صباح الفل عليكم
كنت محتاج اشترى ساعه تكون كويسه و تبقى كاجوال و فى نفس الوقت تنفع للكلاسيك
عايز حاجه اصليه بس اخرى 800 جنيه
ايه بقى الماركات الى تعمل فى الحدود دى و تكون حاجه كويسه و اجيبها منيين؟
عرض للطباعة
صباح الفل عليكم
كنت محتاج اشترى ساعه تكون كويسه و تبقى كاجوال و فى نفس الوقت تنفع للكلاسيك
عايز حاجه اصليه بس اخرى 800 جنيه
ايه بقى الماركات الى تعمل فى الحدود دى و تكون حاجه كويسه و اجيبها منيين؟
افضل مكان به ساعات كتير عشان تنقي براحتك اسفل جراج الاوبرا بميدان الاورا وسط البلد
موقع نفسك علي النت عليه اشكال والوان واسعار خدلك فكرة عليه
طيب مثلا فى محل معين موثوق منه علشان الساعات الهاى كوبى بقت تتباع على انها اصلى و انا مش هعرف افرقاقتباس:
المشاركة الأصلية كتبت بواسطة nona_yaris
طيب ايه الانواع الكويسه فى حدود ال800اقتباس:
المشاركة الأصلية كتبت بواسطة windofchange
في رنج 800 يبقى خليك في ساعات ألبا، وهاتلاقي موديلات وأشكال كتير
طيب بتتباع فين و تكون مضمونه انها اصليه؟؟اقتباس:
المشاركة الأصلية كتبت بواسطة sehsss
الافضل من وجهة نظري
ساعات سيتيزن
فيه منها كلاسيك او اشكال جديده
غاية في الروعه والجودة والرقي
فى سيتيزن
سيكو
اورينت
واسعار الانواع الكويسة منها من 500 الى 900
اقتباس:
المشاركة الأصلية كتبت بواسطة year183
اقتباس:
المشاركة الأصلية كتبت بواسطة ahmed12345678
انا عن نفسى بحب سيتيزن
طيب منيينى اجيب حاجه اصليه و رخيصه؟؟
انا عايز حاجه تمشى لو لبستها على بدله او على كاجوال اجيب شكل ايه؟
في الحدود اللي انت بتدور فيها دي انصحك بنوعين Alba و Casio دول اكتر نوعين هاتلاقي فيهم موديلات شيك جدا في الرينج ده, وانصحك تنزل روكسي هاتلاقي في اخر شارع الاهرام من ناحية قصر الاتحاديه مجموعه محلات ساعات اصليه, فيهم محل انا دايما بتعامل معاه اسمه سوفينير, ده محل كويس ومضمون وهاتلاقي فيه موديلات كتيره هو والمحلات اللي حواليه في ميرا سنتر
بص يا سيدي روح علي المبني الاداري لجراج الاوبرا وهتلاقي في الدور التالت محل بيبع كوبي عالي وجميل جدا
هات من بره واشحنها عن طريق موقع Edfa3ly هاتجيب ماركه محترمه ونضيفه بال 800 جنيه دول
نصيحه ما تشتريش حاجه الا لو كانت كلها ستانليس استيل مش الاستيك بس لان الظرف بيكون نحاس ومطلى وبعدين بيكشف
صراحه انا مجربتش اجيب حاجه من بره فمفيش اى خبره و كمان ازاى اعرف انها اصليه و جديده ؟؟اقتباس:
المشاركة الأصلية كتبت بواسطة الغزالى
اقتباس:
المشاركة الأصلية كتبت بواسطة الغزالى
انا اشتريت من حوالي 4 شهور ساعة من موقع امازون عن طريق موقع ادفعلياقتباس:
المشاركة الأصلية كتبت بواسطة EL Tanna
نوعها Ted Lapidus كان عليها خصم كبير وكلفتني بالشحن والجمارك وكله 630 جنيه
اللي زيها في مصر مش اقل من 1500 جنيه
هات من موقع amazon.com دول ساعاتهم مضمونه و أصليه , وتقدر تعرف تكلفة الشحن والجمارك من موقع ادفعلي , بس الساعه هاتوصلك بعد عمل الاوردر ب 3 اسابيع
جرب الموضوع ده لأن فعلا الساعات بره ارخص من هنا كتير
طيب لو عايز مثلا ساعه دى اعرف ازاى انها جديده مش مستعمله و انها اصليه؟؟اقتباس:
المشاركة الأصلية كتبت بواسطة A_H_M_A_D
Citizen Quartz Leather Strap Black Dial Men's Watch - BF0580-06E: Watches: Amazon.com
البائع اسمه Savvy Watch وده مضمون من امازون , والتقييم بتاعه 4.9 نجمه من خمسه , باجمالي 1132 تقييم , يعني بائع مضمون جدا , وساعاتهم اصليه وجديده مش مستعمله وعليها ضمان دولي كمان , لو عايزها اشتريها وانت مطمن عن طريق موقع ادفعلياقتباس:
المشاركة الأصلية كتبت بواسطة EL Tanna
طيب هى سيتيزن ملهاش توكيل هنا؟؟ مش يمكن نلاقى نفس السعر ولا مستحييل؟
في محل بشارع الفلكي بالقرب من ميدان التحرير اسمه أولاد زيادة ده موزع معتمد لكاسيو وألبا وسايكواقتباس:
المشاركة الأصلية كتبت بواسطة el tanna
عليك و على ساعات قمر .. ده محل محترم و بيبيع أوريجنال بس !
