متهيألي ممكن لو عملنا اسكان للعربية اللي شغالة بال 80 و بعدين نحط 90 ونجرب هيبقى عندنا بيانات اوقع
عرض للطباعة
متهيألي ممكن لو عملنا اسكان للعربية اللي شغالة بال 80 و بعدين نحط 90 ونجرب هيبقى عندنا بيانات اوقع
إمبارح لقيت العربية عداد البنزين نزل شوية يعني ربع، رحت حطيت بنزين 80 وقلت بنجرب، طلعوا 18 لتر، مشيت بالعربية زي الفل مفيش أي تغيير حاسس بيه، يمكن عشان باقي التانك بنزين 90، لكن برضة حواصل المشوار وأهي تجربة يا تنفع وتفيد الناس يا . . . ؟
عربيتي لانوس 1 99، استيراد كوري، 1500 سي سي، مانيوال، عاملة 85ألف ك، شغالة على بنزين 90 من ساعة ما جت من كوريا.
النهاردة بقيت عامل 120 كم بعد ما حطيت 26 لتر 80 على باقى التنك 92، بصراحة مفيش اى فرق غير قلة السحب البسيطة و التكيف شغال اغلب الوقت حتى على مطالع المقطم.
المهم بقىن تعالوا نفكر بصوت عالى.
انا دورت كتير على النت و كله متفق على ان نسبة الأنضغاط فى اللانوس بتكون 9.5، يعنى المفروض بنزين 90 على الأقل و المانيوال مكتوب فى بنزين 87، بصراحة الحكاية دى ليها تفسير من تلاتة فى رأيى:
1 - نسبة الأنضغاط الحقيقية مش 9.5:biggrinjester:
2 - البنزين ال 80 مش مظبوط قوى، يعنى ممكن يكون 83 مثلا لحسن الحظ:party:
3 - يكون السوفت وير بتاع العربية بيعالج حكاية السقيف دى و بيظبها
طبعا الأحتمالات ال 3 دول اجتهادات عنترية مش نابعة من اى خبرة جامدة، بس بجد انا قلقان من الحكاية دى و خايف نكون بنبوظ المواتير و ياريت نحاول نفسر الموضوع ده بأى طريقة.
1- نسبة الانضغاط هى 9.5:1 بالفعل و مينفعش يكون نسبة الانضغاط اقل من كدة فى interference engine ... يعنى لو نسبة الانضغاط اقل من كدة مكانتش اللانوس تجيب صبابات لما الكاتينة تتقطع
2- مقدرش احكم بس الفرق بين 80 و 83 مش كبير اصلا و كدة كدة انت شايل فيشة الاوكتين فا انت ضابط العربية على 91... يمكن يكون الفيشة بتضبط توقيت الاشعال فقط لكن باقى الmanagment مصممة للعمل على اوكتين قليل لحد 83 و بما ان الفرق بين 80 و 83 قليل (بفرض ان ال80 80 بجد مش 83) يبقى الموضوع ممكن
3- اللانوس مفيهاش حساس تسقيف زى النوبيرا لكن طالم هى ممكن تشتغل على بنزين 83 يبقى اكيد معمول حساب الاوكتين القليل
طيب انا جاتلى فكرة ممكن تكون جامدة ليك يا حسام... جرب تعكس السلك بتاع فيشة الاوكتين بحيث تبقى مضبوطة على 83 و ركبها و جرب... يمكن الضبطة دى تعوض فرق السحب اللى حصل معاك و ترجع اداء العربية زى الاول.... حاول تجرب و قوللى ايه النظام
MMamdouh
بص... الفيشة وظيفتها تحديد رقم الاوكتين للكمبوتر... تمام؟
الفيشة دى بتشتغل زى الjumper بتاع الكومبيوتر... حسب الpin المتوصله ببعضها بتحدد انهى درجة اللى انت شغال عليها
بعد ما راجعت سايت دايوتك لقيت واحد كاتب التفصيل:
http://www.daewootech.com/forum/view...?p=88804#88804
باختصار شديد عشان تحدد درجة الاوكتين بتعمل الاتى:
لبنزين 83 بتوصل ال3 PIN
لبنزين 87 بتوصل PIN واحد و اتنين
لبنزين 91 مبتوصلش اى PINs (بتشيل الفيشة)
لبنزين 95 بتوصل PIN اتنين و تلاتة
بعنى انت محتاج توصل التلات PINs ببعض من خلال اضافة سلكة من PIN رقم 1 الى السلكة الموجودة اصلا بين 2 و 3 زى كدة الخط الاحمر اللى فى الرسمة بس اتاكد ان طرف السلك ملامس للPIN اللى فى الفيشة
http://i83.photobucket.com/albums/j3...lbum_pic-4.jpg
MMamdouh
يعنى معنى كده بما اننا بنحط بنزين 92 يبقى المفروض اشيل فيشة الاكتان دى؟؟ ده مش حيقصر على حاجة فى الموتور أو كدة؟؟
أخي محمد هل السيارات الكوري المستوردة بتكون فيها فيشة الأوكتين دي، العربية لانوس 99 ، 1 ، كوري.
واعمل إيه لو عاوز أمشي على بنزين 80 من غير ما يأثر على الموتور هل أوصل بين البينات الثلاثة ، ولا أسيبها على كده، ولا أشيل الفيشة خالص، مع العلم إني كنت بستخدم بنزين 90 من ساعة ما جبتها من الجمارك، لغاية ما قريت الموضوع بتاع بنزين 80 ده وبدأت أجرب أحط 80، ومش حاسس لغاية دلوقتي بأي فرق ولا صوت تسقيف في الموتور ولا حاجة
انا مش عارف الكورى فيها ولا لا بس طبعا سهل انك تعرف
لو ناوى تحط 80 يبقى الافضل تعمل الوصلة اللى شرحتها فى الفيشة عشان تبقى مضبوطة على 83 و تبقى اقرب حاجة لل80
MMamdouh