يا ترى حد جرب كاوتش مقاس 15-60-205 على النترا hd

**Walid_M** · 27-04-2013 12:15 PM

الإخوة الأعزاء ....... بعد التحية

سؤالي بخصوص النترا HD

مقاس الكاوتش اللي نزلت بيه 15-65-185
وبره نزلت بالمقاس 15-65-195
وفيه كمان المقاس 16-55-205
ودول كلهم موجودين على التكيت اللي في القائم بتاع السواق ....

السؤال بقى ؟؟

لو ركبنا المقاس 15-60-205 هل حيبقى كويس ؟

طيب لو اتكلمنا على الارتفاع :

احنا عارفين ان البوصة = 25.4 ملليمتر .

يبقى ارتفاع الكاوتش ال 15-65-185 = ( 185 × 65% ) + { ( 25.4×15 ) ÷ 2 }
= 120.25 + 190.5 = 310.75 مللي

وارتفاع الكاوتش ال 15-65-195 = ( 195 × 65% ) + { ( 25.4×15 ) ÷ 2 }
= 126.75 + 190.5 = 317.25 مللي

وارتفاع الكاوتش ال 16-55-205 = ( 205 × 55% ) + { ( 25.4×16 ) ÷ 2 }
= 112.75 + 203.2 = 315.95 مللي

نيجي بقى لارتفاع الكاوتش اللي بنسأل عليه حيكون كالتالي :
مقاس الفردة ...... 15-60-205 = ( 205 × 60% ) + { ( 25.4 ×15 ) ÷ 2 }
= 123 + 190.5 = 313.5 مللي

نلاحظ الفروق طفيفة وغير ملحوظة في الارتفاع !!!

طيب الثبات المفروض إنه حيزيد , وكمان الفرامل !!!

هل عداد السرعة حيتاثر ؟
والعفشة هل حتنشف ؟

محتاجين نتشاور في الحكاية دي !!!

تحياتي

**ayman2** · 27-04-2013 01:58 PM

المشاركة الأصلية كتبت بواسطة Walid_M

الإخوة الأعزاء ....... بعد التحية

سؤالي بخصوص النترا HD

مقاس الكاوتش اللي نزلت بيه 15-65-185
وبره نزلت بالمقاس 15-65-195
وفيه كمان المقاس 16-55-205
ودول كلهم موجودين على التكيت اللي في القائم بتاع السواق ....

السؤال بقى ؟؟

لو ركبنا المقاس 15-60-205 هل حيبقى كويس ؟

طيب لو اتكلمنا على الارتفاع :

احنا عارفين ان البوصة = 25.4 ملليمتر .

يبقى ارتفاع الكاوتش ال 15-65-185 = ( 185 × 65% ) + { ( 25.4×15 ) ÷ 2 }
= 120.25 + 190.5 = 310.75 مللي

وارتفاع الكاوتش ال 15-65-195 = ( 195 × 65% ) + { ( 25.4×15 ) ÷ 2 }
= 126.75 + 190.5 = 317.25 مللي

وارتفاع الكاوتش ال 16-55-205 = ( 205 × 55% ) + { ( 25.4×16 ) ÷ 2 }
= 112.75 + 203.2 = 315.95 مللي

نيجي بقى لارتفاع الكاوتش اللي بنسأل عليه حيكون كالتالي :
مقاس الفردة ...... 15-60-205 = ( 205 × 60% ) + { ( 25.4 ×15 ) ÷ 2 }
= 123 + 190.5 = 313.5 مللي

نلاحظ الفروق طفيفة وغير ملحوظة في الارتفاع !!!

طيب الثبات المفروض إنه حيزيد , وكمان الفرامل !!!

هل عداد السرعة حيتاثر ؟
والعفشة هل حتنشف ؟

محتاجين نتشاور في الحكاية دي !!!

تحياتي

الرايط التالى سوف يفيدك كثيرا
Visual Tyre Size Calculator | Kouki Tech

**Walid_M** · 27-04-2013 02:52 PM

المشاركة الأصلية كتبت بواسطة ayman2

الرايط التالى سوف يفيدك كثيرا
visual tyre size calculator | kouki tech

ألف شكر يا فندم على الموقع الجميل ده !!!

من خلال الموقع لو حسبنا على التغيير من الستوك اللي هو 15-65-185 الى 15-60-205
السرعة حتبقى أكثر من العداد ب 0.9 % .

يعني لو العداد قاري 30 ميل / ساعة يبقى الحقيقي 30.3 ميل / ساعة
ولو العداد قاري 60 ميل / ساعة يبقى الحقيقي 60.5 ميل / ساعة

وطبعاً دي نسبة يعني التغير في الفرق موش حيفرق الميل عن الكيلومتر !!!

وكمان نوه الموقع على ضعف التسارع ولكن لم يحدد نسبة لهذا الضعف وإن كنت لا أعتقد إنه حيبقى كثير !!!

