تنظيف الرشاشات

**basom** · 14-08-2008 11:14 PM

يا جماعة انا كنت عايز اعرف امتى بنظف الرشاشات انا واحد صاحبى بيعمل الموضوع دة كل شهر عند واحد فى الهرم بس انا كنت خايف اروح لحد يلعب فى الرشاشات برة التوكيل فياريت لو حد يعرف حاجة عن الموضوع دة يفيدنى و ياريت الباشمهندس طارق يقولى هل بيتم تنظيف الرشاشات فى التوكيل و مع صيانة الكام و بكام و شكرا على تعبك معانا انا عارف انى طلباتى كتير اليومين دول

**مصراوي جدا** · 16-08-2008 10:32 AM

أهلا يا باسم ، أنا سألت المهندس عبد الجليل مدير الاستقبال وقال الآتي :

في السيارات الملاكي نظام الحقن الالكتروني injection system لا يتم تنظيف الرشاشات بها ، لأن الرشاشات من هذه النوعية محكمة الغلق ولا يتم فكها وتنظيفها. وتعتمد فقط على تغيير فلتر البنزين حسب ميعاد الصيانة الدورية وحسب نوعية الوقود المستخدم ، وعند وجود أي عيب في الرشاشات يتم تغييرها مباشرة.
علما بأننا ننصح باستخدام منظف دورة الوقود (ميتسوبيشي أصلي) يضاف للبنزين عند التفويلة ويمكن استخدامه كل 10 آلاف كيلومتر ، وسعره (55 جنيه)

**mazen86** · 16-08-2008 04:23 PM

المشاركة الأصلية كتبت بواسطة مصراوي جدا

أهلا يا باسم ، أنا سألت المهندس عبد الجليل مدير الاستقبال وقال الآتي :

في السيارات الملاكي نظام الحقن الالكتروني injection system لا يتم تنظيف الرشاشات بها ، لأن الرشاشات من هذه النوعية محكمة الغلق ولا يتم فكها وتنظيفها. وتعتمد فقط على تغيير فلتر البنزين حسب ميعاد الصيانة الدورية وحسب نوعية الوقود المستخدم ، وعند وجود أي عيب في الرشاشات يتم تغييرها مباشرة.
علما بأننا ننصح باستخدام منظف دورة الوقود (ميتسوبيشي أصلي) يضاف للبنزين عند التفويلة ويمكن استخدامه كل 10 آلاف كيلومتر ، وسعره (55 جنيه)

وحضرتك منظف الدورة دا مع الصيانه ولا بتباع منفرد؟؟؟؟؟؟؟؟

**مصراوي جدا** · 19-08-2008 11:37 AM

بيتباع منفرد لأن وضعه بيكون مرافق للبنزين عند التفويلة

هو موجود في منافذ بيع قطع الغيار (قليوب وجسر السويس والكيت كات) واعتقد عند مراكز الخدمة المعتمدة كمان

**mohamedway** · 19-08-2008 06:06 PM

مفيش حاجه اسمها تنظيف رشاشات سيبوها فى حالها و ما تحطوهاش فى دماغكو خالص و لا حتى تحطوا اضافات على الوقود ما دام العربيه شغاله كويس.....اللهم قد بلغت اللهم فاشهد..............