مشروع كسبان 100% أضمن مشروع يدر عليك ربح
السلام عليكم ورحمة الله وبركاته
إخواني أعضاء منتدى نايل موتورز
اليوم سأعرض عليكم مشروع أرجو أن يلقى منكم التشجيع والمشاركه
ببساطه شديده جدا كنت بفكر من فتره طويله في حاجه الواحد يعملها ويكسب من وراها ثواب كبير
وبعد تفكير عميق توصلت الى الفكره التاليه
هانجمع نفسنا مجموعات كل مجموعه هاتجهز فطار في رمضان وتنزل على طريق من طرق السفر اول الزراعي مثلا
الكورنيش اي مكان ممكن يكون فيه مساكين والفطار ممكن يكون حاجه بسيطه جدا بس المهم انه يكون وجبة افطار كامله يعني على سبيل المثل نعمل علب فيها لحمة ورز وسلطه ومعاهم شوية بلح وممكن للي مش هايقدر يعمل الحاجه دي عنده في البيت يتفق مع محل من محلات الأكل وتجهزله وجبات وبرده يوزعها بنفس الطريقه تخيل ان كل صايم هاتفطره هاتاخد ثوابه وهنا يا جماعه تفطره يعني تفطره مش تديله بلحه وتقولي فطرته انت طبعا هاتاخد ثواب لكن مش زي ما تكون فطرته
دلوقتي احنا كلنا ناس ربنا انعم علينا بعربيات وممكن نتحرك بيها في اي مكان ياريت نبدأ نخطط للموضوع ده من دلوقتي ونبدأ ننفذه من اول شهر رمضان
لو هانعمل الحاجه في البيت
محتاجين 1- لحمه
2- أرز
3- بلح
5- علب عشان نعبي فيها الأكل
6- معالق بلاستيك
7- نحدد الأماكن اللي هانوزع فيها اللإفطار
طبعا بكده انت هاتكون كسب ثواب افطار صائم واطعام مسكين طبعا للمساكين اللي هايقابلوك وهايصيبوا من الصدقة
ياريت يا جماعه لو حد عنده أفكار
أماكن للتوزيع بحيث اننا نوزع نفسنا على الأماكن عشان نوزع على اكبر قدر من الناس
لو حد يعرف مطاعم ممكن تعمل الوجبات او افكار وجبات تانية ممكن نتفق معاها
الدال على الخير كفاعله
إنشرها لكل من حولك حتى يعم الثواب
===============
تم حذف الاحاديث لعدم صحتها
وشكرا للعضو الكريم على النيه الطيبة
ولكن نرجو تحري النقل وصحته
خصوصا انها أحاديث عن رسول الله صلى الله عليه وسلم وعلى آله وصحبه وسلم أجمعين
الادارة 3