مين احسن دكتور تخسيس في اكتوبر او المهندسين ؟ وبكام الكشف !!!

**Y a r i s** · 26-04-2013 03:24 AM

حبايب قلبي اهلي وجيراني الاعزاء
نفسي كده انا وانتم نعمل كده رابطة. لسكان ٦ اكتوبر والشيخ زايد :) ... انا شوفت صحيح المركز الي انتوا بتقولوا عليه الي قدام التوحيد والنور بس مدخلتهوش. بصراحة بس سبحان الله من اليافطة بتاعتوا. حاسس انوا. دكتور اشتغالات فمتجرئتش اروحلو ...

بس سؤال يا استاذ احمد انتا ازاي عرفت انوا وزنك زايد ١٤ كيلو بس مش اكتر هل هو قاس لك نسبة الدهون عندك ... ام مجرد عملية حسابية الطول. والسن في الوزن ... وتحياتي ليك يا عزيزي

انا رحت عند سعيد حساسسين اشتريت من عندوا كريم تخسيس ب ١٥٠ جنية. لقيتوا ئونطة في ئونطة وصابونة تخسيس كمان. ب ٧٥ جنية. قال ايه باستحمه فيها فبتحرق الدهون :)

اما بخصوص. طبق السلطة قبل الاكل ... السلطة صحيح بتملى البطن وبتشيع بسرعة بس مبتكملش ١٠ دقايق في بطني وارجع احس بالجوع ... جربت برضوا حبوب اسمها برااان دي الياف بتاكول حبتين وتشرب ميه تنفش في المعدة وتحسسك بالشبع ... انا باكول الحبوب واشرب ميه اقوم اجوع تاني اكتر ههههههه. معرفش ليه

بعدين المشكلة العيال عندي كل واحد بياكول ومبيكملش طبقوا او يفتح علبة عصير وميكملهاش. فانا ببقى ماشي وراهم باستحرم ارمي حاجة فبقعد ارم رم من هنا ومن هنا جربت الشيتوكال بصراحة ممتاز بس خلاني عصبي بشكل فظيع ... رغم اني بطبعي هادي جداً .

المشاركة الأصلية كتبت بواسطة seiffoz

خالد دراهم فى المهندسين

فين خالد درهم ده ياباشا بالضبط زالكشف بتاعوا بكام وهل هو مجرب ومضمون. ... وتحياتي

@@@@@@@

وحبيب قلبي. احمد باشا المصري. فين ياباشا. بتاع الحي ال ١١ ده. لان مدام في ال ١١ يبقى اكيد رخيص وكشفوا. شعبي

@@@@@@@

وتحياتي لكم جميعاً واشكر مشاركتم يا اعزائي :)

**hussein** · 26-04-2013 10:01 AM

مشكلتك شكلها انك بتحب الاكل و بطنك كبيره زى قلبك كده :)
لازم تغير عقيدتك فى الاكل :)
الاكل ميبقش من متعك الحياتية وتلعب رياضة وتبطل ترمرم ورا اولادك
باختصار انت مش محتاج دكتور انت محتاج تغير نظام حياتك

**SeiffoZ** · 26-04-2013 02:02 PM

المشاركة الأصلية كتبت بواسطة y a r i s

حبايب قلبي اهلي وجيراني الاعزاء
نفسي كده انا وانتم نعمل كده رابطة. لسكان ٦ اكتوبر والشيخ زايد :) ... انا شوفت صحيح المركز الي انتوا بتقولوا عليه الي قدام التوحيد والنور بس مدخلتهوش. بصراحة بس سبحان الله من اليافطة بتاعتوا. حاسس انوا. دكتور اشتغالات فمتجرئتش اروحلو ...

بس سؤال يا استاذ احمد انتا ازاي عرفت انوا وزنك زايد ١٤ كيلو بس مش اكتر هل هو قاس لك نسبة الدهون عندك ... ام مجرد عملية حسابية الطول. والسن في الوزن ... وتحياتي ليك يا عزيزي

انا رحت عند سعيد حساسسين اشتريت من عندوا كريم تخسيس ب ١٥٠ جنية. لقيتوا ئونطة في ئونطة وصابونة تخسيس كمان. ب ٧٥ جنية. قال ايه باستحمه فيها فبتحرق الدهون :)

اما بخصوص. طبق السلطة قبل الاكل ... السلطة صحيح بتملى البطن وبتشيع بسرعة بس مبتكملش ١٠ دقايق في بطني وارجع احس بالجوع ... جربت برضوا حبوب اسمها برااان دي الياف بتاكول حبتين وتشرب ميه تنفش في المعدة وتحسسك بالشبع ... انا باكول الحبوب واشرب ميه اقوم اجوع تاني اكتر ههههههه. معرفش ليه

بعدين المشكلة العيال عندي كل واحد بياكول ومبيكملش طبقوا او يفتح علبة عصير وميكملهاش. فانا ببقى ماشي وراهم باستحرم ارمي حاجة فبقعد ارم رم من هنا ومن هنا جربت الشيتوكال بصراحة ممتاز بس خلاني عصبي بشكل فظيع ... رغم اني بطبعي هادي جداً .