مكانه فى أركاديا مول و فى سيتى ستارز و ليه فى أسكندرية 3 فروع
حاجته غالية شوية بس أصليه و بالضمان
بالنسبة لنوع الساعة أرشحلك Fossil بقالها معايا 5 سنين من غير و لا خدش و كنت بنزل بيها البحر كثير .. غيرت لها البطارية بس !! و حتلاقيها فى الحدود اللى قلت عليها مش اكثر ..
اقتباس:
المشاركة الأصلية كتبت بواسطة nona_yaris
أنا جيبت ساعة أورينت من عندهم بحوالي 250جنيه وشوية والمفروض إنها ضد المياه وأصلية بالضمان ومع أول استخدام تحت المياه دخلتها المياه وباظت ورميتها
هم آخرهم الساعات الكاسيو الجي شوك لأنها صعب ينزل منها مضروب أعتقد
هو الاورينت اغلي شويتين من ٢٥٠ جنيه وتصحيح بسيط لو سمحتلي الجي شوك اكتر حاجة بتضرب
اخى العزيز
يوجد نوع جديد من ساعات سيتزن يندرج تحت الفئه eco drive
حيث يتم شحن بطاريه الساعه من خلال ضوء النهار او الشمس
وبالتالى تنسى موضوع تغيير البطاريه
انا استخدم هذه النوعيه من سنوات
اقتباس:
المشاركة الأصلية كتبت بواسطة amrrashed
المفروض إنه حلفلي إنها أصلي وكانت بالضمان بتاعها وللأسف أنا مش بفهم في موديلات الأورينت لأنها أول ساعة أورينت أجيبها
لكن الجي شوك ليا معاها صولات وجولات من زمان قوي عشان كدة بعرف أفرق بين المضروب بتاعها وبين الأصلي .. المضروب بتاعها بيبقى مفضوح قوي
عشان كدة أقصد إن صعب تتخم في واحدة مضروبة منها .. أو يمكن بالنسبة لي أنا على الأقل ويمكن برضه عشان متابع الموديلات الجديدة بتاعتها أول بأول
السيتيزن الإيكو درايف نازل منها موديلات جميلة بصراحة وبالذات في الحريمي جميلة جدا بس غالية شوية وبتعدي الألف مستريح
الكاسيو الـ edifice كلاسيك وكاجوال ونازل منها موديلات رائعة معدن وستالس ستيل وجميلة جدا بصراحة وعموما أنا عاشق لساعات كاسيو من زمان
سعرها لو جبتها من برة ممكن تكون في حدود من 600 لـ 700 لـ 1000 جنيه حسب الموديل ... وبتوصل هنا بالضمان المحلي لفوق الـ 1500 برضه حسب الموديل
نصيحة لوجه الله عن تجارب عديدة
Casio
و من الوكيل و بس و سعر الوكيل حلو و مضمون فى نفس الوقت و الكاسيو حمارة شغل ما شاء الله
مكان الوكيل عمارات عثمان تقاطع عباس العقاد مع مصطفى النحاس هو دور علوى مش محل
Casio - Cairo Trading, Mohandeseen, Giza, Egypt | Watches & Clocks | Yellow.com.eg | 4 Iraq St.
Casio - Cairo Trading, Nasr City, Cairo, Egypt | Watches & Clocks | Yellow.com.eg | 83 Othman Towers, Mostafa El Nahhas St. Intersection Of Abbas El Akkad St.