التكيف ... هواء ضعيف ...... مروحة بتفصل على السرعة الرابعة

**kahk2008** · 28-04-2013 06:06 PM

المشاركة الأصلية كتبت بواسطة ehabahmed0

بالنسبه لضعف الهوا ممكن يكون الفلتر او ممكن تكون الهوايات فيها حاجه سداها لو بتعرف تفك الفلتر وبكمبروسور هوا ونضفه وبص ف الهوايات كويس
بالنسبه للسرعات بصراحه معرفش بس حاول تجيب منظف الكترونيان ب 15 جنيه وترش ع الموصلات اللي ورا البكره بعد ماتشيل الوش
كان بيحصل معايا ان زرار الزجاج بيعلق ونضفته بالمنظف ده
وتقبل تحياتي

نا فعلا كده ناوى اغير الفلتر ده وممكن تكون الهوايات برده هى كمان عايزة تتغير ....... وانا جربت انى انظف البكرة بتاعت السرعات دى من جوه ب wd40 بس للاسف برده مفيش جديد

**kahk2008** · 28-04-2013 06:09 PM

المشاركة الأصلية كتبت بواسطة ghamry

أعتقد إن ده relay بتاع المروحه بيشغل المروحه بسرعات مختلفه مثل بتاع مروحه التبريد وده عباره عن كونتكات داخل relay ممكن تنظيفها أو تغير الريلاى بس بتاع مروحه التبريد سرعتين فقط أى إتنين كونتاكت ودى إن شاء الله تتعرف عند كهربائى بيفهم

المشاركة الأصلية كتبت بواسطة mohammedaladel

نظف فلتر التكييف

أما عن السرعة الرابعة اللى مش شغالة ... ملهاش دعوى بفلتر التكييف بتاتا (حلوة بتاتا دى )

ممكن يكون ريلاى فعلا عايز يتغير

هو ايه هو ال ريلاى ده ( سورى يا جماعة انا ابيض فى المواضيع دى )

مكانه فين ووظيفته ؟؟ وتغيره سهل ولا حكاية

**kahk2008** · 28-04-2013 06:13 PM

المشاركة الأصلية كتبت بواسطة moabany

كان عندي نفس موضوع السرعات وطلعت مقاومة مروحة البلاور
عايزة تتغير
ضعف الهوا يا اما مروحة البلاور ضعيفة
او ممكن زرار الريسايكل بيعلق
او الفلتر مسدود زي ما الاخوة الافاضل افادوا

مروحة البلاور اللى هى مروحة التكييف ؟؟

وايه هو الريسايكل ؟؟؟

**Moabany** · 29-04-2013 10:55 AM

المشاركة الأصلية كتبت بواسطة kahk2008

مروحة البلاور اللى هى مروحة التكييف ؟؟

وايه هو الريسايكل ؟؟؟

مروحة البلاور هي المسؤلة عن دخول الهواء الساقع او السخن للسيارة
الريسايكل هو زرار يجيب هواء من خارج او داخل السيارة للتكييف

**MohammedAladel** · 29-04-2013 07:29 PM

بالنسبة للريسايكل ... لو عندك تكييف بكر مثلا فيه بكرة بتلفها على اليمين مثلا بتخلى الهواء يتدور جوا العربية بمعنى إن المروحة بتسحب الهواء اللى جوا العربية وتدفعه عليك تانى

النظام التانى لما تلف البكرة الناحية الشمال مثلا يعنى ..... بيخلى العربية تسحب هواء من برا تدخله جوا العربية

طيب أمتى تستخدم نظام تدوير الهواء جوا العربية ؟؟

لما تكون فى منطقة غبار أو فيه دخان أو فيه تراب غير كدا المفروض تشغل نظام سحب الهواء من الخارج عشان تخفف الحمل على المروحة

خد بالك فى الحر دا قبل ما تشغل التكييف طبعا هتفتح الزجاج وتمشى بالعربية شوية كدا تتهوى وتغير الهواء اللى جواها

بعدين تشغل التكييف

خد بالك لو انت عايز توصل لدرجة برودة أعلى فى وقت أقصر

ممكن تشغل التكييف شوية على نظام سحب الهواء من الخارج

بعدين تعكس البكرة على نظام تدوير الهواء

العربية هتسقع بسرعة أكبر بعدين ترجع البكرة تانى للوضع الطبيعى اللى هو سحب الهواء من الخارج للداخل