مغامرات و نصائح و اقتراحات

هيا مغامرات طالب طب من دمياط و بيسافر كتير من دمياط للقاهره
في سنه خمسه عرفت اخد العربيه معايا للقاهره و تم السفر و ماكنتش اعرف غير طريق الصحراوي
المهم قررت اسافر زراعي
المهم تم اجتياز المحور بنجاح و تم انجاز الدائري بنجاح مزهل
اخدت النزله بتاعت طريق مصر اسكندريه الزراعي و نزلت
اول حاجه شفتها اتنين امناء الشرطه عاوزين يركبوا معايا طبعا اخدتهم على الكبوت و طيرتهم اول شئ
المهم لقيت على الطريق تهريج ما بعده تهريج
الناس بتجري بالعربيات على سرعات عاليه و بيكسرم على بعض بغباء و طبعا بيكسرم عليا
طبعا انا استعملت غبائي في السواقه و عادي
عربيات النقل و الاتوبيس مافيش احترام لعربيات الملاكي قمه الاستهتار بارواح الناس
مره ماشي 120 و مره واحده عربيه نقل تيرلا طلع مره واحده من يوترن و انا بكلكسله و هو مافيش دم و الفرامل طبعا هاتبقى فاشله و الحمد لله قعدت ابعد و انزل على الرمل و احاسب و اعملها على نفسي و كل ده و السواق مافيش دم
المهم وقفته لقيته بيقول يا ابن التيييييييييييييييييييييي يييييييييييييت و انتم عالم ولاد تيييييييييييييييييييييييي يييييييييييييييت و بتركبوا عربيات علشان ت تيييييييييييييييييييييييي ييييييييت بيها على الطريق طبعا مشيت و سيبتهم
المهم تم اجتياز كوبري بنها و نزلت طريق المنصوره
و مره واحده شفت طياره معديه من جنبي و نزلت ايه يا جدعان لا ده مطب عادي
و مره تانيه قيت ناس و اهالي بتعدي الطريق بدون ادنى حرص حاجه في منتهى الاهمال و الاستهتار كان روح البني ادم جايه في <.................................>
لسه طبعا ماتكلمتش على الي ماشيين مخالف
مره مروح بليل و كان في عربيه نقل ماشيه مخالف و مره واحده السواق رعشلي و مركب النور زينون و دي بجد اتعميت طبعا و اكلت مطب و بسرعه عليه و ستر ربنا ان العربيه وقفت جنب الرصيف
و طبيعي تلاقي الموتوسيكلات و التوكتوكتات و الحمير و البهايم
نسيت اقول بتوع البيجو و الميكروبصات طبعا بيبصوا عليا كاني واحد طالع على السكه أأزيهم مش عارف ليه
ده غير الكسر عليك طبيعي و ايييييييييييييييييييييييي يييه يا كابتن في اييييييييييييييييييييه راكب طياره يا خي الناس راكبه عربيات و دافع قد كده في العر بيه ربنا ينتقم منك و يخرب بيتك و اديله
مميزات الطريق
انك لو عطلت هتلاقي الف مين يساعدك دي الميزه الوحيده
طب ايه الاقتراحات الي ممكن نعملها على طريق زي ده و ازاي اتعامل مع الناس دي و ايه الي يخليهم يعمل كده

مفيش حل الا انك تركب الصحراوي
بس الصراحه مغامرات جامده قوي
ربنا معاك

يا سعادة حضرة الدكتور :)
انا مش بسافر دمياط الا على الصحراوى
عيب ان معظمه من غير اضاءة خالص
خصوصا الجزء اللى بين الاسماعليه وبورسعيد (طريق الموت:()
بس طريق مفتوح وممهد الى حد كبير ومفهوش ال 73 مطب اللى على الزراعى
والعربيات عليه مش كتير بس برده موضوع الترلات اللى بيطلع فجأة وعربيات النقل اللى بتاخد اليوتيرن بعرض الشارع كله وكل الكلام ده موجود
بس انا فضل الطريق ده عن الزراعى عشان اغلب اللى عليه اخرهم يركبوا حمير
ده غير المطبات
بين كل مطب ومطب هتلاقى مطب

واهلا يا زميل :)

يا باشا ده اقربلي من الصحراوي لاني قاعد في سته اكتوبر
هايختصر حوالي 70 كيلو منهم الدائري و المحور
خصوصا اني بسافر كتير لوحدي

انا بسافر دمياط كتير لظروف شغلي بس عمري ماستخدمت الطريق الزراعي

الطريق الدولي ممتاز ،،

أفضل بكتير

اقتباس:

---

المشاركة الأصلية كتبت بواسطة dr_3eshoo

يا باشا ده اقربلي من الصحراوي لاني قاعد في سته اكتوبر
هايختصر حوالي 70 كيلو منهم الدائري و المحور
خصوصا اني بسافر كتير لوحدي

---

وانا كمان ساكن فى الهرم وبقالى 3 سنين رايح جاى على الصحراوى و99.9% بكون لوحدى :)
بس اريح كتييييير من الزراعى

سؤال بقى خارج الموضوع
عربيتك نوعها ايه؟

بسات موديل 99

طيب ما شاء الله يعنى العربيه محترمه
خايف من ايه بقى :)

بنام ياباشا و انا سايق ههههههههههه

الله يكون في عونك يا باشا

ايه يا عم اللي انت عاملة ده

على فكرة ده الطبيعي على الزراعي ( انا تقريبا بسافر 3 مرات في الاسبوع ) عشان كده خدت على الطريق

بس انا اخري كوبري بنها ومش بكمل لاني بدخل بنها

بالنسبة لموضوع النوم دى عندنا وراثه فى العيلة :)
بس انا لاقتلها حل
خصوصا لو مسافر بعد يوم شغل ومرهق
1- شغل اغانى هابطة عشان مش تركز هو بيقول ايه المهم اى حاجة تتنطط معاها وخلاص
2- لب او اى تسالى وانت ماشى
3- لو خلاص تعبان اوى اركن على جنب وانزل شملك شويه هواء وهات ازاة ماية وكبها على دماغك واركب تانى وطيييير
4- (بس مانصحش باى حد يعملها الا لو متاكد من قدرات عربيته) اجرى
طول ما انت بتجرى هتبقى مركز مع الطريق اكتر وهتنسى النوم
طبعا اجرى دى حاجة نسبية كل واحد وسرعته بقى

علي فكره انا معك في موضوع الصحرواي ده هو اطول اه بس اريح يا راجل يا طيب من المغامرات والجولات بتاع الزراعي ده يا عم الحاج ده انا لو مكنتش مسافر مع الناس الكبيره ديه مش كانت عارف انا كانت هاعمل ايه ده تحس اني الناس لسه مقفله under ground
ونزله تتطبق علي الطريق يعني تلاقيه بياكل غرزة قدامك وهو جاي في وشك عادي جدا ويا سلام بقي لو بليل وجاي ضارب النور في وشك منتهي الذوق والله يا عم ناس ............. تيت زي ما انت بتقول ............. تيت اااا تيت ااااااااااات يتيت تيتيتتيتيت لحد دمياط بقي بس انا جاي من اكتوبر معك