الموضوع: عايز اشد العربيه وهغير حاجات كتيير فعايز اعرف سعرها

المشاركة الأصلية كتبت بواسطة shaddadfalcon1

السلام عليكم

في ظل ارتفاع الأسعار الجنوني لقيت ان انسب حل اني اشد عربيتي واعيش خياتي بيها

العربيه فيها شوية بارومه في الأبواب والسقف من الجناب كده وانا طنشت خالص لحد مابقت عامله خروم في السقف من عند القزاز اللي قدام وبدخل مياه في الشتا جوه العربيه

المهم دلوقتي العربيه موديل 99 والموتور ماشي 230 الف وغيرتله وش سيلندر من حوالي سنه او اقل بس مش مبسوط من الأداء برده مش عشان الموتور لكن عشان الانوس عموما او عشان 83 حصان
والتكييف مطلع عين اهلي ورمضان اللي فات شيكت علي كل حاجه وكان الكمبروسيور بايظ وغيرته وبعدها بشهر التكييف فصل ولسه هشوف حكايته ايه

المهم :

انا هغير ال 4 ابواب عشان اريح دماعي فعايز اعرف سعرها ولو يبقي معاهم الفرش والمرايات والقزاز وكل حاجه ولا فاضيين خالص

ثانيا: عايز اعير الأكصدام اللي ورا عشان مشروخ واتلحم كذا مره واتكسر: فعايز اعرف سعره جديد او استيراد والأحسن ايه
نفس الحوار بالنسبه للأكصدام الامامي

بفكر بقي بالمره اغير الموتور واجيب واحد 1500 2 كامه او 1600 ياريت اعرف الفرق بينهم ايه وايه الأحسن وسعرها كام واجيبهم بالفتيس ولا لآ والسعر بيبقي كام برده بالفتيس
وهل سهل اثبته علي الرخصه؟ مع العلم ان رخصة العربيه منتهيه بقالها 10 شهور ومكنتش اعرف لاني كنت فاكر اني مرخصها سنتين وعمري ماطللعت الرخصه من المحفظه فبفكر اعملها بالمره

وهل سهل اني اثبت الموتور بعدين ولا لازم فحص وترخيص تاني؟

اخر حاجه بقي: تعديل الفرامل بيكلف كام ؟

وطبعا بعد كل ده هرش العربيه كلها

[color="rgb(255, 140, 0)"]الامامي قشرة فقط ب 150 جم بدون وشاش الفوجات
الخلفي قشرة فقط ب 120 جم [/color]


متغييرش الموتور الا بعد ميكون معاك رخصة سارية علشان مشكلة شهادة البيانات


تعديل الفرامل
طنابير ب 320جم
كاليبرات 200 جم
تيل امامي 175 جم
جنبين خلفي 450 جم

وطبعاً طقم جنوط 14 بوصه 450 جم
طقم كاوتش 14 ب 1760 جم

استاذ طارق: يعني ايه اكصدام قشره فقط ؟


يعني الفبر فقط لان مسطلح اكصدام بيطلق علي الفبر والفوم الي خلفه والشاسيه الحديد
يعني الاكصدام ثلاثة قطع والي بيبوظ غالباً القشرة الفبر فقط