السلام عليكم
الحمد لله أمس قمت بحجز السي ٥ موديل ٢٠١٣
بس لقيت ان فيه ٢٠١٢ واغلى من ٢٠١٣ بحوالي ١٥ ألف
حجزتها من اباظة اسكندرية
سألت ليه ٢٠١٢ اغلى
قالي لان مواصفاتها اعلى excuetive
فياريت افهم منكم هل فعلا الكلام دا صح
وايه هيا الفروق
عرض للطباعة
السلام عليكم
الحمد لله أمس قمت بحجز السي ٥ موديل ٢٠١٣
بس لقيت ان فيه ٢٠١٢ واغلى من ٢٠١٣ بحوالي ١٥ ألف
حجزتها من اباظة اسكندرية
سألت ليه ٢٠١٢ اغلى
قالي لان مواصفاتها اعلى excuetive
فياريت افهم منكم هل فعلا الكلام دا صح
وايه هيا الفروق
الف مبروك و تستلم على خير .
انا كنت عند اباظه اول امبارح و شفت c5 اللى عنده ... مش اللى كانت واقفه فى الدور الارضى فى الاخر ... بسم الله ماشاء الله وهم.
و سالته نفس السؤال و رد نفس الرد و قال انهم حيشيلوا منها بعض الاوبشنز زى فتحه السقف مثلا و قالى 2012 اللى عنده 228500 و 2013 حتبقى 198000... بس عربيه محترمه بجميع المقاييس و ربنا يباركلك فيها و عايزين تقرير حلو لما تستلم عشان انا بفكر فيها .
عربية ممتازة بكل المقاييس و افضل عربية فى الفئة السعرية ديه دلوقتى بلا منافس .. بصراحة متتقارنش بالنيو سيراتو و الكلام ده خالص
انا اللى اعرفه ان فيه فئتين الـ Highline و ديه فيها كل حاجة بما فيها فتحة السقف و ديه سعرها دلوقتى فى حدود 230 الف و فيه الفئة اللى نزلت جديدة من كام شهر فيها كل حاجة برضو الا شوية حاجات بسيطة منها فتحة السقف و ديه دلوقتى بـ 210 .. مش عارف بقى حضرتك حجزت انهى واحدة و فيه انهى فئة
و نستنى احمد عادل لما يدخل لأنه خبرة عنى فى المواضيع بتاعت الاوبشنز و الفئات ديه
و الف مبروك لحضرتك و مستنيين التقرير ان شاء الله بعد الاستلام
متشكر ليكم يا جماعه
ان شاء الله تستلم علي خير
ومبروك مقدما ..
مبروك مقدما ربنا يعطيك خيرها و يكفيك شرها يا رب
اللي بـ 229 دي ال exclusive
ودي عليها عرض تقسيط و كمان صيانة مجانية ل 60000 كم
اللي بـ 209 دي ال dynamic ودي فئة لسة نازلة من شهرين تقريبا
كانت بـ 199 ودلوقتي بـ 209
ال dynamic نزلت بدل الفئة comfort اللي كانت بـ 210
الف مبروك وفى انتظار الصور والتقرير
ياريت حد يفيدنا بالنسبه لأفضل لون فى السى 5 ... انا محتار بين اللون الابيض و الرمادى ... مع انى شايف الابيض اشيك فى الاكسكلوسف ... بس الرمادى ماشفتوش على الواقع بس شوفته فى الصور و الاعلانات بس
حاسس الرمادى عليها هيبقى أحلى
الابيض شوفته بصراحة لا تعليق مينفعش اقول شكلة ايه لازم تشوفوه
فعلا الابيض لا تعليق .... جميل جدا جدا مع فرش داخلى اسود تحفه بجد ... خلاص توكلت على االله وحجزت الاكسكلوسف
مبروك يا باشا
انا حجزت الابيض برده
بس الصراحة لسه ما استملمتش العربية
متردد
والمشكلة اني حاجة الفئة الاولى لاني ملقتش ابيض من الفئة التانية
يا جماعه لو سمحتو تقولولنا ايه الفروقات بين الموديلين وفرق السعر من حيث الكماليات
الفرق فاحة السقف وفرش نص جلد
السعر يفرق ٢٠ الف
الفرق بين الفئتين اكبر من كده ... مثلا كالتالى
1- حساسات الاركان الاماميه
2- العدادات ملونه
3- المقاعد الكهرباء الاماميه ودى اكبر ميزه لأنها بست وظائف و الصراحه تستاهل
4- الدواسات و الارضيات موكيت
5- \اعدادات لضبط المقاعد الاماميه
6- نظام لقياس المسافات عند الركن بالسياره
7- نظام تعليق هيدروليك الهايدر اكتيف وده اللى بيميز السياره عن جميع فئتها
8- الكروم على النوافد من الخارج
9- مصابيح الزينون الاماميه
10- ومرشات للماء
مع كل ده مش هيبان الفرق اللى لما تشوف بنفسك الفرق بين الاتنين ... واظن الفرق واضح جدا ويستاهل
انا معرفش الصراحه ... بس اكيد لنه استاندرد فى الاكسيكلوسف c5
انا قلت لو الفرق بين الاتنين يتلخص فى فتحة السقف و الفرش الجلد ميستاهلش 20 الف بس لو الفرق كده يبقى اكيد تستاهل .. الزينون و فتحة السقف و الفرش لوحدهم يستحقوا الـ 20 الف
مظنش اللى فى مصر فيها التعليق الهايدروليك مبينزلش فى الـ 1600 بينزل فى النسخة الـ 2000 بس و الله اعلم
انا جايب 1600cc وفيها هيدروليك .... علشان كده افضل انك تراجع التوكيل ... بس انا متأكد انها فيها هيدروليك ....