فين خالد درهم ده ياباشا بالضبط زالكشف بتاعوا بكام وهل هو مجرب ومضمون. ... وتحياتي

@@@@@@@

وحبيب قلبي. احمد باشا المصري. فين ياباشا. بتاع الحي ال ١١ ده. لان مدام في ال ١١ يبقى اكيد رخيص وكشفوا. شعبي

@@@@@@@

وتحياتي لكم جميعاً واشكر مشاركتم يا اعزائي :)

خالد دراهم ده انا جربته زمان و نزلت معاه 23 كيلو فى 4 شهور ...

هو فى عمارة فرغلى اللى فى شارع جامعة الدول العربية فى المهندسين عند الكوبرى.

بس الحقيقة مش فاكر النمرة اوة الدور .. ممكن سيرش على يلوبيدجز

انا كنت ايام الثانوية العامة 89 كيلو و طولى 165 ...

دلوقتى انا طولى 169 ووزنى 58

**fatemata** · 28-11-2016 11:44 PM

انا روحت مركز دكتور دايت إكتشفت إن في عملية نصب وإحتيال كبيرة بتحصل هناك .. لأن الي موجود في المركز بنت كدة عاملة دكتورة إسمها اميرة ممدوح وغير كدة بتشتغل على النت وفي الجروبات بإسم دكتور أسامة علمة .. والدكتور أسامة باع المركز وسافر لأمريكا من بدري ولا يعرف حاجة عن الي بيحصل هنا ولا ليه أي صفحة على الفيس نهائي ...

ومع ذلك هي بتشتغل بإسمه في الفيس وفي العيادة وإنها مندوبة مكانو والكلام دا ... بس إسم الدكتور مش موجود لا جوة العيادة ولا براها حتى المركز ويافطته مش مكتوب عليها إسم دكتور معين !!!

وحسبي الله ونعم الوكيل فيها أخدت فلوس جامدة جدا وكانت بتبيع الأدوية جوة العيادة النصابة !!!

**fatemata** · 28-11-2016 11:54 PM

بس أنا رحت لدكتور جميييييييل .. المفاجأة إن الكشف ب30 جنيه بس !!
المهم رحتله قلت أشوف بقى يعني الدنيا إيه ... إتفجأت إن العيادة مليانة ناس !!
والأغرب إن معظمهم ستات كبار يعني الي مخلفين عيلين وتلاتة وتخان وكدة !
أنا بقالي معاه أسبوع خسيت 2 كيلو بس حلو يعني في الأول .. وهبقى أقولكم عن باقيت التجربة يعني .. أنا شايفاه دكتور ممتاز مش بس عشان كشفه قليل يعني والرقم خيالي يعني 30 جنيه ..
بس الي عرفته من السكرتيرة كمان إنه مراته كمان دكتورة أغذية معاه في العيادة ... وليها أيام معينة .. وفي جيم ههههه في جيم عندهم الساعة ب 7 جنيه والله ...
المركز مكان بسيط جدا والناس الي بتروح فيه بسيطة بس والله أحسن من دكاترة كتير بياخدو فلوس كتير على الفاضي !!
............................................
أنا قلت أكتب عنه بقى يمكن حد محتاج يروح ... هبقى أكتب بعد أسبوع كدة تاني أقولكم على الأخبار ...

**احمد المصرى** · 05-01-2017 02:11 PM

يعني بالصلاه علي النبي كدا انتم الاتنين بنعملوا دعايه للمركز بلاسلوب رخيص ولسه داخلين المنتدى مخصوص علشان الدعايه الرخيصه فى التعامل دى

انا شخصيا تعاملي مع المركز مش كويس 100 % بلاش هري والنبى ودعايه رخيصه

**Zahra Omar** · 06-11-2017 09:11 PM

صاحبتى شجعتنى اروح معاها لدكتوره اميره لطفى فى دكتور دايت بقالها ٤ شهور معاها خسيت ٣٥ كيلوو حسيت شكلها اتغير خالص عجبنى اووى التغير الفظييع ده.. قلت نكمل سوه و دلوقت بقالى شهر و نص معاها خاسه ١٦ كيلو.. بس فعلا محدش عرفت اوصل معاه لكده غير معاها اول الكشف حسيتها شديده حبه و موضوع الفرص الى فالاول ده حسسنى انها شديد ههههههه بس بعد كده لقيتها عسوله اووى تتحب كده الاهم فاهمه شغلها صح و امينه اوى لا قالتى خدى دواء و لا شيتوكتال و لا حتى رياضه كل يوم بمشى بس نص ساعه و بتشد ساعات علينا و يمكن بتضيع فرص بس يعنى للمصلحه ...معملتش اى جلسات خالص و لسا فاضلى ٧ كيلو و قالتى هتثبتنى على ٧٨ بس فعلا دكتوره شاطره جداا من وجهه نظرى ده احسن مكان خسيت فيه و معامله كويسه اووى