الجو حر والشمس من كل ناحيه بفكر في الستاير بس بتخنقني وخاصة مش بعرف اسوق من غي ما ابص في مراية الصالون
عرض للطباعة
الجو حر والشمس من كل ناحيه بفكر في الستاير بس بتخنقني وخاصة مش بعرف اسوق من غي ما ابص في مراية الصالون
حط ستاير كبس فى الجانبين الخلفيين زائد ستاره عاديه فى الخلف اشيك واخف من الكبس الخلفى وفى الامام حط الستاير الصينى المحروده على قد الشباك الامامى شكرا وبالتوفيق
احسن حل ليك فيم العربية وريح دماغك
جبتهم و شلتهم علشان زيك بالضبط بالليل بتبقي بايخة قوي
مشكلة الستاير انها بتعمل ريحة وحشة في العربية وبتقعد اسابيع لغاية ما تروح
انا اقصد الستاير اللي بتطلع وتنزل مع الزجاج الجانبي والستاير الخلفية اللي ممكن تتحرك
انا مركبهم وقفتني لجنة من فترة ... بيقولي حضرتك مش عارف ان الستاير ممنوعه ... سيادتك دي فيها ٥٠ جنية غرامة وممكن سحب رخص. ... المهم وهو بيكلمني لقيت موتسيكل دليفري معدي زيوو من جنبوا وشوية بصيت لقيت توك توك داخل عكس وميكروباص جمب مني فتح الباب الجرار ومنزل ركاب في نص الشارع (( الحقيقة انا كنت حاسس اني. واقف في سيرك مش في لجنة ولا كاني في ٦ اكتوبر اساساً )) فالراجل الحقيقة بيكلمني وانا مش باصصلوا اساساً انا ساكت جداً وهاااادي ورحت بطرف صوباعي قمت زاقق الستارة بصباعي وقلتلوا هوا فين الستاير دي حضرتك !!! ههههههههه
فعاوز تركب ركب. ياباشا. بس نصيحة متركبش امامي خالص ونهائي. ... انا بصراحة عن نفسي مبحترمش الانسان. الي مفيم عربيتوا بالكامل او حاطط ستاير امامية لانوا بيتشم من كل السواقين الي ماشين جمبوا بسبب انوا بيكسر عليهم ومش شايفهم ولا. واخد بالوا اساساً ان في عربيات جمبوا وتحسها مبقيتش عربية خالص . دي بقيت اووضة نوم ساعتك :) يعني ستاير وكراسي ممكن تتنيم وتبقى سراير ولمبة زرقة وجو رومانسي فاضل ايه غير قزازتين سيفن ههههههه :) ومحدش يقلي الدنيا حر احنا لسه في شهر اربعه ياجماعة مش في اوغسطس :) وتقبلوا تحياتي. { مجرد رأي شخصي }
مش شرط ان كل اللى مفايمين انهم مبيعرفوش يسوقوا بسبب الفاميه , فى ناس بتبقى مش مفايمه وحميرة سواقه , وحضرتك بصيت ليها انها هتبقى اووضة نوم ليه ماقولتش ان معظم الشعب المصرى بقى داخل جوه عربيتك مش مجرد انه ب يبص عليها من بره وخلاصخصوصا لو مركب ديفل او عدة صوت, قمة التطفل والرخامه !!
ياعزيزي مختلفناش ... وانا اول واحد واكتر واحد ببقى مدايق
لمن اكون قاعد في عربيتي مع زوجتي وعيالي وابص الاقي واد مدخل راسوا من الشباك ويقولي فل ياباشا فل يابيه ولا التاني الي مدخل دراعوا. وقال ايه بيبيع مناديل. و والتالته الي مدخله دماغها بريالتها وشعرها المقمل والي كلوا شقرة ولعبها المتطايرة. على وشي وهيا بتقولي والنبي والنبي يا عموا نص جنية
وكلو كوم والموتسيكلات الصيني كوم تاني الي تبص تلاقيه يوقف عدل بينك وبين العربية الي جمبك وانتا في الاشاراة او في عز الزحمة ويقرفك بدخنت شكمانوا وبازعاجوا ... ومش ناقص غير تقولوا ما تيجي تخوش معانا جوا العربية احسن في الدفى هههههههههه
بس رغم كل المساوء دي ... ورغم ان ناس كتيرة مبتعرفش تسوق ... بس الي مفيم عربيتوا. او حاطط ستاير امامية مفيش فرق بينوا وبين الاعمى
https://encrypted-tbn1.gstatic.com/i...T2f1X2hu39jXhN
حتى لو كان شومخر بحد ذاتواااا .. هو مش شايف فازاي نقدر نلوموا
والغريب انهم فاكرين انهم سواقين. وان الحياة زي الفل ومحدش بيشتكي منهم ومن سواقتهم ... لانهم باختصار مش شايفين حد معاهم ماشي في الشارع غيرهم !!!
