حد جرب Braun cruzer 6

**Ahmedhussein007** · 27-04-2013 09:45 PM

المشاركة الأصلية كتبت بواسطة mohammedabdallh

fw pqvj; fu hggt ;jdv ,hgfpe ;jdv
lgrjan hpsk lk ]n
amazon.com: Philips norelco 1280x/47 sensotouch 3d electric razor with jet clean system, frustration free packaging: Health & personal care
بس هيا غاليه شويه
فى رنج 2000ج ساعة الدولار ما كان 6
بس الحلاقه بتاعتها زى الموس وافضل حتى وان كانت دقنك خشنه زى حلاتى

فى ناس رشحت براون 7 بيقولو افضل حاجه فالحلاقه وبرضو معديه جامد فوق ال 2000 انا خايف ادفع ده كله والاقى الموس احسن فالاخر

**alexaway** · 27-04-2013 10:04 PM

والله يا باشا انا مجرب البراون بتاعه الدقن واللي بيقول مش زي الموس مجربهاش , انا جربتها كانت بتنعم دقني زي الموس بالظبط , بس كانت عملالي مشكلة حساسية فى دقني , وعلي فكرة في منها صيني كمان .
انا حوصلك الفكرة بتاعتها علشان تعرف هي بتشتغل ازاي,الشفرات بتبقي تحت طبقة زي المصفي كدا بس رقيقة جدا وقابلة للثني والضغط ,فلما انت بتضغط عليها وانت ماشي علي دقنك بتشيل الزيادات اللي تقابلها من غير ما تيجي ناحية الجلد خالص ,فهي بتعمل نفس عمل الموس ولكن مش بتجرح او تشيل طبقة من الجلد .
اقلك علي حاجة هاتلك واحدة صيني حتلاقيها رخيصة جرب بيها وشوف حتناسبك ولا لا , لان زي ما قلتلك انا عملتلي حساسية مع انها كانت مريحاني فى الحلاقة بدل الموس .

**D . a .\ AYMAN** · 28-04-2013 02:12 AM

المشاركة الأصلية كتبت بواسطة x_mm_x

انا اشتريت دي وراضي عنها بنسبة 90 % :)
amazon.com: Panasonic es8103s men's 3-blade (arc 3) wet/dry rechargeable electric shaver with nanotech blades, silver: Health & personal care

جربتها على الناشف كذا مره ممتازه وبجل الحلاقه تعبتني مش عارف هيه لازم جل مخصوص ولا فوم ولا ايه ولا علشان اول مره

عموما شوف تقييم الناس كمااان الصراحه best value for money

طيب ياباشا ممكن شوية تفاصيل عنها سعرها وجبتها منين وكدة ولو ليها توكيل في مصر ممكن أسأل عنها فين

عموما انا عندي الكروزر 3 .. وبحلق بيها يوميا ... بس هية مشكلتها فعلا إنها مش معمولة عشان التنعيم الكامل ولكنها في التقصير والتحديد كويسة

لكني بحلق بيها يوميا زي ما قلت وبتسيب البعض من الشعيرات بدون ما تيجي ناحيتهم لأن تصميمها مش قد كدة بالنسبة للتنعيم وباخد مسحة خفيفة كدة بالموس بعدها من غير ما أدوس عليه عشان يشيلهم ... بس هية مريحاني كتير جدا من الجروح الكتير جدا اللى كان الموس بيسببهالي

... وبإذن الله كنت ناوي أجيب الفئة الخامسة من براون عشان نقطة التنعيم .. ولو الباناسونيك دي موجودة في مصر ممكن أفكر فيها بدل الفئة الخامسة لأنها تقريبا نفس الشفرة الثلاثية بتاعة الفئة الخامسة من براون ولكن فرق السعر يستاهل وأنا كمان بحب حاجات باناسونيك أكتر

**D . a .\ AYMAN** · 28-04-2013 02:37 AM

موديلات باناسونيك جميلة جدا بصراحة قعدت دلوقتي أتصفح الموديلات بتاعتهم كلها وأعتقد إنها أكفأ من براون وفيليبس ... أول مرة أعرف إن باناسونيك ليهم في أجهزة العناية الشخصية

بس ما سمعتش عنهم في مصر ليه مش عارف

اللى يعرف ممكن ألاقي حاجة زي كدة فين في مصر يقوللي جزاكم الله خيرا