مشكلة أكس او drive shaft

العربية ياريس 2008 أوتوماتيك

عملت موضوع عن ونة ورجة وغيرت مساعدين أمامي لان العربية كانت بتنط وغيرت بلي عجلي أمامي والنطة راحت بس الونة لسه موجودة
زيت صوت خشانة او حاجة بتحك في حاجة
المهم توصلت إن المشكلة في الأكس او اسمه Axle او Drive Shaft
وهو مسؤول عن نقل الحركة من الفتيس للعجل
حد يعرف الونة دي تبقي من اي جزء بالظبط
أنا رايح للميكانيكي بكرة بس قلت أستفاد من الناس
دي صورته

http://nileup.com/up/uploads/nilemotors_13669691041.jpg

اللي فيه 3 أجزاء ده في الشمال هو أكس العجلة اليمين وأغلب الظن ان الصوت من اول جزء ناحية الفتيس اللي متعلم عليه بالأحمر

حد عنده فكرة يكون العيب من إيه؟

للأسف المشكلة طلعت من ترس او بلية جوا الفتيس اللي راكب عليهم الأكس والميكانيكي قالي لازم نفك الفتيس كله عشان نوصل للترس او البلية دي...الترس ده مخلي الأكس بتاع العجلة اليمين يتهز مع الحركة
من علي النت فهمت ان ممكن لما تفك وتكتشف ان فيه قطع معدنية كتير في زيت الفتيس ..يبقي أكيد فيه حاجة تانية بايظة ولازم تكشف علي الفتيس كله
ايه رأي الخبراء في الموضوع ده ؟
مع العلم لسه عندي رجة خفيفة اوي حتي بعد تغيير المساعدين بس أقل وشكلي هغير الكاوتش كمان

أفيدوني عشان العربية بتفتح مني

مغيرتش ولا أكس ولا فتحت فتيس

المختصر عملت الأتي:
العربية كان فيها:

1- الجنوط اتعوجت
2- الكاوتش باظ
3- الخبطة جت في الأساس في القنطرة من ناحية اليمين تحت المقص
4- المساعد اليمين جاب زيت
5- الدركسيون لفاته يمين أقل من لفاته شمال بربع لفة
6- البلي خشن بس مش بيعمل صوت عالي أوي..خفيف

طيب المشكلة إيه: العربية بتترج جامد علي أي سرعة
طيب أنا عملت ايه:

1- غيرت 2 مساعدين أمامي
2- غيرت بلي عجل أمامي
3- غيرت جنوط بجنوط سبور مستعملة
4- غير كاوتش بجديد يوكوهاما
5- مسحت الطنابير وغيرت التيل
6- عملت ترصيص وظبط زوايا

كل ده والمشكلة لسه قائمة

رحت التوكيل عشان يجيبوا من الاخر..عملوا تقرير بالأتي
مطلوب تغيير الأتي (لم يتم التغيير بعد)
1- علبة دركسيون
2- قنطرة (مخبطة بس ومش باين عليها إنها متنية)
3- مقصات (مش باين عليها حاجة خالص)
4- جنوط (قال عشان مش الأصلي وعايزين يركبوا جنوط حديد مع ان الاسبور اللي ركبتها محفور عليها تويوتا)
5- قاعدتين موتور
رحت لميكانيكي قالي في الاول نغير كاوتش ولما غيرته والمشكلة زي ما هي قالي هنفك الأكس ونكشف عليه

حد يفيدني بقي أعمل ايه قبل ما أغير الحاجات الكتير دي ويطلع نفس العيب

بعد فترة من تغيير الكاوتش...الرجة بدأت تروح وتفسيري إن الكاوتش الجديد كان فيه حبيبات الصب وكل ما تتاكل الرجة بتهدي
كده الحمد لله مش محتاج أغير حاجة