يلا ننور شوارعنا من غير كهربا و الله المستعان
بسم الله الرحمن الرحيم
من فترة كبيرة وانا بفكر فان احنا نعمل حاجه لبلدنا و اهلنا و نسيبنا بقى من كلام الحكومه لانها مش هتعمل حاجه ولو بعد ميه سنه لان كل الى يهمهم الحكم مش المحكوم فقلت ايه افضل حاجه ممكن الواحد يعملها و تنفع الناس .. قلت بما اننا موقع سيارات اكيد اكتر حاجه بتضايقك و انت ماشى الشوارع الظلمه خاصه فظل عدم وجود امن ففكرت ان احنا نعمل تجربة انارة للشوارع بس رجعت قلت طيب ماهو النور بيقطع و الصيف جاى و الحكومه قالت خلاص جهزوا نفسكوا لصيف مظلم معانا فقعدت ادعبس عالنت و لاقيت الفكرة الى بدور عليها...:3mla:
دهان سحرى بيستخدم لانارة اى حاجه تتدهن بيها طب ازاى!!!!
الدهان ده بيمتص الضوء و اول ما يبقى المكان ظلام ينور الدهان فترة من 6 -8 ساعات
ودى صور للكراسى فمدينه برلين الالمانية و عمموا هناك الفكرة ديه
http://www.up.lmseh.com/do.php?img=1516
وديه مواقع فيها صور وفيديو للدهان ده
الضوء السحري - الأصباغ المضيئة
الصفحة الرئيسية
زى ماشفتوا الدهان الوانه كتير فانا قلت نعمل عمل تتطوعى و نجمع و نشترى الدهان ده و نختار مكان حيوى مظلم و ندهن بيه و نصور نفسنا و احنا بنعمل ده و ننزله هنا عالمنتدى و ننفع الناس شوف بقى كام واحد هيدعيلنا ..
و كبدايه ممكن نختار ندهن كوبرى الساحل و الى مايعرفوش ده كوبرى بيربط بين الوراق و امبابه بشبرا و الكورنيش و انا اختارته لانه بليل قطعه فحم بجانب انه حيوى و مهم و انه كمان هيبقى جنب اغلب الاعضاء فسهل نوصله .. انا دى فكرتى لكن مااعرفش لسه الدهان يكلف كام و نجيبه منين فالى يعرف يقولنا و الى يقدر يجيبلنا باسعار رخيصه يقولنا و ارجو ان الفكرة ديه تتحقق لانها لو اتعملت و الناس شافوها كل منطقه هتعملها و ان شاء الله مصر كلها تنور من غير كهرباء و لا الحوجة لحد .. و الله المستعان