انا قرفت م الفيليشيا حد يساعدنى

**medo_msa** · 27-04-2013 01:08 AM

السلام عليكم ..انا بجد العربيه قرفتنى وكرهتنى فى حياتى كلها انا اشتريت العربيه من سنه تقريبا وعملتلها عمره كامله ماتور من حوالى شهرين وقعدت بعد العمره اظبط فيها عشان تمشى زي الناس مفيش فايده علطول الشكمان مطلع هبااااااااااااااب اسود ع الارض وريحه بنزين جامده وسحب العربيه تقيل اوي والمكنه بترشح زيت من تحت مش عارف منين بالظبط وغيرتلها زيت الاسبوع الى فات وجبت زيت شل الاصفر الكويتى وبعدها لقيت طحينه ع الغطا والنهارده الاسبراتير بيسقف وعماله تفرقع وغلبت معاها كل شويه عند ميكانيكى وفكيت الكربرتير وظبطه اكتر من مره ...وصوت الماتور كانه جرار مش عربيه بجد قرفت منها ومبقتش عارف اعمل فيها ايه تانى وبفكر ابيعها واخلص

**Karim Ibiza** · 27-04-2013 01:45 AM

ياباشا المواتير دى مش بتتعمر ولو اتعمرت مش هتتظبط
ثمن الموتور الاستيراد = تكلفة العمرة

**AhMeD MeTwAlY** · 27-04-2013 01:55 AM

المشاركة الأصلية كتبت بواسطة karim ibiza

ياباشا المواتير دى مش بتتعمر ولو اتعمرت مش هتتظبط
ثمن الموتور الاستيراد = تكلفة العمرة

لا لا لا لا لا لا لا لا لا لا لا لا دا انا معمر الفليشيا بتعتي مرتين وكانت بسم الله ما شاء الله بتحط علي عربيات كتير كوري وياباني "الله يرحمك يا غاليه" وكنت عايز اجري مع سيات ابيزا موديل 97 او 98 بس سمعت انها مسقطه موتور مش عارف كام حصان قولت اسيبه يجري برحته بالاسطبل الي حطه تحت الكبوت وانا اربي في الحمارين الي عندي احسن
بالنسبه للعربيه

بص سعتك هتروح علي حد بيفهم في الفليشيا يظبط تكيهات ويظبط كهربه الاسبراتير ويظبط الكربرتير وكل سنه وانت طيب ولو اتظبطو صح اتحدي ان العربيه دي تعمل معاك حاجه تانيه
يا معالي الباشا انا عربيتي كنت ظابطها علي لمسة البنزين كنت بطلع بيها علي التاني ومكنتش بسمع تسقيف

**adiaa222** · 27-04-2013 08:20 AM

من الاخر غير الميكانيكى بحد فاهم فى الفليشيا

**medo_msa** · 27-04-2013 08:56 AM

طيب الطحينه الى ع الغطا دي الوش ضرب ولا ممككن حاجه تانيه ؟؟؟ ولو حد يعرف ميكانيكى ف المنصوره او اي حته قريبه منها يدلنى عليه

**sakr_skoda** · 27-04-2013 09:55 AM

المشاركة الأصلية كتبت بواسطة medo_msa

السلام عليكم ..انا بجد العربيه قرفتنى وكرهتنى فى حياتى كلها انا اشتريت العربيه من سنه تقريبا وعملتلها عمره كامله ماتور من حوالى شهرين وقعدت بعد العمره اظبط فيها عشان تمشى زي الناس مفيش فايده علطول الشكمان مطلع هبااااااااااااااب اسود ع الارض وريحه بنزين جامده وسحب العربيه تقيل اوي والمكنه بترشح زيت من تحت مش عارف منين بالظبط وغيرتلها زيت الاسبوع الى فات وجبت زيت شل الاصفر الكويتى وبعدها لقيت طحينه ع الغطا والنهارده الاسبراتير بيسقف وعماله تفرقع وغلبت معاها كل شويه عند ميكانيكى وفكيت الكربرتير وظبطه اكتر من مره ...وصوت الماتور كانه جرار مش عربيه بجد قرفت منها ومبقتش عارف اعمل فيها ايه تانى وبفكر ابيعها واخلص

ميدو موضوعك بسيط والحل سهل بعون الله بس انا عاتب عليك شارى فليشيتك من سنة وجاى تشتكى النهاردا طيب ليه مقولتلناش على المشاكل فى بدايتها كنا حنساعدك ونعلمك تعمل حاجتك بنفسك بص كدا على الموضوعات فى التثبيت الشروحات ومكتبة الفيديو وكل ما يخص الفليشيا حتتعلم تعمل وتحل مشاكلك بنفسك....

