أوفر في حاجات معينه تجيبها من عنده والحاجات الغاليه عنده تجيبها من مكان تاني؟ مثلا تلاقي طبق البيض في هايبر ب 29 جنيه وفي مكان تاني ب 25 ومكان تالت ب 21 طب أدي فرق 8 جنيه في حاجه و 20 من حاجه تانيه و 30 من حاجه تالته تلاقي نفسك وفرت 200-300 جنيه على الاقل من مصاريفك الشهريه كنت هتسحبهم من الفيزا.

**د.أبونضال** · 26-04-2013 05:28 AM

شكرا جزيلا لكل الردود ...
أنا أفهم جيدا أن المبدأ واحد في البنوك لأن البنك لازم يكسب .. ولكن يهمني جدا الغطاء الشرعي ... لاحظو إن كل حياتنا كده ما هو ممكن أقابل واحدة ونحب بعض واحنا الاثنين متوافقين لكن ما ينفعش نعيش مع بعض من غير ولي أمر وشهود ... نفس الأمر قيل من جانب الناس على عهد الرسول "قالوا إنما البيع مثل الربا" وكان الرد من جانب القرآن الكريم في منتهى البساطة والوضوح "وأحل الله البيع وحرم الربا" فالفكرة أن هذا أمر إلهي واجب الطاعة دون تفكير أو منطق س حلال وص حرام رغم أن س=ص ....

-

الموضوع: بطاقة ائتمان متوافقة مع الشريعة

LinkBack

أدوات الموضوع

عرض

-

-

-

-

-

المواضيع المتشابهه

دعوة للازهر لكتابة قوانين الدولة من صلب الشريعة الاسلامية(تطبيق الشريعة)

طلب إقتراح سماعات متوافقة مع CD/MP3 Kenwood و هيونداى فيرنا

بطاقة ميجن 2005 فهل من مساعدة

طلعت بطاقة الرقم القومي ولا لسة؟؟

الكلمات الدلالية لهذا الموضوع

المفضلات

المفضلات

ضوابط المشاركة