مرة أخرى شكراً لحضرتك ...

تحياتي

**ayman2** · 28-04-2013 09:16 AM

الشكر لله وحده وجزاكم الله خيرا

**amz2011** · 28-04-2013 01:02 PM

بص ياباشا 205/60/15 احسن بمراحل و اسال مجرب هيفرق كتير عن 185/65-
15

هيفرق فى الثبات و الفرامل
المهم انه ميحكش فى الرفرف ولا اظن انه يحك عشان 3 ميللى مش مشكله
بص عشان تريح دماغيك
طلع فرده واحده من الكاوتش الامامى فوق رصيف و حود الدريكسيون يمين على الاخر و شمال على الاخر عشان تشوف العرض 3 سم

عشان يبان اذا كان هتحك ولا لأ؟.

**MMamdouh** · 28-04-2013 01:19 PM

لو ركبنا المقاس 15-60-205 هل حيبقى كويس ؟

yes

MMamdouh

**Walid_M** · 28-04-2013 02:02 PM

المشاركة الأصلية كتبت بواسطة mmamdouh

yes

mmamdouh

شكراً يا باشا لاهتمامك !!!

أنا كنت عايز أعرف هل التغيير ده في المقاس حيأثر بالسلب على العفشة وزيادة استهلاك البنزين مثلاً !!!

ولا التغيير هيكون طفيف ؟

تحياتي

**MMamdouh** · 29-04-2013 01:21 PM

بص.... كبداية لازم نتفق ان مفيش حاجة فى الدنيا ليها ميزات بدون عيوب... الفكرة كلها هل الميزات اكتر او اكبر او اهم من العيوب ولا لا

تركيب كاوتش اعرض له عيبين... الاول هو زيادة فى استهلاك البنزين نتيجة زيادة الrolling resistance و التانى هو ثقل فى الدركسيون نتيجة زيادة مساحة الكاوتش اللى ماسكة فى الارض

طبعا فى حالتك احنا بنتكلم فى 2 سنتى فقط لاغير (من 185 الى 205) فا الفروق دى مش مؤثرة للدرجة اللى تخللينا نخاف او نقلق.. فرق استهلاك البنزين هيبقى قليل جدا يكاد يكون معدوم و انا اعرف ان الالنترا الباور بتاعها خفيف اساسا فا زيادة العرض مش هتاثر تاثير كبير يزعجك دا بفرض انك حسيت بيه اساسا

تعالى بقى لفرق الاداء... زيادة العرض هتفرق معاك فى ثبات العربية فى الملفات بشكل كبيرو بعد التغيير هتقدر تدخل الملفات على سرعات اعلى و بثقة اكبر... دقة الدركسيون مش هتختلف لان دى بتختلف لما تركب جنت اكبر و كاوتش ببروفايل اقل لكن بشكل عام تعامل العربية مع الملفات هيبقى افضل بكتير

التغيير دة برضة هيفرق جدا جدا جدا فى الفرامل لان العجل مش هيزحف بسهولة و بالتالى هتقدر تضغط اكتر و اقوى على بدال الفرامل و تلاقى العربية بتفرمل و تقلل من سرعتها و مش بتعمل lock و تزحف... دة برضة هيفرق فى سحبة العربية و مش هيبقى سهل انك تامرك بالعربية فا متفتكرش ان دة بسبب ضعف فى الموتور (ناس اصحابى حصلهم كدة و عربياتهم مبقتش تنتش على التانى فا افتكروا ان المكنة فيها حاجة غلط و دة كان بسبب ان الكاوتش الاعرض مكلبش جامد فى الاسفلت و مش بيتزحلق بسهولة)

طبعا من المنطقى و الطبيعى ان ثبات العربية هيتحسن على المية بشكل كبير و دة هيديك احساس اكبر بالثقة و الامان و انت سايق فى المطر خصوصا لو جابت كاوتش التراكشن بتاعة AA

MMamdouh

-

-

الموضوع: يا ترى حد جرب كاوتش مقاس 15-60-205 على النترا hd

LinkBack

أدوات الموضوع

عرض

يا ترى حد جرب كاوتش مقاس 15-60-205 على النترا hd - انشر الموضوع فى :

-

-

-

-

-

-

المواضيع المتشابهه

يا ترى حد جرب يشتري ميكروويف دايو قبل كده؟

أيهما افضل: مقاس اكبر بوصة + كاوتش طري ولا نفس المقاس + كاوتش رياضي

بدوور على كاوتش 13 بس مقاس 175 او 185 بس على 50 او 45 الاقي المقاسات دي فيين افيدووني

يا ترى حد جرب معدل الاستهلاك لبنزين 95 فى اللوجان

كاوتش مقاس 185/65 مقاس 15 عامل كام؟

الكلمات الدلالية لهذا الموضوع

المفضلات

المفضلات

ضوابط المشاركة