الموضوع: طيب أعمل إيه دلوقتي؟ ..التيل الجديد بيصفر!! (وائل عطية)

بيتهيألى ده وقت تحرك الرابطة.

وائل انت كده طمنتني شويه
انا رحت امبارح الصحراوي و اصريت على موضوع التيل ده و قلتلهم انا متاكد ان التيل الجديد موجود و مش بيصفر و اعرف واحد غيره في ال 20000 قالولي امتى ده قلتلهم من كام يوم بس للامانه ده كان في جسر السويس مش هنا.
مهندس الاستقبال (م/ محمد رضوان) قام و دخل جوه شويه و رجعلي و قالي حضرتك التيل الجديد لسه مجاش.
قلتله امال الراجل اللي غيره ده غيره ازاي ؟ قالي يمكن جه في جسر السويس بس عندنا مافيش.
انا مكنتش مقتنع بالكلام ده علشان كده مش منطقي فقلت له خلاص حضرتك ممكن تكلم الناس في جسر السويس و يبعتولك من الكميه اللي عندهم قالي حاضر بس دي شغلانة الناس بتوع المخازن و قطع الغيار و مديرهم اجازه النهارده فاول لما يجي هاخليه يكلمهم .

بعد كده حصل حاجه تانيه و برضه حاولت و اصريت على موضوع التيل و برضه كان الرد ان التيل الجديد مش موجود.

اعتقد كده ان التيل اللي انت غيرته هو نفس النوعيه القديمه و لا انت شايف ايه؟
انا اخر حاجه وصلتلها ان اول لما التيل الجديد يوصل همه هيكلموني علشان اروح اغيره.بس انا برضه هاتابع معاهم بالتليفون ان شاء الله.

والله يا فادي واضح انهم نصابين وكل واحد بيقول أب كلام والسلام
يعني مفيش حاجة اسمها إن قطع الغيار تروح جسر السويس قبل الصحراوي لأن الصحراوي هو الرئيسي
زي ما قلنا قبل كده العملية مافيهاش أي قواعد بتحكمها وكل واحد ماشي بمزاجه
من الآخر مش هاينفع معاهم غير الخناق وقلة الأدب لكن بالذوق والاحترام مش هاتاخد حقك
أنا عن نفسي ناوي أصعد الموضوع جامد..وأكيد هاعمل مشكلة كبيرة معاهم
وربنا يسهل

كان الله فى عونك يا استاذ وائل

بتحارب فى الوكيل و فى كل مكان, و لكن لا حياة لمن تنادى

طب ممكن اسأل سؤال ساذج شويه بس ممكن يكون الحل فيه هو مفيش اى تيل فرامل لماركة تانية يركب عليها زى الدايو مثلا اذا كان يبقى استعوض ربنا و جيبه على حسابك يا استاذ وائل او ممكن اذا كانت الصفارة مش جامده تخليك معاهم للاخر خالص و يفضل طبعا ان كل اللى عنده عربية فيها المشكله تتجمعوا مع بعض و تروحوا هناك تعمللهم قلق شويه لغاية ما يركبوا التيل الجديد و ان شاء الله المشكله تتحل على خير