هو أنا كنت عايز أناقش الموضوع للإستفادة فقط علشان انا سمعت إن بنزين80 خطر في اللانوس لكن في ناس بيستعملوه ، فعايز أعرف وجهة نظر حضرتك في بنزين 80
معظم اللي استعملوا ال 80 بيقولوا إن مفيش تسقيف يعني مفيش موجة انفجارية عكسية لكن البعض قال إن السحب قل سنة فهل معنى كده إن مفيش ضرر على المتور أو الضرر أقل من فرق السعر بمراحل؟
بمعنى إن المتور كله أنا سمعت إن تمنه 3000 جنيه تقريبا ونتيجة لأن فرق سعر البنزين هي الضعف يعني لو حد مون بنزين ب 3000 جنيه 80 هيكون وفر 3000 جنيه تانية بتاعة فرق ال 80 من ال 90
فهل لما يوصل للمرحلة دي هيكون المتورانتهى تماما ؟ وده اللي ماعتقدهوش علشان كل عربيات الشاهين اللي بيحطوا بنزين 80 والعربية بتعمل احسن تسقيف مع كبس البنزين لكن المتور مش بيتأثر غير بعد عمر طويل
وأنا شايف إن طالما المتور مش بيسقف في الدايو يبقى أكيد يعيش اكتر والفرق هيكون في الصالح فهل الكلام ده صح ؟
( اللي هيجرب بنزين 80 هيكون على مسئوليته أنا من هواة التجارب لكن معنديش استعداد أجرب علشان لو حصل عطل مش هالاقي حد يصلحلي العربية والتوكيل بعيد عليا :hat:)