مقطوع انا من النت من زماااااان
بقالي يمكن شهرين...مش فاكر
قصةحصلت من حوالي شهـــر...اصحابي القريبين اوي عرفوها
العربية كانت واخدة اخر بطانة..وداخلة الفرن تاني يوم
مروح من الصيدلية..كانت الساعة 12 تقريبا
الطريق فااااضي...وأنا بعد أفلام الأكشن الي حصلت معايا قبل كده
بجرررررررري بالليل وبمشي بمبدأ..محدش بالليل يعديني
عديت من جمب دورية راكنة...بوكس&تيجـــو
راكنين قدام بعض جمب كافتيريا.....على التراب جمب الاسفلت..يعني تقريبا مايبانوش للي معدي
عديت من جبهم بســرعـــة..عاادي
بعد اتنين تلاتة كيلو..مهدي عند مطب في منطقة ضلمة
ألاقي عربية(جيب)بتاكل المطب الي انا لسه كنت بعديه بالراحة..وتعرض قدامي
وألاقي مدافع كلاشنكوف نازلة
""انزل يابن الوســـ...إنزل ""
زي ماللغة العربية بتوصف الموقف..وأسقط في يدي
العربية الجيب قدامي..ونازل منها مسلحين وماسكين الالي مصوبينه عليا
لقيت الباب بيتفتح ..ولقيت نفسي بتسحب بره العربية
وبترمي على كبوت عربيتي على وشي..وإيد هجميه بتفتش جيوبي
سوء تفاهم وهيروح..لأني كنت شايل اللوحات..علشان العربية هتترش الصبح
ياجماعه..انا دكتور..عيب الي بتعملوه
أمين شرطة هلف..بيقولي اسكت يالا..جه الظابط يتكلم
بيقولي بتجري من الكمين ليه؟
قولتله كمين ايه يا(كابتن)..مكنش فيه كمين..
يقوم الهلف يقولي انت بتكلم رئيس مباحث ميت غمر يالا
انا كنت واقف مش ماسك أعصابي من الدخلة الي عملوها عليا
والي يعرفني من الشباب هنا..يعرف اني احيانا بتلعثم..احيانا اه واحيانا لا..دي طريقة كلامي
ساعتها كانت طالبة معاهم..أني شارب حاجة
أفهم الكائنات دي..ان دي طريقة كلامي الطبيعيه..فما بالكم بالتثبيته الي اتعملت عليا دي
وأنا مرمي ووشي على كبوت العربية..ميني باص معدي وقف يتفرج
والناس تبص عليا وكأني حرامي
.الموقف انتهى طبعا..بدون ادنىاعتذار منهم
ومحدش يقولي عندهم حق في الي عملوه
كأجراء أولي..كان يطلبو مني اثبات شخصية باسلوب محترم