جدول صيانة اللانسر 1600 مانيوال 2007

**aesaad** · 01-07-2007 10:07 AM

ياترى ممكن حد يجاوب على التساؤلات التالية :

1- أنا جبت لانسر 1600 مانيوال "بضمان الوكيل مصرية مش خليجى" وكملت بيها الألف كيلو الأولى، ولكن مضطر للسفر قبل صيانة الألف، هل لو كملت بيها لغاية 1500 كيلو قبل الصيانة الأولى هايكون فيه أى مشاكل؟

2- إيه التحذيرات الخاصة بالفترة الأولى من إستخدام العربية بخصوص تشغيل التكييف وأقصى سرعة والنقل عند RPM كام لكل غيار؟

3- محتاج أعرف جدول الصيانة الدورية وإيه اللى بيتغير فى كل مرة وتكلفة الصيانة كام تقريباً فى كل مرة؟

4- معدل إستهلاك البنزين لو 92 تقريباً المفروض يكون كام فى الطرق الطوالى بالتحديد؟

5- ضبط الكاوتش المفروض يكون كام بالضبط، لأن فيه ناس بتقولى 30 وناس بتقول 28 ومش عارف أيهما أصح؟

ياريت لو حد يجاوبنى وأكون شاكر جداً.

م/أشرف

**Dr Ahmed** · 01-07-2007 03:15 PM

السؤال 1 - تأخير تغيير الزيت أول مرة إهانة للمحرك ، غير الزيت والفلتر فى أقرب مكان إذا كان الذهاب للتوكيل هيعطلك.
السؤال 2: التحذيرات هى هى على طول: ابدأ بتشغيل التكييف على 1 ثم 2 ثم 3 ولا تبدأ من 2 أو 3 ،أقصى سرعة خلاص عندك بقت مفتوحة ، النقل عند 3 ر ب م
السؤال 4: تقريبا 17-18 كم لكل لتر بدون التكييف.

السؤالين 3 ، 5 اجابتهم فى الكاتالوج بالتفصيل بدون التكلفة طبعا.

**aesaad** · 01-07-2007 04:05 PM

متشكر جداً يا دكتور أحمد على الرد السريع الشامل، ياترى هل ممكن تدلنى على أفضل مكان أشترى منه غطا للعربية وفرش ودواسات بس تكون حاجات كويسة ومكان محترم؟

**Dr Ahmed** · 01-07-2007 04:23 PM

بالنسبة للغطاء يوجد محل على طريق مصر اسكندرية بعد كوبرى قليوب وانت متجه للأسكندرية هيكون على يمينك ، مش فاكر أسمه ، هو بعد (حسن صامولة) المشهور للمكن، ودا عنده كل ما يمكن من غطاء السيارات..
بخصوص الفرش والدواسات أنصحك بتفصيل كسوة جلد لو لم تكن موجودة وأرضية جلد أيضا ودواسات ذات شكل الطبق (جوانبها مرفوعة) لسهولة التنظيف ، المكان : أنا فى بنها ولا أعلم مكان مميز فى القاهرة ، ربما يفيدك باقى الأعضاء بخصوص المكان..

**aesaad** · 01-07-2007 04:28 PM

أشكرك مرة تانية يا دكتور أحمد واتمنى حد يفيدنى بخصوص الموضوع ده لأنى برضه مش من القاهرة، أنا سمعت عن مكان إسمه Spare Car ياترى حد سمع عنه؟ وإيه اللى ممكن ألاقيه عنده من احتياجاتى؟