ما هى احسن وسيلة لبيع السيارة؟

**monuir** · 29-04-2007 07:30 PM

بس سمعت ان السوق دة كله تجار وللفرجة فقط يعنى محدش بيشترى حاجة

انا فعلا نزلت السوق كتير ولاحظت اشياء غريبه وفعلا يحكمه كثير من التجار سمعت انهم يحددون يوم يشترون فيه ويوم يبيعون فيه وهذه الواقعه حدثت معى بتفرج على سياره ولقيت احد الاشخاص لااعرفه يقول لى ابعد عنها مشمومه فيها شاسيه وفعلا تركت السياره ومشيت وبالصدفه وانا راجع تانى لقيت نفس الشخص ومعاه اتنين آخرين يتفاوضون مع صاحب السياره وبالسؤال اتضح انهم تبع تاجر فى السوق

**samirpop2** · 29-04-2007 10:07 PM

جرب الصاق ورقه على السياره في بعض الحيان بيكون افضل

**M_ElSabaa** · 29-04-2007 10:28 PM

انا شايف ان الموضوع ده نصيب بس لازم تتعب فيه شويه عشان سوق العربيات بقه مليان نصابين (ربنا يجعل كلامنا خفيف عليهم) حاول تعمل اعلانات فى كل الاماكن المتوفرة امامك يعنى فى كذا موقع تعرض فيهم عربيتك الى عاوز تبيعها ببلاش انا جربت وفعلا بعت اكتر من عربية عن طريقهم وممكن تنزل كمان اعلان فى الوسيط و عربيتى
سوق الجمعة ده صعب اوى وبحس فعلا كل الى رايح يتفرج مش عشان يشترى بس ميين يعرف جرب حظك برده وربنا يوفقك

**Abdallah** · 02-05-2007 07:49 PM

الحمدلله وفقنى الله اليوم وبعت السيارة الى دكتور بشرى ربنا يباركله فيها ويباركلى فى القادمة ان شاء الله وكل الشكر للاخوة هنا الى ساعدونى وكما قال الاستاذ محسن لقيت الموضوع مشى لوحده وربنا يسر الامور ونحمدالله عز وجل بارك الله لك فى سيارتكم.

**ihab** · 02-05-2007 08:10 PM

بص يا سيدى الفاضل
السوق فعلا احسن مكان و انا لسه بايع عربية بتاعت حماى ( شاهين 93 ) و اللى اشتراها تجار من اسيوط
و سايبين رقم الموبايل بتاعهم معاى على اساس انى لو حاجة كويسة وقعت قدامى اكلمهم
لو تحب انا ممكن اديلك نمرة الموبايل بتعاهم و حتى ممكن تأخذ و تدى معاهم و تعرف الاخبار ايه
ربنا يحسن لك سوقها ان شاء الله

**Abdallah** · 02-05-2007 08:11 PM

انا متشكر يا سيد ايهاب بس الحمدلله انا بعتها النهاردة فعلا واستلمت فلوسها وخلص الموضوع وشكرا لك ولمحاولتك مساعدتى :)

**ihab** · 02-05-2007 08:20 PM

الف مبروك
الحمد لله الذى وفقك لهذا المشترى

**شريف** · 02-05-2007 08:42 PM

المشاركة الأصلية كتبت بواسطة ihab

بص يا سيدى الفاضل
السوق فعلا احسن مكان و انا لسه بايع عربية بتاعت حماى ( شاهين 93 ) و اللى اشتراها تجار من اسيوط
و سايبين رقم الموبايل بتاعهم معاى على اساس انى لو حاجة كويسة وقعت قدامى اكلمهم
لو تحب انا ممكن اديلك نمرة الموبايل بتعاهم و حتى ممكن تأخذ و تدى معاهم و تعرف الاخبار ايه
ربنا يحسن لك سوقها ان شاء الله

ممكن بعد ازن حضرك اعرف بعت بكام وحاله العربيه اصلى معايا اختها شاهين 93

**ihab** · 02-05-2007 08:46 PM

العربية كانت فابريقة دواخل و كانت مرشوشة من برة
كانت واخذة طوبة كبيرة من تحت كسرت الجزء بتاع عامود الكردان و العصاية بتاعت الفتيس و اتغير الكلام ده كله و الطوبة ماخبطتش فى الشاسيه من تحت
العربية كانت عاملة 117000 كم و الموتور ماتفحتش و لا حتى الكربراتير اتفك علشان يتنظف و كانت محتاجة 3 فردة كاوتش و 2 مساعدين خلفى + بلية الدبرياج كان صوتها خشن شوية على انها كانت لسه متغيرة مع طقم الدبرياج
و اتباعت بـ 32000

**mohamed** · 03-05-2007 08:50 AM

مبروك على البيع ,,, ولكن احب ان اضيف ان السوق طبعا كله تجار وصعب تلاقى سعر يرضيك انا شايف ان الوسيط او ورقة على السيارة ده من الحلول الجيدة.... والله المستعان

الموضوع: ما هى احسن وسيلة لبيع السيارة؟

LinkBack

أدوات الموضوع

عرض

-

-

-

-

-

المواضيع المتشابهه

ما هي أحسن وسيلة لتأمين السيارة من السرقة

احسن واحد لبيع قطع الغيار

مين احسن محل لبيع الجنوط فى المنصوره

ايه احسن طريقه لبيع سيارة؟

الكلمات الدلالية لهذا الموضوع

المفضلات

المفضلات

ضوابط المشاركة