يكسر على ده. ويخبط ده ويحك في عربيت ده وعاااادي هو مش واخد بالوا ... تيجي تبص على عربيتوا بعد فترة تلاقي عربيتوا متكحرته ومتكحته من كل حته. ... وتيجي تسئلوا ايه ده يقلك من الركنه في حين ان اغلب الحكات دي طول ماهو ماشي عمال يحك في ده وفي داااه
انا عارف انها ايستجمام وعيشة ودنيا تانيه الفامية والستاير الكاملة
http://files2.fatakat.com/2011/12/13243599752218.jpg
لكن صدقني كده العربية مبقيتش عربية كده بقيت فعلاً اوضة نوووم ... ومثير للشبهات
وبعدين السعودية الي هيا السعودية ودرجات الحرارة خمسين. وستين في الظل سمحو. بالفامية كل القزاز ماعدا القزاز الجانبي بتاع السواق والي جنبوا لا ستاير ولا فامية ممنوووووع (( خلفي فقط ))
لكن الي يقولي تكيف وحرارة الشمس. ممكن بمنتهى البساطة يركب فيلم امريكي شفاف عازل للحرارة ويخلي عربيتوا تلاجة في الصيف ... فاسمحولي انا رأيي الشخصي. من الغباء تفيم العربية او تركيب ستاير بالكامل للعربية الاربع شبابيك الا اذا كان عندك ردار وَ طيار آلي في عربيتك ههههه ده شيء اخر ساعتها اقولك اه ركب ستاير او فيم براحتك :)
بس الغريب لغايت دلوقتي مشفتش ولا طيارة في الدنيا كابينت الكابتن بتاع الطيارة مفيم شبابيكها او حاطط فيها ستاير كبس هههههه رغم ان الشمس طاسة في عنيه طول الرحلة. :) وتحياتي .
https://encrypted-tbn2.gstatic.com/i...K7VT135ou2LeDv
اديك انت قلت اللى داخل بدراعه وبريالته وبأرفه , لو هنتكلم من منطلق كلامك يبقى ده مش عيب فاميه ولكن ده عيب الشخص اللى سايق بمعنى تانى ان حضرتك مركب فاميه ومش شايف يبقى قدامك حلين يا تقطع حته من عند المرايا عشان تقدر تبص فى المرايا وطبعا كده انت هتبقى راكب يا توكتوك يا تونايه :d :d , يا اما تنزل ازازك شويه بحيث انك تقدر تبص فى مرايتك الكلام ده كله بيكون بليل انما الصبح الرؤيه بتكون واضحه تماما , وبعدين شوبهات شوبهات انا اصلا بحب الاكشن :d:d
اشتريت طقم 5 طقع للانوس من 8 سنة تقريبا الصيف اللي فات..وللأسف مستفدتش منهم بنكلة لأن الحج بيسوق العربية ومش بيشوف بالليل وكل مرة يقولي متركبش الزفت دا تاني هههههههه
بصراحة انا بردو لما كنت بسوق بالليل مكنتش بشوف منهم خالص أو كنت بشوف بصعوبة أوي..
ممكن بردو تركبهم الصبح وتشيلهم بالليل..بس حوار رخم كل يوم شيل وركب..كمان الستاير أصلا مقرفة في تركيبها وبالذات الكبيرة بتاعة الإزاز الخلفي..
للأسف مفيش حل غير الفاميه بس ربنا معاك لما تقف في لجنه :)
المفروض على الأقل يسمحو بتفييم الإزاز الخلفي زي السعودية كدا على الأقل هتقلل الشمس جامد وتحط ستاير قدام وتبقى تشيلها بالليل مش حوار..بس الحل دا مناسب جدا.
تحياتي للجميع.