الموضوع: المياه الخضراء اللي بتتباع دي بتختلف ف ايه عن المياه العاديه ؟؟

المشاركة الأصلية كتبت بواسطة kareem_eg

علي حسب خبرتي الضئيلة في مجال السيارات :
المية الخضراء بيبقي فيها مانع للصدا عشان مية الحنفية العادية حتخلي الرادياتير يصدي .
ثاني حاجة المية الخضرة درجة غليانها (b.p) اكبر من المية العادية علي حسب ما سمعت في بعض المواضيع المية العادية 100 و الخضراء 120 )

باختصار المية الخضراء حتخلي الرادياتير يعيش معاك و ما يصديش و كمان عشان درجة الغليان اعلي مش حيكون ليها بخر عالي زي المية العادية

والله اعلم

كلام صحيح 100%

المشاركة الأصلية كتبت بواسطة reda elgohary

طيب المياه ديه بتتباع فين وأسأل عنها فين ،،انا معايا فورد كا
أحط المياه ف قربة المياه صح ؟؟,.

المشاركة الأصلية كتبت بواسطة kareem_eg

انا سمعت من الناس هنا في المنتدي بيشكرو في موبيل ..
انا عن نفسي بعد غسيل الرادياتير (الرادياتير بيبقي فاضي)
باحط 3 لتر ماء خضراء متبرشمة (زي كانز الكولا و ديه بتبقس مركزة ) بتكون عند البنزينات او سبينس (هايبر ماركت )
و اكمل الباقي ماء اخضر عادي ..احيانا من موبيل و احيانا بجيب من عند سبينيس برضو بس حاجة تركيزها كويس
و لما بتنقص بزودها من الجركن ده .. باكرر الموضوع ده كل سنة

فحضرتك ممكن تجيب مية خضراء من mobil و تملي بيه الرادياتير كله .. او تجيب 2~3 لتر متبرشمين و تكمل الباقي من الجركن

بالنسبة للملي اه من القربة طالما العربية مش سخنة

و اتمني الاعضاء يوضحو لو فيه معلومات زياده

المشاركة الأصلية كتبت بواسطة kareem_eg

علي حسب خبرتي الضئيلة في مجال السيارات :
المية الخضراء بيبقي فيها مانع للصدا عشان مية الحنفية العادية حتخلي الرادياتير يصدي .
ثاني حاجة المية الخضرة درجة غليانها (b.p) اكبر من المية العادية علي حسب ما سمعت في بعض المواضيع المية العادية 100 و الخضراء 120 )

باختصار المية الخضراء حتخلي الرادياتير يعيش معاك و ما يصديش و كمان عشان درجة الغليان اعلي مش حيكون ليها بخر عالي زي المية العادية

والله اعلم

المشاركة الأصلية كتبت بواسطة hesham22822

كلام صحيح 100%

مشكور علي رد حضراتكم
بس المشكله الرئيسيه مفيش حد جاوبني عليها برضو :d

المشاركة الأصلية كتبت بواسطة kareem_eg

قصد حضرتك انك ملقتش ولا نقطة مية في دورة التبريد ..
انا فعلا معرفش ايه اللي ممكن يسبب كدة .. و ماظنش ان حتي لو حضرتك مكنتش بتشيك عليها انها تفضي خالص كده .
بس اللي ممكن يكون حصل
ان لا قدر الله ممكن يكون الرادياتير اتخرم (من صدا او خلافه )
او يكون فيه تفويت في احد المواسير او الوصلات
و ياريت حضرتك تاكد علي الجلدة الموجودة في غطاء القربة ممكن تكون وقعت فالمية المتبخرة اعدت تطلع (بس ده لو حضرتك مش بتاكد علي الميه خالص لان اكيد البخر بسيط و عشان يخلص كل الميه ده معناه انه اخذ فترة طويلة )


و اتمني من باقي الاعضاء انهم يفيدوك اكثر مني

هو بصراحه انا مش بشوفها غير كل اسبوع مره وبتبقي فضيت وبملاها ع الأخر بس بعد كده لما بشوفها بعدها بيوم مثلا ولا حاجه بتبقي لسه مليانه
العربيه مش بتتحرك كتير غير علي اد كام مشوار كل يوم وخلاص لايتعدو ساعه او 2 مشي
يمكن ده سببه تقصير مني ف المتابعه
بس كل اللي كان قصدي عليه هو ان حتي لو انا ناسي - ليه مؤشر الحرارة مزادش وكل اللي خلاني الاحظ الموضوع هو ان المروحه كانت بتشتغل كتير كل شويه

للاسف طالما خلال كذا يوم بينتهي الماء اللي فيها يبقي عايزة جوان وش السلندر ومخرطه عشان تتضبط وطقم الشنابر
انا عندي الموضوع ده وبزود مياه لحد ما اشوف اجيب الطقم واتفق مع الميكانيكي واضبط الموضوع ده
لو لاحظت عشان تتاكد من الموضوع ده شغل السيارة وعبي مياه لحد ما توصل لاخر فتحة الريداتير وشوف هتلاقي زي فوران مياه مستمر ده مع الوقت بيخلص الماء وخلال اسبوع مبتلاقيش ولا نقطة