شكرا top gear شكرا محمد فضالي
السلام عليكم جميعا اهل دار الشفيروليه و خاصه الأوبترا
الحقيقه حبيت انقلكم تجربتب مع مركز top gear لأن الحقيقه م/ محمد فضالي صاحب المركز شخصيه تستحق كل التقدير و الأحترام انسان خلوق صبور مستمع جيد جدا و المكان مجهز بصوره ممتازه ناهيك عن اهم حاجه و دي كانت عقدتي عند الميكانيكي اللي كنت بتعامل معاه انه كان فاكر نفسه استشاري مجرد يبصلك علي العربيه بصه سريعه و يسيبك لرجلته م / محمد بيشتغل بايده في عربيتك .
الفصه بدات مع top gear اني اشتريت اوبترا من 4 شهور مستعمله طبعا عداد قليل و بالرغم من كده واضح انه صاحبها كان مهمل جدا في صيانتها , كانت مشكلتي الاساسيه ان العربيه مش بدور ابدا من اول مره و كنت عرضت الموضوع هنا في المنتدي و تباينت الاراء عملت في المركز صيانات العربيه الساسيه من تغيير سيور و زيوت (بالمناسبه حطيت ليكومولي لأن المركز موزع معتمد ليهم و لقيته زيت ممتاز) المهم غيرت السيور و الزيوت و هبقي اكتبلكم الاسعار اللي اتكلفتها الصيانه لان تقرير المركز مش معايا دلوقتي في العربيه بس السعار اكتر من ممتازه كونها اتعملت في مكان مجهز زي ده .
الحقيقه فضلت مشكله الدواره قائمه و تباينت الاراء و تضاربت في اتجاهات كتير زهقني من العربيه و وصلتي لدرجه ان كنت عايز ابعها الا ان م/ محمد فضالي كان ثابت علي راي واحد العربيه محتاجهه يتعملها جوان وش سلندر لن العربيه كانت في السلانسيه كانها متلته و انا مكنتش ميال اوي الحقيقه لرايه لغايه مققرت ان اعمل جوان وش السلندر الأسبوع اللي فات و توقعوا ايه كان كلام الراجل سليم 100 % مقدرش اقلكم كم المجهود و الأهتمام اللي كانت بتتعامل بيه عربيتي و احب اقلكم برده انه بسم الله ما شاء الله العربيه بعد الجوان التتليته راحت - الميه اتظبطت و بقيت ابصلها تدور الحمد لله ربنا يديمها نعمه و يحفظنا جميعا من شرور سيارتنا ز
بكرر شكري و امتناني لشخص المهندس محمد فضالي و لمركزه و ربنا يديم عليه نعمه الصحه و علي اولاده حبيت انقلكم خبرتي في المكان و مع العربيه لتعميم الفائده