احدث طريقه للسرقه الوضوء

**misry** · 28-04-2013 12:19 AM

هيتجابوا يسهولة ان شاء الله , بس الغريبة كمية الكاميرات اللي بقت في الشوارع دي ...

ياريت تعمم على كل حتهة ...

**MTAK** · 28-04-2013 07:15 AM

'طيب يا جماعه هناك كذا حاجه جت فى دماغى و مش عارف صح و لا غلط

انا كنت ساكن فى الشارع دا ايام الجامعه بس بصراحه مش قادر احدد المكان , اكيد الدنيا اتغيرت كتير المهم

1- كادر الكاميرا غريب شويه
يعنى لا هو مصور واجهة محل او لو قصده يصور الشارع كان فتح شويه علشان يجيب زاويه اكبر

يعنى مش عارف فايده التصوير دا ايه

2- و دا حاجه انا مستغربها

هو الباب اللى جنب السواق بفتح بمفتاح

طول عمرى اشوف باب السواق فقط هو اللى بيفتح بمفتاح
وواضح من الفيديو ان الباب اللى اتفتح هو الباب اليمين
وواضح برضه انه فتح طبه الباب

مش جاب عتله مثلا و فرق الباب

و دى اكتر حاجه مخليانى مستغرب الموضوع

انا معاكم ان طبعا شكل العيال دى و طريقه تصرفهم تخلينى على طول اقول انهم حراميه

بس انا جه فى دماغى الحاجتين دوول

مش عارف حد لاحظ كده و لا انا غلطان فى تصورى

**د.محمود صلاح** · 28-04-2013 09:16 AM

الفتح كان بمنتهى السهولة .. حاسس ان الفيديو متفبرك او متعمد

**Land_Cruiser** · 28-04-2013 09:55 AM

في الاغلب الحراميه دول معاهم مفتاح مصطنع و عارفين بيت صاحب العربيه و يجوز عندهم معرفه بالعربيه فاللي فتحها ده عارف ان الباب اليمين اسهل في الفتح و خاصه انه كمان متداري لانه مش علي الشارع علشان لو عصلج معاه شويه. بالنسبه للتصوير في منشآت تجاريه كتيره بقت بتحط كاميرات مراقبه بعد انتشار السرقات بحيث تغطي الأسوار و المداخل بعدد قليل من أفراد الامن و في نفس الوقت حمايه ليهم لان اللي بييجي يسرق مخزن او شركه طبيعي انه يعتمد علي عنصر المفاجأه لمهاجمه الامن اول حاجه لكن مع وجود الكاميرات هما بيبقوا بالداخل و بيشوفوا الحراميه فهما اللي بيستعدوا لهم افضل.
السؤال بقي يا تري الفيديوهات دي بيتعمل بيها ايه بعد كده؟ يعني واقعه السرقه متصوره صوت و صوره و الحراميه ظاهرين في الصوره وجوههم واضحه يعني الموضوع مش محتاج مجهود لكن مع الاسف منطق الشرطه اليومين دول بقي غريب جدا زي ما قرأت في احدي المشاركات و بيقولوا ان طالما السرقه لم تتم يبقي سيبوا الحراميه و مش كده و بس دول بيقولوا لصاحب العربيه حتي لو العربيه اتسرقت انه طالما السرقه مش مقترنه بجريمه قتل لحضرتك يبقي احمد ربنا و الفلوس بتروح و تيجي مش مشكله او لو حد كلمك من الحراميه اتفاوض معاهم و نزل مبلغ الفديه علي قد ما تقدر

**baherhassan30** · 28-04-2013 10:35 AM

لا حول ولا قوة إلا بالله العلي العظيم
هو الموضوع بقى سهل كده .. ؟
يا رب ارحمنا من الحرامية ومعدومي الضمير
انا بس ليا استفسار بسيط
هو بعد كمية السرقات اللي بتحصل دي الناس لسه فاكرة ان كل العربيات هتتسرق إلا عربياتها؟؟
يعني عربية موديل قديم زي دي .. انذار ب 200 جنية + مفتاح فصل كهرباء ..
وتبقى قابلني لو حد فكر يسرقها

**hugan** · 28-04-2013 05:58 PM

الفيديو متصور في اسكندريه
معظم العربيات القديمه بتتفتح باي مفتاح عادي
والعربيه بتدور بعد كسر فيبره الكونتاكت بسهوله
الكاميرا في الغالب من كاميرات وزاره الداخليه بتاعت مراقبه حركه الشوارع والمرور