وانتهت أسطورة الكيا كارينز-رجالة الكارينز يدخلوا

السلام عليكم ورحمة الله وبركاته.
بقالي كتير ما إشتركتش ولا كتبت مواضيع كتيره,
بسبب امتحانات الفتره الدراسيه الثالثه وقبل النهائيه.
من تلات ايام بالظبط أعلن وكيل الكيا في الكويت عند نزول الكيا كارينز الجديده للسوق الكويتي.
فرحت جدا جدا وقولت أروح أتفرج عليها واعرف مواصفاتها وأجهز نفسي علشان أشتريها.
المهم:
ليلة امبارح شديت الرحال الي التوكيل ودخلت المعرض وعيني جت عليها من وشها, وقبل ماقول مواصفاتها عايز أقولكم سعرها
العربيه تمنها (5800 دينار كويتي) يعني مايعادل ( 140 ألف جنيه مصري بدون جمارك ومع اضافة مايقارب ال70 ألف جنيه جمارك تبقي تمنها 210 ألف جنيه)

نشوف بقي المواصفات الخرافيه اللي العربيه نازله بيها:
جنوط 16 شكلها تعبان - كشافات ضباب - فوانيس عدسات -فوانيس خلفيه إل إي دي - كاميرا خلفيه -اتنين ايرباج - مرايه ذاتية التعتيم - abs - طاره ملتي فانكشن مع بلوتوث والتحكم في قوة الدريكسيون زي اللي نازله في السيراتو- زر خاص لقفل المرايه - زر خاص بتفعيل نظام الإيكو لتوفير البنزين- فتحة تكييف خلفيه-وتكييف عادي مش ديول زون - كاسيت عادي ومش دي في دي.

السؤال بقي هل العربيه تستاهل المتين ألف جنيه دول؟؟؟؟؟؟

للأسف التوكيل هنا في الكويت شم نفسه من سنتين بالظبط وأبتدا يفتري بغباء بعدما عربيات كيا ابتدت تنتشر ويبقي ليها سمعه يعني عمل زي توكيل كيا وهيونداي في مصر.

انطباعي عن العربيه:
وش العربيه جميييييل وأحسن من القديمه بكتيييير, لكن يعيبها ان الفانوس الأمامي كبييييييييير وبطووول الكابوت كله والعربيه سقفها واطي وتحس انها قريبه من الارض مش زي القديمه. لما بصيت لها من الجنب بصراحه حسيتها عربيه معفنه جدا جدا ومالهاش شكل خالص.
دخلت جواها لقيت القعده بتاعتها مش زي القديمه وماحسيتش انها مبهره خالص لكن جودة المواد الداخليه واضح بصراحه عن القديمه والشنطه واسعه زي القديمه.
اللي معاه الكارينز القديمه ومش عاجباه يروح يقولها : "حقك عليا يا غاليه" ههههههه

210 الف في كيا هههههههههههههههههههههه ههههههههههههههههههههه
هما بيوزعو نكت في التوكيلات عندكم

تسلم على التقرير ياباشا

وترجع بالف سلامه ان شاء الله تعالى

السعر ده فعلا تقريبا صحيح , انا كنت عند احد المزعين لكيا و سألت على الكارينز الشكل الجديد و السعر المتوقع كان الرد ان السعر سيدأ من 180,000 جنية لاول فتة و ده معناه ان الهاى لاين حيزيد 30000 الى 40000 على الاقل طبعا اصبت بالذهول و لعنت اليوم اللى ممكن يجى اصبح مضر ادفع حوالى 200000 جنية عشان اركب كارينز و ارجو ان ما حدش يقولى اصل الدولار زاد و اكلام الفاشل ده عشان من سنة الكارينز الهاى لاين كانت ب 130000 و كذلك كل العربيات نفس الفئة و الان بنتكلم على 200000 بالرغم ان الشركة الام فى كوريا اعلنت ان سعر الشكل الجديد سيكون بنفس السعر ل2013

شكرا عالتقرير يا باشا،،،، و المفروض الناس تصحى وبالتمن ده تبص للاوروبي والله احسن ١٠٠ مره

