-
بلطجة سواقين المينى باص
النهاردة الساعة 9 باليل نازل أجيب والدتى من الشغل بالعربية الشاهين ولقيت الفكهانى اللى قدامنا بيقولى الحق يا استاذ شريف سواق ابن .... كسرلك المراية الشمال
لا والحاجة الغريبة ان المراية كنت تانيها بعد ماركنت وبصيت عليها لقيتها مكسورة ووقعت على الجنب وهى متنية !!!!
طب يعنى اعمل ايه تانى اخدها معايا البيت بقى ؟
المهم انا كنت فاكر انه سواق نقل عام فقالى لا ده مينى باص أخضر وخبطها وجرى واحنا من شدة الصوت افتكرنا حك العربية او كسر الاكصدام لان البلاستيك بيبقى صوته عالى قوى لما بيتكسر
منهم لله عصابة سواقين المينى باصات الخضرا دول حتى فى المشى العادى لازم يزنق عليك وانت ماشى عشان يخوفك او يكسرلك حاجة فى العربية ده تقريبا مزاج عندهم وانا مش مسامح السواق ده ابدا وربنا ياخد حقى منه ان شاء الله
قدر الله وماشاء فعل
-
قدر الله وماشاء فعل
هما لازم يمثلوا ويلزقوا في العربية وهما بيعدوا ..
-
حسبنا الله ونعم الوكيل على الظالمين منهم
-
معاك حق جدا في موضوع سواقين الميني باصات الخضرا دول بالذات
أنا مرة من سنتين كنت راكب ميكروباص من ألف مسكن (اللي بيروح أول عباس) و في ميدان الحجاز ميني باص أخضر زنق علينا و عند بعند خبط في الميكروباص اللي كنت راكبه من الجمب و طلعه فوق الرصيف !!!!
الأدهى و الأنيل بأه أن سواق الميني باص نزل يزعق في سواق الميكروباص اللي خبطه و طلعه فوق الرصيف
نظام خدوهم بالصوت يعني
من يومها و أنا بفترض سوء النيه مع الناس دول دايما
الشركة ديه على ما أعتقد اسمها شركة لبنان و سواقينها فعلا مبيعرفوش يسوقوا
-
تقريبا سواقين المدعوق الأخضر دول كلهم سوابق
انا بستمتع جدا بلعبة العربيات المتصادمة معاهم لما اكون راكب العربية اليرجاتا، بس الغريبة انك لما بتغبى عليهم بييجوا فى آخر لحظة ويوسعوا، هم بيكونوا معتمدين انك هتخاف منهم لكن يبدو ان لو واحد فيهم رجع العربية مخبوطة بتبقى ليلته سودا فى الشركة لذلك هم بيهوهوو لكن مبيعضوش
Content Relevant URLs by
vBSEO 3.6.0 PL2