المشكلة الأولى:هباب من الشكمان::: حلها تظبيط الهوا بتاع العربية وتنظيف الكاربرتير....*

المشكلة الثانية : ريحة البنزين تدل على توقف احد شموع الاحتراق (البوجيهات) على فكرة لو مركبها من اسبوع تعمل كدا لأن المضروب مالى السوق....*

المشكلة الثالثة : سحب العربية زفت مهو من توقف احد شموع الاحتراق وتتوقف مش شرط تلف الشمعة ممكن تكون الوصلات وممكن تكون خطء فى تقسيمة الاسبرتير....

المشكلة الرابعة : طحينة على غطاء الزيت !!للأسف حضرتك غيرت زيت مضروب بردو لأن شل الأصفر فى ناس كتيرة اشتكت منه اليومين دولا يبدو ان الضمير المصرى قد مات وانا لله وانا اليه راجعون....

المشكلة الخامسة : ترشيح زيت اسفل السيارة ممكن يكون اربع حاجات يعملو المشكلة دى

1- غكاء وش التاكيهات حرق علية شوية....

2-غطاء وش الكستبينات اللى فوق فلتر الزيت شكلة بيضوى ممكن تكون المسامير مهوية وممكن يكون الجلد متأكل....

3- اولسية الكارنك دا لو الزيت جاى من تحت طنمبورة السير اللى فى الموتور....

4- ودا اللى انا اشاكك فيها 90 % كارتيرة الزيت ودى بتتربط بحوالى 12 مسمار 10 حرق عليهم واحد واحد حتلاقيهم مهويين....*

اخيرا ياريت تتعلم تعمل حاجتك بنفسك لأنك للاسف بتتعامل مع حمار بتاع كارو مش ميكانيكى محترم....*

http://www.nilemotors.net/Nile/338070-a.html

http://www.nilemotors.net/Nile/339710-a.html

http://www.nilemotors.net/Nile/328852-a.html

**المنسي** · 27-04-2013 03:46 PM

المشاركة الأصلية كتبت بواسطة medo_msa

السلام عليكم ..انا بجد العربيه قرفتنى وكرهتنى فى حياتى كلها انا اشتريت العربيه من سنه تقريبا وعملتلها عمره كامله ماتور من حوالى شهرين وقعدت بعد العمره اظبط فيها عشان تمشى زي الناس مفيش فايده علطول الشكمان مطلع هبااااااااااااااب اسود ع الارض وريحه بنزين جامده وسحب العربيه تقيل اوي والمكنه بترشح زيت من تحت مش عارف منين بالظبط وغيرتلها زيت الاسبوع الى فات وجبت زيت شل الاصفر الكويتى وبعدها لقيت طحينه ع الغطا والنهارده الاسبراتير بيسقف وعماله تفرقع وغلبت معاها كل شويه عند ميكانيكى وفكيت الكربرتير وظبطه اكتر من مره ...وصوت الماتور كانه جرار مش عربيه بجد قرفت منها ومبقتش عارف اعمل فيها ايه تانى وبفكر ابيعها واخلص

واحدة واحدة ونحل مشكلة مشكلة
1- الشكمان مطلع هباب اسود وريحة بنزين جامدة
الحل : ظبط الكربراتير "هواء وبنزين"
2- سحب العربية تقيل اوى
الحل : راجع على البوجيهات وراجع على التاكيهات
3- المكنة بترشح زيت من تحت مش عارف منين بالظبط
الحل : اغسل الحوض بالجاز وبعدين شوف الزيت بيرشح منين
4- غيرتلها زيت شل الاصفر الكويتى
الحل : اولا انا اول مرة اسمع عن الزيت ده ياريت تنزله وتحط شل الاصفر اللى بيتباع فى بنزينة شل
5- طحينة على الغطا
الحل : ارفع مقياس الزيت وشوفه هل عليه طحينة هو كمان ولا لا لو عليه يبقى انت كده بداية جوان هتجيب حاجة اسمها Junk Block Seal ودى عم صبحى هيشرحلك تفاصيلها بالظبط
6- الاسبراتير بيسقف وعمالة تفرقع
الحل : بوجيهات ngk ومراجعة التقسيمة
7- صوت الموتور كانه جرار
الحل : سير الكاتينة لو متغيرش ممكن تغيره بس مش دلوقتى اعمل الشغل اللى فات كله وبعدين نحكم على صوت الموتور

لو مش عايز العربية ونفسك قافلة منها بيعها بس لو عملت الحاجات اللى انا قلت عليها عند ميكانكى بيفهم هتحب العربية

-

-

الموضوع: انا قرفت م الفيليشيا حد يساعدنى

LinkBack

أدوات الموضوع

عرض

-

-

-

المواضيع المتشابهه

عاجل و مهم لأصحاب الفيليشيا فقط حل مشكلة الفيليشيا نهائيا

انا قرفت

انا قرفت من السواقة فى مصر كدة تهريج ربنا معانا بجد حدث فى مثل هذا اليوم

يا جماعة انا قرفت من العربية 127

انا خلاص قرفت ومش هعتبها تاني

الكلمات الدلالية لهذا الموضوع

المفضلات

المفضلات

ضوابط المشاركة