هههههه باحسبك اكتشفت فيها عيب خطير ووقعت قلبى
أنا متفق معاك تماما فى إن الشكل القديم أحلى بكتير من الجديدة
فيما يخص السعر ....... لو كل العربيات المماثلة لها ارتفعت أسعارها بالتوازى حتكون الكارينز لقطة
مجرد رأى

اقتباس:

---

المشاركة الأصلية كتبت بواسطة khaled_nowaihy

هههههه باحسبك اكتشفت فيها عيب خطير ووقعت قلبى
أنا متفق معاك تماما فى إن الشكل القديم أحلى بكتير من الجديدة
فيما يخص السعر ....... لو كل العربيات المماثلة لها ارتفعت أسعارها بالتوازى حتكون الكارينز لقطة
مجرد رأى

---

للأسف توكيل هيونداي وكيا بس هم اللي رفعو سعر عربياتهم وباقي التوكيلات لما بينزل موديل جديده بيزود في المعقول مش بالغباء ده.

باشا
السعر ده طبيعي لانها اكيد مش 1600 cc
القديمه كانت 2000 او 2400 مش فاكر
و كانت 7 راكب مش 5 زي اللي بتنزل مصر

عموما هما فعلا بيسهتبلوا جامد و الكارينز اصلا مش عامله شغل هناك خالص لان الكل بيخش علي الكارنفال علي طول

الا قولي صحيح الا الكيورس ام 17 الف دينار عملت شغل في الكويت و لا للفرجه فقط زي ما كنت متوقع لما نزلت
مش عارف مين يسيب ال 5 series و يركبها هههههه

اقتباس:

---

المشاركة الأصلية كتبت بواسطة horas3000

باشا
السعر ده طبيعي لانها اكيد مش 1600 cc
القديمه كانت 2000 او 2400 مش فاكر
و كانت 7 راكب مش 5 زي اللي بتنزل مصر

عموما هما فعلا بيسهتبلوا جامد و الكارينز اصلا مش عامله شغل هناك خالص لان الكل بيخش علي الكارنفال علي طول

الا قولي صحيح الا الكيورس ام 17 الف دينار عملت شغل في الكويت و لا للفرجه فقط زي ما كنت متوقع لما نزلت
مش عارف مين يسيب ال 5 series و يركبها هههههه

---

يا باشا الكارينز القديمه نازله بماتورين 1600 سي سي والتاني 2000 سي سي
والكارينز 1600 سي سي أغلي للأسف من الـ2000 سي سي لأن بكل بساطه المصريين بس هم اللي بيشترو العربيه دي ومافيش ولا كويتي بييجي ناحيتها والوكيل رفع سعرها أكتر من مره بسبب الإقبال علي العربيه لأنه برضو بكل بساطه العربيه كان سعرها منافس جدا جدا جدا قصاد الكورولا أو الهوندا أو أي عربيه تانيه.
بالنسبه للكوريوس أعتقد حضرتك جاوبت علي سؤالك بنفسك.
مين اللي هايفكر يشتري عربيه غاليه وتقليد ويسيب الألماني الأصلي؟!!!!!!!!!!!
أنا لحد دلوقتي ماشوفتش الا تقريبا اتنين في الكويت كلها.
لكن العربيه اللي ماشيه هنا زي الحلاوه الأوبتيما والسبورتاج. وده اللي خلي التوكيل يتغر ويزود في الأسعار بغباء.

انا يا زعيم علي حد علمي ال 1600 دي معتبتش الكويت و لا الخليج من اساسه
و الكارينز في اللي اتباعوا في الكويت قليل قوي و مشفتهاش كتير و مكنتش بتبقي معروضه في المعرض اصلا
و يا زعيم ما هي السيراتو كانت برضه اسعارها تنافسيه لكن معملتش شغل خاااالص و كل اللي جابوها مصريين تقريبا و الكوب منها كان اكتر من السيدان و لعلمك التجار المصريين كانوا بالاتفاق مع التوكيل بيحولوا الشحنات اللي رايحه الكويت لمصر عدل
زيها زي الالنترا بس الالنترا باعت شويه
فالسعر مش كل حاجه في الكويت

و انت نسيت اهم عربية بالنسبه لكيا في الكويت و الخليج عموما
الكادينزا

اقتباس:

