شكمان اللانوس

**HanyManssy** · 26-04-2013 02:33 AM

العربيه كانت بتاكل بنزين
غيرت البوجيهات لقيتها سحبها تقل قوى
طلعت البوجيهات مضروبه
ركبت القديمه و السحب اتحسن شويه
اسبوع الصوت عالى
رحت لبتاع الشكمان الزقازيقى اللى فى دوران شبرا صراحه ناس محترمه جدا و معاملتهم محترمه
بيرفع العربيه و يورينى المشكله
قالى السوسته مخرومه
قالى اشترى من الصاوى اللى فى الخلفاوى ش شبرا
و ركبت السوسته شراء 65 و تركيب 50 جنيه
و الصوت عالى
ذهبت للميكانيكى قالى اللحام ضعيف و فيه تسريب
رجعت لبتاع الشكمان لحمه تانى
و جربت العربيه صوتها برده عالى قالى الفرن فيها مشكله
قلت له و بعدين الشكمان هو المشكله
راح صنايعى تان نزل تحت العربيه و قالى الشكمان مخروم
رفعنا العربيه و كان فيه خرمان تم لحامهما و الحمد لله المشكله اتحلت و 20 جنيه تانى
و قالى فى المستقبل القريب هتغير علبتان ب 270 جنيه بالتركيب
اذا كان الصنايعى بتاع الشكمان لم يستطيع تشخيص المشكله فكيف اشخصها انا؟
ازاى اعرف ان فيه مشكله ؟

**ahmedhilmy** · 26-04-2013 12:02 PM

في صيانه الشكمان المكان المحتلرم و الموثوق فيه فعلا هو ابو اليزيد للشكمانات اتعاملت معاهم مرتين ناس اكتر من ممتازين

**mero100** · 26-04-2013 01:04 PM

المشاركة الأصلية كتبت بواسطة ahmedhilmy

في صيانه الشكمان المكان المحتلرم و الموثوق فيه فعلا هو ابو اليزيد للشكمانات اتعاملت معاهم مرتين ناس اكتر من ممتازين

الله عليك يا بو حميد ... لسه كنت داخل اقول الكلمتين اللي زي الفل دول

ابو اليزيد فاهمين لانهم هما اللي عاملين الشكمان بتاع اللانوس ... و عندهم منتجات باسعار مختلفه .

و مره كلمتهم و سألتهم علي اني عاوز اشيل علبه البيئه ... و كنت قلقان من حوار احط مكانها ايه ... علبه و لا ماسوره و مشاكل الصوت و كده ... قالوللي احنا فاهمين بنشيلها ازاي . بس انا لسه مشلتهاش .

**ahmedhilmy** · 26-04-2013 02:37 PM

المشاركة الأصلية كتبت بواسطة mero100

الله عليك يا بو حميد ... لسه كنت داخل اقول الكلمتين اللي زي الفل دول :f_eyeb1[1]:

ابو اليزيد فاهمين لانهم هما اللي عاملين الشكمان بتاع اللانوس ... و عندهم منتجات باسعار مختلفه .

و مره كلمتهم و سألتهم علي اني عاوز اشيل علبه البيئه ... و كنت قلقان من حوار احط مكانها ايه ... علبه و لا ماسوره و مشاكل الصوت و كده ... قالوللي احنا فاهمين بنشيلها ازاي . بس انا لسه مشلتهاش .

عمرو باشا انا قلت اسبقك هما فعلا ناس محترمين و محترفين و انا فعلا من سنتين ساعه ما كان معايا اللانوس شلت علبه البيئه عندهم فعلا و الحمد لله طلعت ممتازه

**Ahmed Nasser** · 26-04-2013 03:03 PM

شغل الشكمان مش عايز مهندس يعنى عشان يشوف العيب من اية
انا فى عربيتى وعربيات اصحابى بشخص العيب قبل ما اروح لبتعا الشكمان
وانا اللى بيقولة اعمل كذا ومتعملش كذا

**mero100** · 26-04-2013 03:34 PM

المشاركة الأصلية كتبت بواسطة ahmed nasser

شغل الشكمان مش عايز مهندس يعنى عشان يشوف العيب من اية
انا فى عربيتى وعربيات اصحابى بشخص العيب قبل ما اروح لبتعا الشكمان
وانا اللى بيقولة اعمل كذا ومتعملش كذا

يمكن عشان انت فاهم يا استاذ / احمد .

لكن فيه مالك سياره بيسمع صوت غريب .. ممكن يعرف انه حاجه في الشكمان .. لكن ميعرفش يشخص العيب بالظبط .

و عموما احنا بنتكلم عن ابو اليزيد علي اساس انهم همه اللي عاملين شكمان اللانوس و فاهمين . و فيه كذا مشاركه من عضو هنا .. شكروا فيهم .

العضو صاحب الموضوع راح للزقازيقي اللي في شبرا ...و كان زمان مشهور جدا ... و شوف راح و جه كام مره علي العيب اللي عنده . و دفع كذا مره مصنعيه . علي عكس اما التشخيص يبقي صح من اول مره و المصنعيه تبقي واحده .

**Ahmed Nasser** · 26-04-2013 04:05 PM

فى مقولة بتقول لا خاب من استشار
المفروض الواحد يروح يسئل الاول طالما مش عارف

**mero100** · 26-04-2013 04:38 PM

المشاركة الأصلية كتبت بواسطة ahmed nasser

فى مقولة بتقول لا خاب من استشار
المفروض الواحد يروح يسئل الاول طالما مش عارف

كلامك منطقي و مقبول ... عشان كده بنقول الواحد يروح للمتخصص في شغله ... سواء مهندس او عامل .

ما يشخصش هوه مع نفسه و يروح للفني يقوله غير كذا وكذا .... عملا بمقولتك ( لا خاب من استشار )