سؤال لأصحاب الألنترا وخاصة الفاضل حسام منير

أشتريت ال ألنترا 2007 أتوماتيك وكنت جايب معايا cd ,mps drive وعايز أركبه مكان الكاسيت ممكن أركبه فين لازم عند نوارة و عنوانه فين و لا ممكن أركبة في كارتك وهل تركيبه له صله بالضمان أرجو إفادتي بسرعة و لكم جزيل الشكر

بص يا سيدى ...

أولاً ... ألف مبروك العربية ...وربنا يباركلك فيها ...

ثانياً ... أنا عن نفسي أشتريت بناءاً ... على نصيحة الباشمهندس كريم منير جهاز ال CD , MP3 ماركة ALPINE ... والحقيقة طلع جهاز تحفة مع أنه غالي شوية :cry: :cry: ( ربنا يباركلك يا كريم) :wink: :wink: ... وركبته عند السنتر اللي أشتريته منه ... بس كنت واقف فوق دماغ الفني وهو بيركب لدرجة خليته يحط على المفكات اللي شغال بيها شريط لحام كنوع من العزل ... علشان ما فيش حاجة تتجرح ... (حبه حسوكة) ... المهم ... و راعيت أن الكاسيت الأوريجنال بتاع العربية يبقى هو الماستر ... يعني يفضل التحكم منه ... بدون ما ألغية ... ورحت بعد كدة التوكيل علشان صيانة الألف ... وما حدش فتح بقة معايا فى الموضوع ده مع أني تعمدت أسيب الوش بتاعة راكب ... وما رضيتش افكة ... لكن لما سئلت هناك ... وعملت فيها مش فاهم حاجة ... قالولي يا أما تركب عندنا ( فى قسم الكهرباء) يا أما عند عشم نوار ... وده فى شارع دمشق بمصر الجديدة - قريب من روكسي ووممكن أشرح العنوان لسيادتك بالتفصيل الممل لو حبيت - وده أشهر شارع لقطع غيار السيارات فى مصر الجديدة ... وده تخصص الهيونداي ( كاسيت وسنتر وإنذار ووحدات رفع ...) وقالولي أيضاً ... أن ممكن الضمان بتاع الكهرباء يتلغي ... المهم أنا ما هتمتش بالكلام ده ... لأني كنت ركبت فعلاً ...وختمولي الضمان عادى جداً ... من غير أى مشكلة ... ( على فكرة أن عملت الصيانة فى فرع قليوب)

تحياتي للجميع ...

م/ حسام منير

ملحوظة : أستاذ / معتز سليم ... ممكن النقل إلى قسم الهيونداي ...

ألف شكر علي الرد السريع و دائما جاهز لك ألف شكر مرة أخري

انا سألت عند عشم نواره قالى مش هالعب فى العربيه لو عاوز MP3 يبقى خد من الى عندى و لازم يكون JVC طبعا علشان تبقى نفس الفيشه
انا شخصيا كان عندى واحد SONY رحت ركبته عند السجان و بعد ما فكينا اكتشفت ان الفيشه واحده للماركتين فا ما اضطريتش افك حاجة بس يادوب ده مكان ده


و شكرا