طنابير تويوتا كورولا 2002 ب 1200 جنيه ليه ؟ (عدد 2 طنبوره أماميه )
التيل ب 400 جنيه ليييييه ؟؟؟؟؟؟؟؟؟؟؟
عرض للطباعة
طنابير تويوتا كورولا 2002 ب 1200 جنيه ليه ؟ (عدد 2 طنبوره أماميه )
التيل ب 400 جنيه ليييييه ؟؟؟؟؟؟؟؟؟؟؟
هيا غاليه كده
مغيرها في عربيه خالي ال 2004 اخر سنه 2007
في التوكيل و كانوا غاليين فعلا
أسعار قطع غيار و الصيانة الأصلية للسيارات اليابانية عموما غالية و ليس كما يشاع رخيصة
و لذك يتجه معظم إللى معاه سيارة يابانى إلى شراء قطع غيار تايوانى بنصف ثمن اليابانى
يا خبر !!!
هي الطنابير دي اتغيرت علي كام كيلو....يعني بعد قد اية...ولية محتاجة تتغير....انا اعرف ان التغيير بيكون لما الطنابير تكون مثلا اتخرطت مرتين علي الاقل...(بتتجلخ يعني علي مخرطة علشان يظبطها وتبقي كلها مية واحدة...)
وبعدين لو الجديدة غالية قوي كدة...شوف اسيراد استعمال الخارج...في ناس كتير بتقطع عربيات في اليابان وتنزلها مصر...
يا أخواني شوفوا هيا بتتغير بعد كام الف كيلو او بعد كام سنه من الأستخدام
يعني مش معقولة نكون بنحسب كل حاجه بالفلوس وخلاص
مش ممكن اجيب طنابير بنص الثمن وفي نفس الوقت متعدشي نص العمر بتاع الأصلي
وبعدين التيل مع احترامي للكل
التيل بتاع الكورولا بــ 230 او 225 وانا شاريه قبل كده
اما الطنابير ارخص من كده بس مش فاكر كام بالظبط
ممكن يكون دي اسعار وكيل بس
اما الاسعار بالخارج اقل من كده كما وضحت
طنابير خالي اتغيرت عند 100 الف كيلو بصراحه
و انا شايف انه عمر معقول لكن مش عمر طويل لطنابير فرامل
اظن يا حازم انه ممكن يكون عند خالك مشكلة مسبقه يعني مثلا يكون مشى على التيل وهو خلصان فتره ومش واخد باله او اي شئ تاني
لأني بصراحه أول مره اسمع ان في طنابير للكورولا بجميع موديلاتها تتغير عند 100 الف كيلو
انا اعرف ناس مغيرنها بعد 300 الف كيلو تخيل بقه الفرق
يمكن و الله اعلم يا ابو عبد الله
بس اللي فاكره ان التيل اتغير قبل كده
بس ما ركبناش التيل الاصلي
و الكلام دا قبل تغيير الطنابير بشهر
التيل سعره كده 400 جنيه بس بتركيبه وسعر الطنابير دى من غير تركيب
طنابير الأوبل كورسا الأصليه ب 240 جنيه من التوكيل
التيل بيتغير تقريبا من 40 الف الى 60 الف كيلو حسب الأستخدام وممكن اكتر كماناقتباس:
المشاركة الأصلية كتبت بواسطة hazem_khidr
اما الطنابير 100 الف كيلو قليل جدا واكيد ان التيل اللي اشتراه مش اصلي ده هو اللي عمل كده
التيل بيتباع بالمحلات بره بــ 230 تقريبااقتباس:
المشاركة الأصلية كتبت بواسطة محمد ابراهيم 1
اما الطنابير اللي بــ 230 دي فانا أؤكدلك انها لكوري لصيني بالتأكيد
لأن طنابير النوبيرا كانت بنفس السعر وكانت اغلبها صيني وقليل جدا لما بيجي منها كوري
اما دي طنابير ياباني وعمرها الأفتراضي عمره ما يبقى زي الصيني او الكوري اللي بتتباع بــ 230 بس ده لو مبظتشي اصلا
انا حضرتك غيرت للنوبيرا حوالي خمس مرات طنابير في فتره اقل من 80 الف كيلو متر فقط للعربيه تخيل بقه
اما طنابير الكورولا وعن تجربه لصديق حوالي 300 الف والعربيه متبهدله مشاوير والله وشغاله مع مصنع
أبو عبدالله تغيير التيل من توكيل تويوتا كل 20 أو 30 الف كم حسب الإستعمالاقتباس:
المشاركة الأصلية كتبت بواسطة أبو عبدالله
الطنابير من 80 إلى 100 الف و تقدر ترجع للتوكيل و تتأكد
حاج احمد انا معايا كورولا 2006 ومتغيرلهاش تيل لحد الأن والعربيه عامله 30 الفاقتباس:
المشاركة الأصلية كتبت بواسطة sharky
الكلام ده بتاع الأتوماتيك اكيد
ثانيا الطنابير سبق وذكرت انها عند 150 الف كيلو وانا سألت التوكيل ومحلات قطع الغيار وبرضه ناس قالتلي حسب الاستخدام لأن انا اعرف ناس كان معاهم تويوتا عيون وعدت 300 الف والطنابير متغيرتش
أقسم بالله يا أبو عبدالله دا كلام مهندس فى توكيل العباسية وتوكيل العبور و أنا ماليش دعوة بالمحلات
إللى بره
أنا بقول كلام مهندس فى توكيل تويوتا العباسية و فى العبور و لو مش مصدقنى تعالى نطلع مع بعض بنفسنا للتوكيل و نسأل هناك
التيل بيتغير من 20 إلى 30 الف حسب الإستعمال
الطنابير بتتغير من 80 إلى 100 الف كم
دا حسب كلامهم دا ميعاد التغيير الصح و الإستخدام الامن إللى شركة تويوتا بتقولهم عليه فى جدول الصيانات و تغيير قطع الغيار
و على فكرة دا إللى موجود برضه فى كل صيانات العربيات و ممكن تتأكد من كلامى و حتلاقى الكلام دا موجود فى الهوندا و الميتسوبيشى و السوبارو و دى كلها برضه سيارات يابانى فالتويوتا مش حتكون منفردة فى العالم يا أبو عبدالله