يا جماعة ياريت حد يفيدنى ,, هو الحجز مفتوح للايليزيه ولسة لسة .,, وياترى فى حد حجزها ,, والاستلام حيكون امتى للناس اللى حجزت ؟ وياترى قطع الغيار حيكون اخبارها ايه ..
عرض للطباعة
يا جماعة ياريت حد يفيدنى ,, هو الحجز مفتوح للايليزيه ولسة لسة .,, وياترى فى حد حجزها ,, والاستلام حيكون امتى للناس اللى حجزت ؟ وياترى قطع الغيار حيكون اخبارها ايه ..
الحجز ابتدا من فترة كبيرة من ساعة معرض اوتوماك و الحجز شغال
الاستلام حسب هتحجز امتى و اكتر حد يفيدك فى الموضوع ده التوكيل نفسه لأن الدنيا متلخبطة بسبب موضوع العملة
قطع الغيار لسه مفيش كلام مؤكد
شكرا على اهتمامك استاذ مهاب
انا كلمتهم وقالولى ان خلاص فى دفعة حتتسلم على اخر الشهر ده
ولو حجزت ان شاء الله حستنى الدفعة التانية وحستلم على اول ٦
وكمان فى معلومة : قالولى ان الدفعة الاولى اتحجزت كلها من مدة كبيرة وشغالين فى حجز الدفعة التانية ,, والعربية حتكون متوفرة فى معارض عز العرب كلها عشان اللى عايز يتفرج عليها من اول الشهر ان شاء الله
وحتى الان الاسعار ثابتة ومفيش اى تغير
يعنى مفيش حد استلم خالص لحد دلوقتى؟
حد يا جماعه يعرف ايه وسائل الحمايه ضد السرقه اللي في العربيه دي ؟؟ هل مزل فيه نظام انذار قوي او امبوليزر ولا مفيهاش ؟؟ لأن البرشور اللي كان في المعرض مذكرش اي حاجه عن النقطه دي و اديكم شايفين حال البلد بقت وسائل الحمايه ضد السرقات من الحاجات الأساسيه اللي الواضح بيبص عليها و هو بيختار عربيه يشتريها
يا ريت لو حد من الناس اللي حاجزه او اللي ناويه تحجز يسألهم عن الموضوع ده في عز العرب عشان نعرف ايه الوسائل اللي في العربيه
حضرتك متأكد انها مفيهاش اي وسائل حمايه ضد السرقات ؟؟ انا اصل كنت بدور على عربيه ستروين تانيه اللي هي سي ثري بيكاسو مش من العربيات العاليه اوي في الستروين و لا حاجه هي فوق السي ثري على طول و كان فيها امبوليزر
الفكره دلوقتي ان احنا نتأكد و لو فعلا مفيهاش يبقي الناس اللي حاجزه و اللي ناويه الكل يتفق ان الكلام مع الوكيل يبقي على انه يركب فيها نظام انذار قوي مش يسلمنا العربيه كده