أؤيد هذا الرأي بشدة
عرض للطباعة
أتمني انو ميصنعش حاجة نركبها ونمشي بيها ولا حتي عربيات الزبالة,,
أو نقل للناس كبديل لل توك توك
لأن مؤخراً وهيا حاجة مش جديدة بس مؤخراً كل منتج صناعة مصرية او تقفيل مصري جبناه كان فيه عيب..
يعني كان زمان تشتري وانت قلقان منه وبيبقي انت وحظك..
الشهر اللي فات جبنا سخان جديد يونيفرسال وكان فيه تسريب مية في أقل من أسبوع, وجيه الضمان عمله
وعمتي الضمان جالها لحد دلوقتي 4 مرات.
وجهاز الكتروني تاني وغالي تقفيل مصري وكان فيه عيب في التقفيل,,
فأنا مش حابب أشوف حد راكب أو أركب عربية تقفيل مصري ولا حتي امشي وراها او قدامها تفادياً للي ممكن يحصل منها.
لا حول ولا قوة إلا بالله علي أنعدام الثقة والضمير في منتج بلدنا
عزيزى
بلاش تشاؤم
ان شاء الله اللى جاى احسن
وعموما فى حاجتين
اولا سمعه النصر للسيارات لانها مش اول مرة تطرح عربيات فى مصر
+
سمعة المصنوعات الحربيه - ومنتجاتها ماليه مصر بتنوعها
المهم انهم يختاروا صح
وكمان يكون فى دعم الدوله للعربيه المنتجه
علشان نوصل للانتاج الكبير
وقتها يبدأ العقل المصري فى الاضافة والدخول خطوه خطوه على عربيه مصريه بالكامل
اعتقد عربيات جمع الزباله مش هتكون عمليه وتلبي طموح الشركة والمصريين
لان مهما كبر حجم وعدد العربيات المنتجه
فمش هيكون كبير بدرجة تغطى التكلفة
الا لو انتجنا وكمان صدرنا ونوعنا بمعنى ضفنا انواع تانيه على نفس العربيه
كان تكون عربيه
زباله / صرف صحى / تانك مياه / ونش صغير / يعنى عربية نقل متعدده
كده مفروض هتنتج كذا عربيه
يعنى عايز تويتا مثلا تنتج انواعها المتعدده هنا
الملاكى والمكروباص
والبيك اب
صعب
لكن لو اخترنا موديل معين وعددنا اشكاله
زى ميكروباص تويتا
وينتج ملاكى بعدد 8 او 9 كراسي فقط
ومميكروباص بالشكل المتعارف عليه
وفان
طبعا هيبقي فكره ممتازه
لاننا انتجنا وركزنا على نوع واحد وعددنا اشكاله
فيات دلوقتى حاجة مختلفه
اتفرج على انواعها هتلاقيها عربيه فاخره ومش زى زمان
اتمنى ان تتبنى شركة النصر خط انتاج كامل تشتريه يعنى من دولة اسيوية فالتكنولوجيا لديهم افيد لنا ف هذه المرحلة من ناحية اقتصادية التشغيل و الصيانة مثلا تشترى خط انتاج مواتير من ميتسوبيشى بشرط ان يصنع بالكامل فى مصر وبرضه العفشة اظن لو الاتنين دول مكوناتهم اتصنعت ف مصر الباقى اغلبه موجود اصلا هايبقى فيه شبه اكتفاءو اتمنى ان تكون هذه السيارات تعمل بالجاز المخلوط بالوقود الحيوى بيوديزل معع البدء بزراعة الاف الافدنة ف الصحراء الشرقيةذات الطبيعية الجبيلة بنبات الجتروفا و انتاج ملايين اللترات منه لتغطية الاستهلاك المحلى و وقف استيراد السولار حلم و الله
بس اللى حاسه ان الموضوع داخل ع تجارة مش اكتر و دا مش عيب بس حاسس انه هدفه الاول و الاخير التجارة يعنى هايشوف عربية من بره و هايقفلها محلى زى الفيرنا و الاسبيرانزا و الصنى و كان الله بالسر عليم و ربنا يخيب ظنى
هههههههههههههههههههه
دا احنا بنستورد التوكتوك هنصنع عربيه
جميل فعلا شراء خط انتاج و اعتباره بدايه
وممكن نضيف تجربة ماليزيا ( اشترت شركة لوتس الانجليزيه ) بشراء شركة سيارات والاستفادة باسمها وخبرتها وعدم البداية من الصفر
زى شركة ساب مثلا كانت من فترة بتتعرض لنكسة اقتصادية وكانت شركات صينيه بتحاول تشتريها ومعرفش وصلوا لايه
الادا الروسية ...مناسبة جدا و اقتصادية فى السعر و يوجد منها موديلات حديثة و جيدة بس التوكيل لا يستوردها.