طب هوه بيرفع العربيه وينزلها بزرار ولا أوتوماتيك منه فيه بدون تدخل السائق؟
ده فيديو لميزه التعليق ده لو حد متابعنا ومش واخد باله احنا بنتكلم عن ايه
http://www.youtube.com/watch?v=Vn7G8KiYV-4
وفيديو تاني
http://www.youtube.com/watch?v=zuqJPurdRJw
فيه زرار بجانب البريك للصعود و الهبوط من السائق حسب الرغبه و الوضع المحيط بالسياره او بالسائق .... بترفع لواحدها فى حاله نزول المطر و بتقفل الزجاج كامل تلقائى و زجاج فتحه السقف و ترفع نفسها بالهيدروليك و تشغل المساحات اوتومتك ... كل ده تلقائى بدون تدخل السائق فى حاله نزول المطر
عربيتى 2013 ابيض الفرش الداخلى انا مختاره ميكس بين الجلد و المخمل .... و2012 اختها بالظبط فى كل شىئ ... اللى بيفرق بس فى فئه الاكسيكلوسف الاعلى درجه ودى زياده حوالى 10000 ريال و فيها الفرش جلد كامل مع شاشه نفيجيشن
لول محتاج اى معلومه تانيه انا تحت امرك ... لعلمك انا كنت هاجيب ال 508 البيجو ... وخلاص حجزت فعلا ... بس سبحان الله وانا راجع البيت عديت بالصدفه و شفت الستروين c5 غيرت رأيي خالص .. والفرق كبير جدا جدا فى كل شىئ مع ان ال508 نازله بسعر قريب من الستروين بس من تقفيل العربيه من الخارج وامكانيتها تستاهل و كمان من الداخل مقارنه مع الفل 508 ... الستروين c5تغلب بكتير فى كل شئ كفايه التقفيل الداخلى و الامان و عرض العربيه ورفعتها و الهيبه وهى واقفه ... بصراحه تحفه
انا متهيألى عشان حضرتك فى السعودية فعندك النظام ده موجود بس اظن انه مش موجود فى مصر .. دا اللى انا سمعته فى اخر مرة كنت بسأل على العربية .. ولا حضرتك جايب العربية من هنا فى مصر ؟
عموما ربنا يبارك لك فيها عربية ممتازة طبعا
انا جايبها من جده ... وعرفت من التوكيل الستروين والبيجو ان الفل فى مصر بالنسبه لل 508 و c5 نازل من غير النفيجيشن للفل و ده الفرق بين القل فى مصر و اللى بينزل فى اى حته تانيه ... مع ان استاندرد العربيه الفل اساسا نازل مع النفيجيشن .... وعايز اقولك ان نفيجيشن الفل فى السى 5 اعلى وعملى بكتير عن ال 508
حاضر ان شاء الله قريب جدا وبالصور وفيديو كمان
لو سمحتم ممكن اعرف بنزين ال c5 في مصر 92 ولا 95 ؟؟؟؟؟
التوكيل قالى فى جده ان بنزين العربيه هوه 95 .. يبقى اكيد فى مصر بردواا
وأخر اخبار التوكيل ايه في الستروين
وهل اشتريها من السعودية ولا من مصر
مبروك مقدما وأناشايف إن في تضارب في الأقوال من ناحية الفرق بين الموديلن وده راجل لأن محدش إشترى العربية هنا في المنتدى وكل المعلومات جاية من على النت
ولكن خلي بالك إن المواصفات بتاعة العربية اللي بتنزل مصر مختلفة عن السعودية وأوروبا عشان كده ما نقدرشي نحكم من عن طريق النت
بس في موقع كونتك للسيارات واضح إن الفرق بين العربيتين بس البلوتوث وفتحة السقف.
ممكن يكون في فروق تانية بس الموقع مش جايبها عشان كده لو حضرتك عايز تعرف يبقى لازم زيارة تانية للتوكيل.
وبعدين حضرتك خلاص حجزت العربية يبقى مافيش داعي تقعد تدور والخيرة فيما إختاره الله وخصوصا إن الفرق حيبقى حاجات بسيطة مش كبيرة يعني وظائف مش أساسيات حتأثر على جودة وكفائة العربية.
وأرجوك لما تستلم العربية ياريت تعمل تقرير عنها وتقارن بينها وبين العربية اللي حضرتك كنت ممتلكها قبل كده عشان نبقى عرفين بالظبط الفرق إيه.
والسلام ختام