الموضوع: نصيحتكم عن السبارك,,,

انا صاحبي معاه العربية من اربع شهور وعامله 13 الف كيلو لغاية دلوقتي وانا بسوقها بصفة مستمرة وملاحظاتي كالتالي:

-العربية سعرها دلوقتي 52 الف

-الكماليات تكييف ,بور,سنتر,2زجاج كهرباء,كاسيت وسماعتين (اي كلام),فتح شنطة وتنك من الداخل,مساحة خلفية,مرايات بلون العربية

-محرك 1000 سي سي 65 حصان 91 نيوتن متر

-سحب المحرك جميل جدا انا جبت ال 100 في 13.6 ثانية
مع العلم ان كان في 4اشخاص في العربية (اوزان خفيفة)

- العزل متوسط

-التكييف قوي جدا لو بتجري انما لو في زحمة بيبقي عادي معرفش ليه

-التكييف بياثر علي السحب بس مش تاثير جامد

-العربية خفيفة جدا في الملفات بس ثبات حلو لغاية 120 او 130 حسب الطريق

-انا جبت بيها 150 بس كنت حاسس ان الموتور هيولع فيا
طبعا كانت خفيفة جدا

-الوسع الداخلي معقول بالنسبة لحجمها الخارجي

-موفرة جدا في البنزين (بالرغم من ان استهلاكها اعلي من الفئة بتاعتها بيكانتو ,اي تن ,التو ,......) بس الفرق مش جامد اوي

-دبرياج سلس جدا والفتيس ناعم ومفهوش عضة

هو ده اللي انا فاكرة دلوقتي لو في اي استفسار انا تحت امرك