السلام عليكم
كيف الحال أخوانى يارب يكون كله تمام
كما بالعنوان عندى مشكلة فى التكيف وهى
1- الهواء اللى بيخرج من الهوايات ضعيف بشكل ملحوظ جدا مش عارف ده عيب (خبرتى ضعيفة جدا :) )
2- فى بكرة الهواء مش شغال فيها غير السرعة الثانية والثالثة فقط الاولى والرابعة مش شغالين خالص ؟؟ برده ده عيب ايه ؟؟
روح كوول اير
بجسر السويس خلف سوق القنال الدولى
26202455
اسال عن هيثم او م ايمن
وان شاء الله تلاقى عندهم الحل
طيب اروح المكات ده من موقف العاشر اقرب ولا من العباسية ؟؟ لانى من بنها
انا كنت بشك انى فى فيوز مثلا او عملية تنظيف للبكرة بشكل معين ..... شكله كده هابطلع حوار
لو عنده سابق تجربة ياريت يقول يا جماعة يبقى جزاكم الله خيرا
بص يا باشا .. لازم تغير فلتر التكييف وده بيعمل حوالي 60 جنيه
انا كان التكييف عندي مخنوق وبييطلع ريحه كمكمه وتراب لما باشغله علي مود ان الهوا يجي من بره .. ولما غيرت الفلتر اتظبط . وعل فكره الفلتر كان تقريبا تايلاندي وانا اللي ركبته لان سهل جدا بيركب في مكانه قريب من المساحات
بالنسبه لضعف الهوا ممكن يكون الفلتر او ممكن تكون الهوايات فيها حاجه سداها لو بتعرف تفك الفلتر وبكمبروسور هوا ونضفه وبص ف الهوايات كويساقتباس:
المشاركة الأصلية كتبت بواسطة kahk2008
بالنسبه للسرعات بصراحه معرفش بس حاول تجيب منظف الكترونيان ب 15 جنيه وترش ع الموصلات اللي ورا البكره بعد ماتشيل الوش
كان بيحصل معايا ان زرار الزجاج بيعلق ونضفته بالمنظف ده
وتقبل تحياتي
أعتقد إن ده relay بتاع المروحه بيشغل المروحه بسرعات مختلفه مثل بتاع مروحه التبريد وده عباره عن كونتكات داخل relay ممكن تنظيفها أو تغير الريلاى بس بتاع مروحه التبريد سرعتين فقط أى إتنين كونتاكت ودى إن شاء الله تتعرف عند كهربائى بيفهم
نظف فلتر التكييف
أما عن السرعة الرابعة اللى مش شغالة ... ملهاش دعوى بفلتر التكييف بتاتا (حلوة بتاتا دى )
ممكن يكون ريلاى فعلا عايز يتغير
كان عندي نفس موضوع السرعات وطلعت مقاومة مروحة البلاور
عايزة تتغير
ضعف الهوا يا اما مروحة البلاور ضعيفة
او ممكن زرار الريسايكل بيعلق
او الفلتر مسدود زي ما الاخوة الافاضل افادوا
الف شكر ياباشا على الرد وفعلا فكرة كويسة فكرة تغيير الفلتر اعتقد انها هاتحسن الاداء بس هو كهربائى ولا واحد بتاع تكييف اللى بيغيرهاقتباس:
المشاركة الأصلية كتبت بواسطة medosalah
نا فعلا كده ناوى اغير الفلتر ده وممكن تكون الهوايات برده هى كمان عايزة تتغير ....... وانا جربت انى انظف البكرة بتاعت السرعات دى من جوه ب wd40 بس للاسف برده مفيش جديداقتباس:
المشاركة الأصلية كتبت بواسطة ehabahmed0
اقتباس:
المشاركة الأصلية كتبت بواسطة ghamry
هو ايه هو ال ريلاى ده ( سورى يا جماعة انا ابيض فى المواضيع دى )اقتباس:
المشاركة الأصلية كتبت بواسطة mohammedaladel
مكانه فين ووظيفته ؟؟ وتغيره سهل ولا حكاية
مروحة البلاور اللى هى مروحة التكييف ؟؟اقتباس:
المشاركة الأصلية كتبت بواسطة moabany
وايه هو الريسايكل ؟؟؟
مروحة البلاور هي المسؤلة عن دخول الهواء الساقع او السخن للسيارةاقتباس:
المشاركة الأصلية كتبت بواسطة kahk2008
الريسايكل هو زرار يجيب هواء من خارج او داخل السيارة للتكييف
بالنسبة للريسايكل ... لو عندك تكييف بكر مثلا فيه بكرة بتلفها على اليمين مثلا بتخلى الهواء يتدور جوا العربية بمعنى إن المروحة بتسحب الهواء اللى جوا العربية وتدفعه عليك تانى
النظام التانى لما تلف البكرة الناحية الشمال مثلا يعنى ..... بيخلى العربية تسحب هواء من برا تدخله جوا العربية
طيب أمتى تستخدم نظام تدوير الهواء جوا العربية ؟؟
لما تكون فى منطقة غبار أو فيه دخان أو فيه تراب غير كدا المفروض تشغل نظام سحب الهواء من الخارج عشان تخفف الحمل على المروحة
خد بالك فى الحر دا قبل ما تشغل التكييف طبعا هتفتح الزجاج وتمشى بالعربية شوية كدا تتهوى وتغير الهواء اللى جواها
بعدين تشغل التكييف
خد بالك لو انت عايز توصل لدرجة برودة أعلى فى وقت أقصر
ممكن تشغل التكييف شوية على نظام سحب الهواء من الخارج
بعدين تعكس البكرة على نظام تدوير الهواء
العربية هتسقع بسرعة أكبر بعدين ترجع البكرة تانى للوضع الطبيعى اللى هو سحب الهواء من الخارج للداخل