---

المشاركة الأصلية كتبت بواسطة horas3000

انا يا زعيم علي حد علمي ال 1600 دي معتبتش الكويت و لا الخليج من اساسه
و الكارينز في اللي اتباعوا في الكويت قليل قوي و مشفتهاش كتير و مكنتش بتبقي معروضه في المعرض اصلا
و يا زعيم ما هي السيراتو كانت برضه اسعارها تنافسيه لكن معملتش شغل خاااالص و كل اللي جابوها مصريين تقريبا و الكوب منها كان اكتر من السيدان و لعلمك التجار المصريين كانوا بالاتفاق مع التوكيل بيحولوا الشحنات اللي رايحه الكويت لمصر عدل
زيها زي الالنترا بس الالنترا باعت شويه
فالسعر مش كل حاجه في الكويت

و انت نسيت اهم عربية بالنسبه لكيا في الكويت و الخليج عموما
الكادينزا

---

يا باشا أنا شغال في الكويت من خمس سنين_ من 2008 وحتي الأن_ ومن تلات سنين بالظبط كان الكويتين والمصريين بيتفو علي كيا وهيونداي لحد الهيونداي والكيا نزلو أشكال حلوه وابتدا الناس يشترو العربيات ولكن علي تخوف وللأسف لما التوكيلات شمت نفسها رفعت سعر العربيات بغباء.
وبالنسبه للكارينز فأنا نزلت السنه اللي فاتت مع أحد زملائي وإشتريناهالو وكانت 1600 سي سي ونزلها مصر السنه دي. ولسه من تلات شهور بالظبط رحت مع صديقي أسامه واشترينالو واحده الشكل القديم وبرضو 1600 سي سي وهاينزلها كمان سنتين مصر. حتي بروشور العربيه نازل بماتورين الـ1600 والـ2000 سي سي.

وعلي فكره لما رحنا نشتري مندوب المبيعات _جنسيته سوري_قالنا ان انتو المصريين سبب في رفع سعر العربيه زياده عن اللزوم.

اقتباس:

---

المشاركة الأصلية كتبت بواسطة esam_ayad

يا باشا أنا شغال في الكويت من خمس سنين_ من 2008 وحتي الأن_ ومن تلات سنين بالظبط كان الكويتين والمصريين بيتفو علي كيا وهيونداي لحد الهيونداي والكيا نزلو أشكال حلوه وابتدا الناس يشترو العربيات ولكن علي تخوف وللأسف لما التوكيلات شمت نفسها رفعت سعر العربيات بغباء.
وبالنسبه للكارينز فأنا نزلت السنه اللي فاتت مع أحد زملائي وإشتريناهالو وكانت 1600 سي سي ونزلها مصر السنه دي. ولسه من تلات شهور بالظبط رحت مع صديقي أسامه واشترينالو واحده الشكل القديم وبرضو 1600 سي سي وهاينزلها كمان سنتين مصر. حتي بروشور العربيه نازل بماتورين الـ1600 والـ2000 سي سي.

وعلي فكره لما رحنا نشتري مندوب المبيعات _جنسيته سوري_قالنا ان انتو المصريين سبب في رفع سعر العربيه زياده عن اللزوم.

---

ههههه يا زعيم انا بقي من مواليد الكويت
و رجعت مصر من سنه بس و لسه بنزل الكويت زيارات بصفه مستمره
و متابع للجديد في عالم السيارات بصفه مستمره لانها تقدر تقول هوايتي
و فر في مواضيعي و انت تعرف و اخر جوله عملتها كانت شهر 1 اللي فات لما شفت الكيورس

و بصراحه اول مره اسمع عن الكارينز 1600 بس انت بتقول جبتها لصاحبك فمصدقك و ان جيت للحق انا مكنتش مهتم بيها اصلا فمكنش بسال عنها

بس لو كده فمن المنطقي انهم كانوا ينزلوا السبورتاج ال 1600 كانت هتبيع اكتر من الكارينز بكتيييييير و خصوصا للمصريين

و سيبك من كلام المندوب كلهم كفتجيه
مهو السوريين برضه (ربنا يفك كربهم) عندهم جمارك زينا و بيعملوا اللي احنا بنعمله
هو بس زي ما انت قلت الموديلات الجديده زي الكادينزا و الاوبتيما اللي حسنوا صوره كيا و عملوا رجل علي التوكيل و هما ما صدقوا