ياجماعه انا هشترى ماكنة حلاقه حد جرب الكروزر 6 وهل بتحلق وتنعم زى الموس؟
عرض للطباعة
ياجماعه انا هشترى ماكنة حلاقه حد جرب الكروزر 6 وهل بتحلق وتنعم زى الموس؟
بص هى ماكينة ممتازة الصراحة فى التخفيف على واحد وكمان فى الدرجات
والتنعيم الى حد ما جيد برضه
يعنى لو بتنعم على طووول هتبقى كويسة بس انا من وجهة نظرى ان التنعيم فى الماكينة دى مجرد كمالة للمكنة
لان فى مكن تانى متخصص فى النقطة دى
كمان مش عارف ليه بحس مشط التخفيف مقوس كده مش مريح
غير مشط المكن اللى اتعودنا عليه دايمااا (الاسود اللى فى المكن الالمانى ده )
هى الفكرة كلها عايزة حد فاهم بيعرف يحلق كويس لان ساعات هتلاقى نفسك سايب اماكن تقيلة وتانية خفيفة خصوصا لو هتخفف بس وكانت دقنك كبيرة وعايز تسيبها كبيرة
هو انا فعلا عايزها عشان انعم بيها او احلق بدل الموس لو فى حاجه غيرها ايه موديلها؟
ايه ياجماعه مفيش حد جربها ولا ايه
انا اشتريت دي وراضي عنها بنسبة 90 % :)
Amazon.com: Panasonic ES8103S Men's 3-Blade (Arc 3) Wet/Dry Rechargeable Electric Shaver with Nanotech Blades, Silver: Health & Personal Care
جربتها على الناشف كذا مره ممتازه وبجل الحلاقه تعبتني مش عارف هيه لازم جل مخصوص ولا فوم ولا ايه ولا علشان اول مره
عموما شوف تقييم الناس كمااان الصراحه best value for money
معايا بقالها فترة..حوالى 4 شهور..
بستخدم شفرة التخفيف من غير أمشاط..و بخفف دقنى لأقل درجة ممكنة...
أول ما جبتها استخدمت الجزء الخاص بالتنعيم..معجبنيش..مشلش دقنى 100%
بيميزها ان تقفيلها ممتاز..بغسلها بمياه على طول..
بس نصيحة..شوف حاجة تانية زى فيليبس و الأفضل تكون شعر و دقن..مش دقن بس
تنعيم متجيبش فئة الكروزر خااااااااااااااالص ملهاش فى التنعيم نهائى وحتعلك
التنعيم فى براون بيبدا من سيرس 3 و5 و 7 وبس
لكن كروزر دى للتخفيف والتحديد والتنعيم فيها زى قلتة اسمع كلامى علشان مترميش فلوسك فى الارض وترجع تندم
شكرا ياباشا على اهتمامك
كويس والله انا كنت فاكرها يتنعم زى الموس ايه هى الموديلات الشعر والدقن
والله ياباشا انا كنت هشتريها النهارده بس قولت استنى شويه اما اشوف حد جربها الحمد لله انى مستعجلتش بس حضرتك شايف اشترى اى فئه لان فرق الاسعار كبير بينهم انا عايز حاجه زى الموس بالظبط
بص زى الموس بالظبط مش حتلاقى لان الموس بياخد طبقة من الجلد معاة والمكن مبيعملش كدة
لكن اقرب النتائج المرضية جدا اكيد حتكون فى الفئة السابعة باعتبارها اعلى حاجة فى براون
بس طبعا سعرها عالى جدا وياريت لو تجيبها من غير المعقم بتاعها اكيد سعرها حيكون اقل بتاع 500 جنية على الاقل ان لم يكن اكثر
وعلى فكرة الفئة الخمسة جامدة جدا برضة
انا مستعملتش حاجة منهم ولكنى مقبل على شراء احدى الفئتين الخامسة او السابعة حسب الميزانية ودراسة ممبزات كل فئة عن الاخرى
تحياتى لك
fw pqvj; fu hggt ;jdv ,hgfpe ;jdv
lgrjan hpsk lk ]n
Amazon.com: Philips Norelco 1280X/47 SensoTouch 3D Electric Razor with Jet Clean System, Frustration Free Packaging: Health & Personal Care
بس هيا غاليه شويه
فى رنج 2000ج ساعة الدولار ما كان 6
بس الحلاقه بتاعتها زى الموس وافضل حتى وان كانت دقنك خشنه زى حلاتى :120146b:120146b
والله يا باشا انا مجرب البراون بتاعه الدقن واللي بيقول مش زي الموس مجربهاش , انا جربتها كانت بتنعم دقني زي الموس بالظبط , بس كانت عملالي مشكلة حساسية فى دقني , وعلي فكرة في منها صيني كمان .
انا حوصلك الفكرة بتاعتها علشان تعرف هي بتشتغل ازاي,الشفرات بتبقي تحت طبقة زي المصفي كدا بس رقيقة جدا وقابلة للثني والضغط ,فلما انت بتضغط عليها وانت ماشي علي دقنك بتشيل الزيادات اللي تقابلها من غير ما تيجي ناحية الجلد خالص ,فهي بتعمل نفس عمل الموس ولكن مش بتجرح او تشيل طبقة من الجلد .
اقلك علي حاجة هاتلك واحدة صيني حتلاقيها رخيصة جرب بيها وشوف حتناسبك ولا لا , لان زي ما قلتلك انا عملتلي حساسية مع انها كانت مريحاني فى الحلاقة بدل الموس .
طيب ياباشا ممكن شوية تفاصيل عنها سعرها وجبتها منين وكدة ولو ليها توكيل في مصر ممكن أسأل عنها فين
عموما انا عندي الكروزر 3 .. وبحلق بيها يوميا ... بس هية مشكلتها فعلا إنها مش معمولة عشان التنعيم الكامل ولكنها في التقصير والتحديد كويسة
لكني بحلق بيها يوميا زي ما قلت وبتسيب البعض من الشعيرات بدون ما تيجي ناحيتهم لأن تصميمها مش قد كدة بالنسبة للتنعيم وباخد مسحة خفيفة كدة بالموس بعدها من غير ما أدوس عليه عشان يشيلهم ... بس هية مريحاني كتير جدا من الجروح الكتير جدا اللى كان الموس بيسببهالي
... وبإذن الله كنت ناوي أجيب الفئة الخامسة من براون عشان نقطة التنعيم .. ولو الباناسونيك دي موجودة في مصر ممكن أفكر فيها بدل الفئة الخامسة لأنها تقريبا نفس الشفرة الثلاثية بتاعة الفئة الخامسة من براون ولكن فرق السعر يستاهل وأنا كمان بحب حاجات باناسونيك أكتر
موديلات باناسونيك جميلة جدا بصراحة قعدت دلوقتي أتصفح الموديلات بتاعتهم كلها وأعتقد إنها أكفأ من براون وفيليبس ... أول مرة أعرف إن باناسونيك ليهم في أجهزة العناية الشخصية
بس ما سمعتش عنهم في مصر ليه مش عارف
اللى يعرف ممكن ألاقي حاجة زي كدة فين في مصر يقوللي جزاكم الله خيرا