http://i83.photobucket.com/albums/j3...58Tm4L-OBA.jpg
MMamdouh
عرض للطباعة
انا هغير مساعدين ورا بأذن الله قريب فعايز استشارة بما انك مجرب (ده بعد اذنك)
دلوقتي انا جربت المساعدين ال kyb في عربيتي الانسر و ناشفين جدا بصراحة في المطبات و الفواصل و قرفان من الماركة دي بسبب موضوع النشفان ده و للاسف في الانسر الاختيارات محدودة شوبة (لسه هشوف موضوع المونورو فيها بس لما دول يبوظوا)
العربية الانوس فيها مساعد ضرب زيت خلفي يمين بس بغض النظر انه ضرب زيت بس عفشتها ناعمة بالمقارنة بالانسر مع العلم ان المساعدين اللي فيها الاصلي اللي جايين في العربية و بتريحني جدا في المطبات عن الانسر
دلوقتي انا في حيرة شديدة بين المونورو الغاز علي زيت و المساعدين الاصلي
انا بدور علي ثبات كويس بس بحاول اتحاشي النشوفية علشان ابني لسه صغير قوي و لما بيركب العربية الانسر في كرسي الطفل و راسة بتتحرك بعنف لما باخط مطب ولا حاجة فبخاف بصراحة من النشوفية جدا و عايز اتحشاها في الانوس
ياريت رد لاني هشتري قريب
شكرا مقدما
والله يا باشا انا لما جربت الـ kyb بعد ما كنت شغال بالمساعدين الاصلي حسيت ان العربيه نشفت شويه عن الاول و ده بيكون له اثر ايجابي على ثبات واتزان العربيه مع الجري بشكل عام , وبمعنى اصح بتحس انك راكب عربيه شاده حيلها على الطريق
بالنسبه لمساعدين اللانوس انت ادامك 3 اختيارات فقط (حسب علمي) :-
- المساعدين الاصلي : ودي حنينه مع المطبات وسعرها قليل بس عمرها الافتراضي واداءها على اد سعرها
- المساعدين الـ kyb : هي الوسط من حيث الاداء والسعر وعمرها الافتراضي المفروض انه اطول من العمر الافتراضي للمساعدين الاصلي
- المساعدين المونرو : الاعلى من حيث الاداء والسعر , واكيد فرق الثبات معاها هايكون ملحوظ بالمقارنه مع النوعين اللي فاتو
مع مراعاه ان المساعد الغاز على زيت هايكون ناشف جدا بالنسبه ليك عشان ابنك (ربنا يباركلك فيه)
من رأيي ان قرارك هايتوقف على معدل و طريقه استخدامك للانوس
لو الاستخدام هايكون عادي وهادي ومفيش تحميل كتير على المساعدين (خاصه الخلفى) فالمساعدين الاصلي هايكونوا مناسبين جدا
ولو معدل الاستخدام هايكون اكتر ومحتاج حاجه تستحمل فأكيد المونرو هو رقم 1 , والاقل منه على طول الـ kyb
بالتوفيق ان شاء الله
الف الف شكر ياباشا
كده شكلها هترسي علي المساعدين الاصلي لاني ممكن اضحي بالثبات شوية صغيرين بس في المقابل اخلي العربية ناعمة في المطبات لان اقصي حاجة بجيبها سواء انا او مراتي هي سرعة 120 بالكتير قوي 130 و ده مش في كل الاوقات اغلب الاوقات مش بنعدي ال 90 اساسا
سؤال اخير : المساعدين المونورو الزيت فقط ناعميين ولا نفس الكلام برضة ؟
يا باشا انا تحت امرك
بالنسبه للمساعدين المونرو الزيت فقط
فأنا للاسف لغايه دلوقتي ماجربتش المونرو في اللانوس , بس اللي اعرفه من خلال كلام الزملاء ان المونرو عامه ناشف (عالاقل لو قارنته بالمساعد الاصلي) , وطبعا اي مساعد زيت على غاز بيكون انشف من الطبيعي بمراحل
وطبعا انتظر رأي الزملاء اللي مركبين مونرو عشان تستفيد بأقرب اجابه للصح
شكرا جدا على المعلومات المفيدة يا محمد بك جزاك الله خيرا
انا مجرب كل الانواع السابقة...
لو خايف من النشفان يبقى متركبش مونرو غاز على زيت ورا... الKYB و المونرو زيت فقط زى بعض تقريبا و الاتنين حنينين فى المطبات و مفيش اى مشاكل بالنسبة لمستوى الراحة فى العربية منهم
المونرو غاز على زيت الخلفى ناشف بشكل ملحوظ بس بيدى ثبات و توازن رائع... المساعد الاصلى انساه تماما... لو ركبتة اصلا مش هتحس بفرق بينة و بين المساعد اللى ضارب لانة هو اساسا خفيف جدا بشكل مبالغ فية
MMamdouh
بالتوفيق ان شاء الله يا باشا :)
مبروك علي الصيانة
انت عملت ايه في التكيف !؟!؟!