الموضوع: تتمنى النصر للسيارات تجمع ايه

طب لية مانستفدش من خبرات عندنا من مهندسين مصريين ونبدء فى تصميم وتصنيع اول سيارة مصرية ونستعين ببعض المكونات المستوردة فى الأول زى ما ماليزيا عملت وممكن نبدا بتصنيع حاجة زى الموتسيكل والتوكتوك و الماروتى يعنى المنتجات الاقتصادية اللى تمشى مع الشباب و التجار بفكر مصرى وعلى فكرة انا اعرف مهندسين كتير فى كل المجالات وخراطين اسطمبات اسطوات وسباكين اللى بيصبوا الحديد والألومنيوم وغيرهم كتير بس للاسف بيشتغلوا فى الظلام وتحت السلم وعاوزين مؤسسة تتبناهم وتعمل اعلان لتوريد قطع غيار تصنيع محلى وتوفر ليهم المواد الخام ذات المواصفات الممتازة على فكرة انا مش باحلم ده واقع لكن الملاحظ ان ال10 سنوات اللى فاتت كان فية سياسة بتموت المنتج المحلى وبتشجع الاستيراد وناس اعرفهم كتير صنعوا حاجات مصرية فى الصين وفى تركيا علشان تدخل مصر انها مستوردة اتمنى ان الواقع الأن يتغير ورجال الاعمال والحكومة تلم الناس دى حوليها وانا وانتم علشان نبنى احلامنا وتكون البداية الحقيقية لصناعة مصرية وطنية عليها رقابة جودة 10/10 علشان مايحصلش عيوب التقفيل والصناعة ونخلى فية اسم للصناعات المصرية بجد مش نشتغل بالبركة وربك المستعان !!!!